梁思浩在《娛樂好好玩》中跟江美儀分享一件發生在他與吳家樂身上的小秘密，梁思浩指曾遇到一位外表楚楚可憐的女星：「隻眼未流眼淚，不過都已經『浪』住（眼淚），咁我哋兩個……嗰時家樂未結婚，就唔知係咪睇中人啦！就問喇『咩事呀』，對方『我……我……（發出啜泣聲）唔講喇……』，最怕呢啲呀！」梁思浩指多番關心下，決定為對方出頭：「我話『你哋啲劇組呀，蝦人呀』，點知原來唔係……我而家都要同嗰個人道歉呀，因為我幫錯咗人呀！」
梁思浩代人出頭原來擺烏龍
梁思浩指被指控欺負人的女星有江美儀的霸氣感，他表示：「嚟同我哋哭訴嗰個係可憐樣嚟嘅，我哋誤會咗霸氣嗰個人係蝦佢，原來掉返轉。」梁思浩更透露對方是香港小姐出身，現時甚少在香港電視幕前演出，在內地亦不見有很多工作，曾發生了一件轟動全港的事，並稱很多人都被她楚楚可憐的外表欺騙。及後梁思浩說出一個關鍵線索，指該女星當時自稱被欺負時，正拍攝一部由三位女星共同主演的劇集。有不少網民猜出他指的可能是由郭羨妮、佘詩曼及楊思琦主演的《無名天使3D》，而發生在楊思琦身上又轟動全港的事，似乎是指當年她未婚生女一事。當年的確有傳郭羨妮、佘詩曼及楊思琦拍劇時有不和情況，當時有指郭羨妮、佘詩曼本身已多次合作，私下非常老友，二人被傳合力排斥當時正上位的楊思琦，就連出席活動時，郭羨妮、佘詩曼都被指不跟楊思琦交流。
