1. Edan呂爵安@MIRROR 後援會早前又宣布解散！又係因為已經屬第三次解散。今次fan club爆出會費問題，被指高達1000萬會費下落不明。計返fansclub大約5300人，入會費位位$400，總值200多萬。估計不翼而飛嘅，仲有賣應援物所得利潤。
2. 歌迷會集腋成裘，油水甚深，近年Edan fan club醜聞不斷，舊年已被爆有幾個管理員叫會員做「白卡」，仲設「黑名單」阻止粉絲抽中門票，當時惡行曝光之後，fans club立即解散。之後另有fans組成新管理員團隊，點知被發現團隊仍然有上屆成員(咁似啲屋苑業主立案法團)，於是團隊又解散。
3. 自從MIRROR爆紅，帶起應援熱潮，民間fan club成立都係諗住中央集權，方便經理人聯絡，又可以加大應援力量。而粉絲為追星可以去（使）到好盡， 銅鑼灣每年4月都變姜濤灣， Anson Lo直程出到無人機賀壽，難怪成為另類商機，甚至係撈油水聖地。
4. 之但係油水還油水，人哋真心粉絲願意用高價買物資，亦都要真係交貨俾人先啱數。有粉絲就投訴，之前透過fan club買應援物但冇收到貨，亦無人回覆。亦有人聲稱因填錯資料，fan club因而拒絕出貨，俾咗800幾蚊得個桔。
5. 有網民就喺討論區開post數臭FC管理員惡行！以「Edan 呂爵安後援會骨幹成員奢華追星生活大曝光」為題，起底該fan club會長，指責佢喺Edan最近嘅拉闊音樂會坐前排，「但演唱會門票未有公開發售，好有可能係福利自肥飛。」又指fan club多次無通知會員下，自肥做Edan MV臨記。樓主仲公開對話紀錄顯示，前管理員為咗唔畀人發現再次成為管理員，出$600搵人扮自己出席應援活動。
6. MakerVille 都睇到呢個fan club商機，兩年前成立官方後援會，成立首日已進帳2000萬！到近期見面會亦識玩，12子分拆來搞，油水撈盡。都好嘅，叫做幫補下 #Viutv 收視低迷、艱苦經營的財務狀況囉！
