[季候鳥] 夏天就到，速成增肌要決你知幾多？

轉貼

準備定操肌要長年刻苦心態先啦


認真，操好身材冇捷徑，一係就食藥練用健康換肌肉量，但健康無價，風光十年換來中老年五勞7傷變藥煲半殘完全唔值得架

最快速增肌要決就係要識操同勤力食訓操決一不可，新手完全冇操過肌，極限值係一個月可以有近1kg純肌肉增長，理論上一年可以增10kg純肌肉 ，但真實情況係完美食訓操環境下先做到，你要返工唔係全職健美根本做唔到，淨係2個鐘食一餐，深層睡眠8小時，除左操肌冇其他勞動性工作比肌肉完全休息，所以打工仔新手極限純肌肉增長值我估第一年得5kg，之後每年減半，所以基本上操到身材有返咁上下肌肉量既人都要3~5年時間，仲係要bulk狀態唔可以cut，
呢種係計識食訓操既人都要5年時間，唔識操你就算操5年都係增脂多過增肌，就係健身房9成肥腫人士

所以速成增肌第一步，你就要打好基礎，做好動作同發力先有得傾落去

簡單講，食瞓操，將健身慢慢融入生活。


第一樣最多人犯健身錯處就係: 太著重大重量
操肌舉鐵肌肉既運用就係主動肌、協同肌及拮抗肌，而家係要主力練主動肌練胸就練胸練背就練背，協同肌就係輔助完成動作既肌群，一個良好肌肉訓練正確慨念應該係：
主動肌全力抗衡機械張力，協同肌輔助完成動作，控制拮抗肌唔好比佢出嚟幫手借力，

但當做一個大重量自己身體覺得完成唔到有危險，身體安全機制就會運用埋協同肌及拮抗肌幫你完成動作，即係成日講借力
推胸會借手臂同膊力，拉背會借手力同腰力，你哋諗下推胸長期用左手臂同膊力完成動作，胸肌會唔會可以好好發展？你推得重唔代表胸肌練得好，可以9成力量去左手臂同膊力，而胸只食到一成咁點練得好？
仲有你練胸練唔到胸變練左手臂同膊，咁練之後點樣練手臂同膊？硬拉又係勁多人插幾餅咁夾硬拉上去，d力去哂腰手腳個背都唔會食得應，長期咁練根本唔係練你想練個舊肌肉，而係咕哩死力搬貨咁真係練力only架

夏天到左巧耐

思兄做開咩動作操core?

呢個

冇操好耐, 以前就dip bar leg raises, mountain climbers .......


宜家冇特別做, 其實有好多動作用緊core
除非要好靚側腹, 人魚.....另計