方力申直認對泳總失望 對香港游泳未來發展不樂觀 輿論下有議員聯絡

11:39 2024-07-08

方力申早前接受《星島》獨家專訪時表示其泳會的一名9歲男童參加本地賽事成績優異，已符合參與本地錦標賽資格，但因受制於其所屬於泳會級別不夠高，該名男童無論成績如何都不得參加錦標賽，香港游泳總會其後發聲明指，若開放所有「競賽屬會」參加錦標賽，將影響該會的屬會計分制，但無回應男童參賽資格問題，方力申其後在社交網回應泳總的聲明，表示震怒及失望，批評聲明答非所問，本末倒置，昨晚再回應事件，他直言：「對總會一定失望，也對香港游泳的未來發展不樂觀。」

方力申昨晚（7日）為《Angels Within Us天使綜合症慈善演唱會》擔任表演嘉賓時再回應事件，表示又嬲又委屈，稱曾為港隊立下不少汗馬功勞，對推廣游泳不遺餘力，更自設推動游泳的慈善機構，「我年紀老邁都日日操水，積極推動游泳，但總會的聲明最後仲講到，報道不要太負面，會影響年輕泳手，對總會聲譽受損，我覺得委屈的是，總會不為泳手着想，一直都只是在講個制度，無理會運動員的利益，所以我才會嬲，第一無答我問題，個小朋友是香港人，我們是你們的屬會，在你們舉辦的比賽達標，為甚麼他不能參加比賽呢？我都說不要計分不要資源，甚至獎牌都不要，只要參賽就可以，但他們都說不可以。（因為你個會未夠班？）對，是我個會不夠班，不是我個選手未夠班，問題是總會不是宣傳泳會，不是幫泳會謀福利，而是幫助泳手普及，如果我們的屬會唔得，即是我們都不用做了，但不是應該百花齊放，不是應該越多屬會，才能練到更多泳手，讓他們達標，為港爭光嗎？但原來我們這種屬會有限制，我們甚麼比賽都能比，但最叻的比賽就不能比，覺得奇怪和不公平。」

方力申 似乎好用力咁軟對抗緊

方力申又指聲明沒有關心事件中的小朋友，沒叫小朋友不要不開心，也沒有想辦法幫助小朋友，問到總會可有再聯絡他，方力申稱事件已引起輿論，又指有人提議不如聯署請願，希望引起更多人關注，亦有議員聯絡幫忙。問到可有找立法會體育、演藝、文化及出版界議員霍啟剛幫忙？他表示有聯絡過，獲回覆了解中、處理中，「其實只講我關心的小朋友例子，這條條例應該要改，講出來都俾人笑，件事一月講到現在都無人理，出了報紙才有回應，還要是一個大家公認無水平的回應。（感到失望？）對總會一定失望，也對香港游泳的未來發展不樂觀。」

另外，談到為演唱會擔任表演嘉賓，方力申表示何雁詩4月邀請他演出時，才知道她的兒子患病，稱很佩服何雁詩和鄭俊弘，指他們在照顧兒子之餘，仍用心籌備這個演唱會，「剛才演出時，聽到一個6歲患病兒童媽媽的心聲時，也感動到有點眼濕濕。我以前都有參加過匡智會的活動，較年長的智障者行為可能會引起外界誤會，所以外界需要接受更多教育，大家都要多些耐性和包容。」至於他可會為預防下一代患遺傳病而作準備？方力申坦言有了解過，「即使父母都健康，孩子也會有機會患病，是不是就不要生呢？」並謂有例子是父母都拿出健康的精子和的卵子作人工受孕，孩子也有機率患病，所以是防不勝防，還是不要想太多。

緊係啦 唔係仲邊有人係佢間泳會學游水 飯碗都冇埋

而家爆左
啲家長都避開呢啲學校

議員幫泳總叫你收聲

下次就係蛋餅強親自約見

//前港隊游泳代表方力申的泳會，一名9歲的小泳手無緣參加錦標賽，引起熱論。一直跟進運動員投訴的立法會議員新民黨何敬康今早（8日）去信泳總要求會面商討，以及去信立法會民政及文化體育事務委員會，要求討論檢視泳總制度。何敬康回覆《星島頭條》查詢時更透露，已電話聯絡上泳總會長王敏超，將於短期內舉行三方會議，由他、泳總代表及方力申商討小泳手參賽安排，以及目前的制度檢討。//

政治找上門了

老實講，良禽擇木而棲，強如尼馬都要去大球會巴塞先上到國際舞台。 佢一直留係隊乜嘢山度士都唔會出名得幾多。 永遠都係大球會/大組織先有最多資源同平台
到最有潛質嘅運動員表演。 根本呢個世界就係咁，唔明有乜好嘈。 唔好話運動，工作都係，個個去大公司就係為佢名氣為佢資源福利幫到第日發展。
成件事我最明万刀甲，因為佢唔嘈就等於冇人搵佢學游水 無得撈

之後搞到個個小朋友都被迫加入小圈子既泳會

其他無得參賽既泳會一間一間咁收皮

踢波打11個人要落場合作
所以有篩選都勉強講得通
屌你游水鬥快之嘛
成績好就有參賽權
再唔係搞選拔賽
個會大定細根本冇無分別

游水點同踢波呀, 游得快就贏㗎啦, 話之你個泳會係巴塞定般尼

依家万刀甲就係屌得皇馬巴塞游得慢過閪都有得玩, 般尼游得快過火箭都無份

… 師兄明唔明咩叫資源？咩叫名氣？咩叫信用？ 運動員要培訓，唔係有手有腳就合資格比賽。 人哋大球會大公司講緊嘅係信用價值，你一個細組織點知你會唔會玩嘢？ 就如大公司要搵外判都係搵幾間大嘅嚟報。
資本主義制度就係有階級觀念。 唔係點會個個讀書想入Band 1、做嘢入大公司？ 師資唔同、環境唔同，連你將來都會唔同

講緊嘅係平台。

拿拿聲去外國啦仲講

方力申今次又幾撚型

細球會都有得參加足總盃、聯賽杯囉

九唔搭八 環境資源多係咪一定學得好啲呢樣野唔評論
人地宜家係band 3讀書都係狀元實力
不過考評局話你唔係讀band 1中學就唔俾考公開試
唔關個細路實力事

你呢啲局外人竟然都會迷信呢一套
依家又唔係叫泳總拎啲資源出嚟俾個小朋友
個小朋友本身就係同年紀中游得快
嗰啲培訓嘅嘢已經唔使泳總做
你就講到佢係普通人想痴資源
依家又唔係叫你返工
競速類運動考慮咁多場外因素根本就on9

其實方力申都好有錢，樓上話佢要搵食嘅話，唔係好正確。今次我覺得方力申型，挑戰強權

可能當年佢經歷過
講真以佢名氣要入圈子點會難

呢啲隨時為港爭光 幫習大大攞彩嘅正經嘢又唔撚做

之前健美總會單嘢先識得依個何議員
上網睇返原來前澳門特首何厚鏵啲親戚嚟
雖然都幫唔到咩