奧地利玩到希臘之失約巴黎 [LIVE] [2024]

03:00 歐國盃決賽 英格蘭 vs 西班牙 即討區1
- 分享自 LIHKG 討論區
https://lih.kg/3738941

宜家做緊既野

沿途風景




去到Klagenfurt，首先去酒店房放低野。


間野係self check in，又要自己搵間房同開鎖，同埋門口張地圖，搞到變智力遊戲咁。




跟住落去搵餐廳食野，星期日夜晚嘅Klagenfurt大部分野都無開，呢間有開不過full house，去第二間廚房收左，我係到諗究竟正常人類可唔可以係星期日夜晚嘅Klagenfurt 搵到野食？



Food Stall 物價

我決定返火車站碰運氣。


去到火車站間Billa有開，不過入面得5歐羅既沙律同7歐羅嘅壽司，我買左支1.5 L 奧地利牌子Lemonade。


火車站隔離有Kebab 店，於是我買左個Kebab拎返去酒店一路睇歐國盃決賽英格蘭西波一路食。

夜晚發現漏左個adaptor 係Graz，於是今朝先去搵adaptor，樓豬不嬲習慣長trip帶兩個adaptor。

為左唔好重演搵唔到野食事件，先去樓下間SPAR買晚餐。


途中行過市集。


Klagenfurt 街景



連Klagenfurt 呢啲鄉下地方都有中菜。

行多陣行入左Altplatz，舊城區比較旺既部分，人流明顯多啲。



無耐就入左去商場。


見到Muller 似百貨公司就行入去睇。



佢入面係有叉電野買 (Google map寫係drug store，再度證明Google害人不淺) ，不過得EU頭駁USB，唔係萬國adaptor。 之後我發現間間電話鋪都係無萬國轉駁頭。



行過啲舖無我都係出返去了。

去Landhaushof 食飯。




今餐食呢個州既特色野食。




龍仔都出嚟坐下。

Klagenfurt都算鄉下?咁巴打可能未去過真正鄉下地方了

點解叫呢到係 "鄉下地方" 係想突顯間中菜館好突兀礙眼

食完就係附近行


係Neueplatz入左去Information Center見到遊船leaflet。


Klagenfurt 最出名都係條龍噴水。(Lindwurm) 其實Klagenfurt 都有歷史，不過Klagenfurt 重點唔係舊城區就無特別研究。



跟住就坐車去左Klagenfurt 大學。

有個牌講Klagenfurt 歷史


附近有個Euro garden




今日重點去Miniundus，係世界各地建築既迷你版。



入面地圖同建築，大部分都係歐洲既。

室內展廳 太熱，昨日太夜瞓係入面瞓左陣





宜家無咁熱先出嚟行。


有堆船係個水池。


連登仔見到女嘅心理反應：




奧地利OMV鑽油台

基本上中國人開嘅所有分店=海外110

模型博物館Wide shot，我揀啲中意既分享。



基輔蘇菲大教堂


印度泰姬陵


某著名時事評論員鄉下嘅清真寺


Salzburg Hanger 7 同DC 68


呢度165個模型我六點半先行得四十幾個，八點收館。即刻變speed run 模式狗衝。
巴庫少女塔


里拉修道院


新天鵝堡


聖家堂


聖索菲亞清真寺


烏干達代表---教堂，當年簽友好協議個陣叫起

Prag Rauthaus


下美景宮


St Polten Rauthaus


呢座野係Klagenfurt 附近，瞓醒之後應該去。


紐西蘭毛利人既屋


德黑蘭 Marble Palace


亞美尼亞 Etchmiadzin Cathedral，將會去


梵蒂岡城 最大個模型


之後仲有啲維也納建築模型




Mostar古橋


漁夫堡


費城獨立市政廳


最後啱啱好睇得晒




出到去日落，等巴士返酒店食晚餐



今晚食燒雞，沙律菜同蘋果。

朝早先衝去Klagenfurt 站放低件行李。


跟住去買個三文治。


搭巴士去Miniundus 落車，見到無人駕駛車測試緊。


行過Miniundus 後面既一個公園。


跟住又比Google Map老點，穿過工地係個碼頭。個女工頭見到有條友唔知做乜9行入工地，於是就大喝一聲叫返我條傻鳩出返去 ，我順便問佢個碼頭係邊。


無耐就見到個碼頭同Worthersee。 啲湖水都幾靚



船艙內部同廚房。



開船了


去到第一個站

我係第二個站Reifnitz 落船。水質乾淨係透明的。



跟住就坐巴士上Pyramidenkogel ，呢座野2013年動工近年先起好。



係個山丘上面




我買左package就直接入去。



見到441級樓梯我好果斷排𨋢，條樓梯係旋轉型望到出面風景，撘𨋢個陣一路上升個陣隔離啲阿婆見到出面風景係到wow。



係塔頂有一層室內塔同三層露天嘅觀景台。



呢度仲可以比錢玩滑梯直落塔底。



見到啲湖水好藍，風景優美。


呢度可以望晒成個Worthersee，最左面係Velden ，而最右面係Klagenfurt 。



後面可以望到連綿山脈。


本來係想留耐啲慢慢睇，不過船期太西兩個鐘一班，所以我都係決定坐下一班船走。


好彩啱啱好趕到巴士，呢到巴士係就船期開。

跟住就坐返船去Velden。


沿途景色，同有啲中途站 (都係度假村) 比人係個湖度假咁。







坐左一個鐘之後就到Velden。



一落船就見到間酒店同Schloss Velden。

lm

落船之後去食飯。



本來想食Tafelspitz，不過呢間已經無整，咁叫左個beef Goulash。



餐廳隔離有個自己嘅浴場



食完野就周圍行下，Velden 係旅遊小鎮，大多數都係圍住個湖嘅resort，其他都係公園，商店。




呢度仲有個賭場。


呢度啲浴場一係私人嘅一係要收錢。 搞到明明好多女就只能遠觀。



無乜嘢都係專心欣賞湖景。



呢度好多水上活動，不過樓豬係旱鴨子唔玩水。


夠鐘就遊船河返Klagenfurt 攞行李。


船艙入面環境





慢慢睇住湖景就返到Klagenfurt

[Balkan: The Powder Keg] 西巴爾幹CLS之旅 [半LIVE] [2024]
- 分享自 LIHKG 討論區
https://lih.kg/3740788

明天用新post 改左Keyword (SEO問題)
可以去個到聚腳

係Klagenfurt 碼頭就返火車站，話說我即刻in app買one way ticket，跟住架巴士到站，架巴士開走先過完數搞到我要去等第二架車



等緊火車

夜晚8點幾去到Villach，一早買左meal deal bundle，食一個包當晚餐，第二個包當早餐。






一出站見到呢個雕像

先去酒店放低行李，沿途街景



旅客中心


St Nikolai church，前面有個心。


係橋上影日落，見到啱時候照拖住行李影，過左條河就係舊城區。




終於去到酒店，又要抱住個gip上樓梯。


Villach 舊城區好細，我呢種習慣拖慢行程既1.5-2 小時已經行完。佢啲街好似囍帖街咁頭頂有裝飾，都有啲特色。





正中間Rautter Brunner 係市中心大教堂。



係Rauthaus 班細路好好精力係到亂跑 ，佢哋仲無啦啦拖走張椅，唔太理解佢地做緊咩。




入夜街景





St Nikolai Church 出面有個舊城區模型，佢有個牌話舊城區1649年開始有。


行完就返酒店book野

Btw 今日Worthersee/Villach係奧地利最後一站，我地係下個post 見。 (無人流應該係Keyword問題 ，啲人見奧地利唔係 Hallstatt = 文化/歷史/藝術野，悶就skip，加上我狂講真話屌日本應該得罪左唔少連登日本教徒 ，令呢個post推得仲慢。



無啦都係聽失約巴黎啦，
https://youtu.be/LGLc_PTGojY?si=fx2oNVV_um2PgYBN

下個post 轉Keyword 同開頭改一改加啲野應該好啲。大家可以去呢個post繼續討論：
[Balkan: The Powder Keg] 西巴爾幹CLS之旅 [半LIVE] [2024]
https://lih.kg/3740788

呢度係咁 奧地利一定要去Hallstatt 德國一定要去國王湖 克拉科夫一定要去集中營 bla bla bla
華沙 布魯塞爾 法蘭克福一定悶之類

特別嘅地方反而想睇
諗起另一post 科索沃嗰個其實高質 但反應竟然一般

連登流量密碼:
日本>>>>>>...>>女

我聖誕檔期出幾日名古屋受難記介紹日本幾on9係最多人睇

冷門地方一係上熱門一係無人
中亞係票房毒藥嚟
阿塞拜疆夠多女圖同有紀律更新所以好啲 [同埋有牙影呃流量密碼]
亞美尼亞有潑水節 keyword加持所以LIVE左3日 反應ok

一無流量密碼即刻無人入嚟

現實同連登一樣