Leica 用家討論區（4） 松下貼牌梗有一款岩你（SL,Q,Lux …)

不過我都諗住過幾個月去日本嘅時候順便買部新嘅菲林機，仲諗緊應該買M-P 0.72,M-A,定係復刻版嘅M6好。因為大家都差唔多價錢，三款機嘅價錢最平同最貴都係相差千幾蚊港紙。
測光嘅話有冇都冇所謂，因為我而家用緊M3就已經習慣咗冇測光，鏡頭嘅話其實我都係用35/50mm。其實我都有睇過網上介紹呢三款機嘅片，但睇完之後都唔係好知，其實除咗外表同測光仲有咩分別，所以想睇吓呢度有冇用緊呢三款機嘅用家可以俾少少意見小弟。

的確係，聽聞你去日本Leica買機，如果同店舖經理熟嘅話，如果店舖經理又話到事，其實菲林相機好似係可以額外做多個九五折俾你。但係就算做咗九五折之後，價錢相比起香港啲水貨佬都仲係貴六七千，不過平六七千嘅話就冇保養。

但yen 平喎兌換番都冇着數咩？，我都有睇到個日本網話2025 1 月會加價

本身都係咁諗，兑港紙4萬幾。相差港水一萬左右

唔係全球保咩

如果你喺Leica Store或者Leica網店買嘅話就有全球保養。但係水貨佬就睇你喺邊間買，有啲剩係得七日有壞更換，之後有咩事嘅話就要你自己處理。有啲係會有國際保養，但係國際保養嘅意思係要由你買機嗰間舖頭幫你寄返去德國度搞，你冇得自己登記保養嗰啲。不過就算冇國際保養或者過咗保養期，你帶返部機去Leica嘅維修中心，嗰度嘅人都係會幫你哋返去德國，不過你就要自己比運費。

三部機個mechanic 係一樣。主要分別係外觀
而且三部都係0.72
我之前就見M6 reissue 心郁郁
但我比較好Black paint 露銅同埋outlook 復古啲所以揀咗MP

水貨mp啦，貴過三萬五買黑色真係有錢仔既行為

即係日本買完可以係香港leica store 搞保養

係，不過你係要去日本嘅Leica Store買先得

M6 reissue唔係有得露銅咩？舊M6先冇

有，但佢唔係亮黑所以無揀到

MP a la carte

日本要買新嘅MP難有現貨，M6反而有啲可能。

有興趣，但係出面應該已經冇全新，就算有都好貴

MP難買到現貨又真係估唔到，但我反而想知道其實電子嘢例如測光方面，M6復刻版同MP推出嘅時間都差接近20年，其實準確度嗰啲會唔會好大分別？

都一樣，睇自己鍾意邊個款就得。

其實玩leica真係咁在意個測光咩大家玩菲林機都裝定測光apps架啦，同埋leica個中央重點測光有時都唔係好準