格躺
2024-07-09 22:07:58
我眼角望到樓下又有下一隊部隊衝緊過嚟...
全部揸晒黑色盾牌嘅。似乎真係驚動咗PLA高層...
我拎起檯面盒子彈，慢慢一粒一粒咁壓入彈盒...
反正... 我要做嘅嘢已經做完喇... 不如就...
「葉教授！你已經被包圍！請你立即舉起雙手棄械投降！」
...
白色房間... 強光照射...
我啱啱已經飽受水刑嘅洗禮...
「啪！」條賤蓄大力摑我一巴！
『咳咳咳...』
「講吖！究竟你架F-35載著啲咩人？飛去邊到？」
『嘿... 我講你知都冇用... 』
「國家咁信任你，俾咁多資源咁多空間你！要你為國家做返少少事，去討好班米國人，去學佢哋嘅科技！到頭來你不但止唔識感恩，竟然去顛覆國家！」
『你就算殺咗我都唔會有用。冇人迫到我。』
「放心，當然唔會殺你啦。睇下你喺你屋企人面前，仲係咪咁講野囉。當然唔會殺你啦，國家實在太睇重你啦...」
我呸。只見佢嘅下屬望一望佢... 稍為擰頭...
「屋企人你唔理啫... 你嘅青鳥呢？」佢似乎終於發現我其實已經冇晒親人喺XG...
「你唔係一直都好迷戀同你離咗婚嘅青鳥嘅咩？我見你呢幾年嚟都好留意某個作者寫關於命中注定嘅作品喎～ 你知道我地要捉你嘅意中人出嚟都唔難㗎喎！」
『哼... 就算有又點... 你覺得我嘅青鳥會好似我咁蠢咁易俾你哋捉到咩？你呢班只係忠誠廢物咋嘛！』我理直氣壯咁喝斥！
「你！」個長官作勢想繼續打我！
『打吖！最好就打死我！我睇你地以後仲搵到邊個幫你哋研究科技！打唔過人就打自己人！垃圾！卑鄙小人！冇膽匪...！』我破口大罵！
「啪！碰！」
