話說半年前夾好晒時間去東京之後，條友就開始嚟料
除咗揀東京呢一下之外就冇再參與討論
機票、酒店全部我book 都算，本身我鐘意plan 行程
佢淨講咗句想慳錢，book 一間房就夠
佢無所謂，我當然無所謂
喺我角度，住宿不嬲都係唔洗咁貴，除非住溫泉旅館
啲錢用喺食飯度仲化算
ok 交俾我，我plan 晒交通又如何
出發前兩個星期問佢有冇嘢想食，佢話乜都食，士但醫飽肚就得，叫我話晒事
咁好啦，東京大把嘢食，google map、tabelog 評分高既都唔會出事
萬事俱備，成個行程、後備plan ABC都砌好晒
出發前兩日仲要提埋條友仔記得買sim 同帶passport
好彩出發當日叫做順利，落機、拎pass、轉車、checkin 一剔過
一入到酒店房，條友就嗌好攰之後直接跳上床話要攤陣先，跟住又話張床太細，叫我推我張床過去拼埋俾佢大字形咁瞓陣
本身我個人有少少潔癖
唔係好想推埋去，點知條友推佢張床埋嚟再一嘢跳上去
仲要金絲雀咁碌嚟碌去又話張床好舒服，叫我過嚟攤陣先
我都冇眼睇，我話我坐櫈就得
俾你碌陣
我都明舟車勞頓係攰啲，冇chur佢
我同佢講我有啲餓，因間抖陣就去附近一間人氣拉麵店食個晚餐，食完嘢行吓donki lawson 就結束今日行程
佢口講好呀，磨咗半個鐘之後突然㩒着部電視話想睇netflix
如是者又磨多半個鐘
其實我個肚開始打鼓
最後睇咗個幾鐘netflix 先肯出發
好彩都叫做食到嗰間拉麵（但早啲去就唔洗挨肚餓排隊排成個鐘）
行完Lawson，返到酒店房同佢講第二日啲行程
本身講好咗早起身行程上先會鬆動啲，但條友聽到要早起就話好攰想瞓晏啲先出發
我本身都預佢hea 底
但心入面都係想去plan 咗既地方
第二日行吓商場，六本木，喺starbucks 坐吓又一日，淨係幫佢影啲IG 打卡相都影咗半日
shop完ping之後又話返去睇netflix
我死死地氣陪佢睇咗晚，一路睇一路嗌好攰叫我幫佢按吓小腿
心諗日頭幫你拎晒啲手袋、戰利品仲想叫我做呀四我話幫你準備埋熱水浸腳好冇
點知條友厚面皮到話 你仲唔快啲去
我話我有啲攰，我沖完涼叫佢自己去浴室浸，之後我倒頭大睡咁瞓咗
其實真係攰，矇矓中feel 到條友仲係咁用腳踢我
第三日朝早，我終於頂唔順同佢講一定要去鎌倉 江之島
佢初頭話咁遠唔去，我斬釘截鐵咁講
咁你喺度睇netflix，我自己去
結果今次到佢死死地氣跟我去
去到鎌倉勁好天，加埋去到鎌倉高校同江之島真係好靚好有feel
條友先話做乜唔早啲叫佢去跟住又要幫佢瘋狂影打卡相
之後嗰兩日又嗌攰
行程上都係落街行吓商場食吓嘢跟住就返酒店房睇netflix
淨係去咗淺草（又係咁幫佢影相）
netflix都唔知有乜好睇
香港都有得睇啦大佬呀
成個trip 咁就完咗
完trip 之後仲話我plan 得好寫意，幾時再帶佢去
我真係俾佢激死
講真日本都係獨遊爽啲
想去邊就去邊唔洗就住就住，又哎又西咁因間放工條友又約我食飯，肯定又問我下次去邊
可唔可以放過我
同朋友去旅行真係好大風險
好晒心力
都係獨遊正啲
失望
