相信各位準畢業生,喺今日放榜後都已經收到你哋嘅成績單經過一日嘅沉澱之後大家心情應該都開始平復,可以好好慶祝吓辛勞帶嚟嘅成果,而如果失手嘅朋友,人生仲有好多其他可行嘅方案, 千祈唔好覺得自己失去咗唯一嘅機會 但係無論點, 大家接落嚟最緊要嘅任務就係要好好準備點樣安排你哋嘅Jupas 排位
俾啲資料大家參考吓,攞到main round Band A offer大約佔九成 換言之,如果要攞offer,點填Band A嗰三格係關鍵。亦因為Band A已經佔咗九成, 即係話Band B 以後嘅choice可以唔需要太大壓力。隨心揀一啲自己有興趣嘅科目就OK
大家喺排choices 嘅時候 可能會覺得好迷惘 ,作為過來人我哋都十分清楚呢一種嘅感受。 為咗呢一日我哋問遍我哋識得嘅朋友,整合咗以下嘅資料俾大家作參考:
A1: 無論機率幾低都好,想搏嘅就搏一搏
A2: weighted score最好係達到上年嘅median
A3: 揀一科你有興趣而且 最穩陣,有望八成機會入到嘅科目。可以參考吓上年入學嘅 UQ/median 加多兩三分,咁樣會比較穩陣
如果大家唔知嘅話 學友社每年都會出一本出路指南,內容涵括晒嗰年所有嘅科目嘅資料同埋上年嘅入學資料,大家可以唔使喺唔同嘅大學網站碌嚟碌去去搵你想要嘅科目 (不過記住點都好, 揀啱之後都係要返大學個網站做Final check)
https://www.hyc.org.hk/%E5%87%BA%E8%B7%AF%E6%8C%87%E5%8D%97
最後大家記住除咗自己睇之外,都要多啲詢問家人前輩朋友嘅意見,有時望住個choice 難免會有盲點,多啲人幫手睇吓話唔定會俾到你新嘅insight
最後同大家講聲: 2024一定入到
P.S. 問開意見嘅時候有一位朋友好似話識人整咗一個Jupas計分器(?) 可以用大數據計到你入唔同program嘅機率,同埋可以幫手排你嘅JUPAS choice。 雖然佢好似剩係得英文版,但係睇落都幾使正有興趣嘅可以試試佢 (利申:大家用咗我係冇佣金收的 )
https://jupas.academix.app/