[90後]其實我哋父母冇資格批評我哋

發咗個夢同老豆老母嘈交
（現實係已經唔係同住+好少聯絡，冇可能嘈）
一覺瞓醒好似悟到啲嘢
好似一夜之間放低咗啲嘢

佢哋個年代
大部分人係
細個雖然成日話好窮好窮
但從來都冇話窮到要捱餓
反而因為大家都「窮」所以好多單純嘅好朋友
兄弟姊妹關係普遍都好
從來都冇人逼讀書
因為大部分人都係讀唔成書
中五中三畢業冇人睇唔起你

就算唔讀書 掛住玩掛住拍拖/追星
都一定會揾到嘢做
工廠電子廠飲食乜乜乜
只要正正經經返工
只要你想
就會結到婚擺到酒買到樓

到90年代
有學識/有底子嘅人一早知共產黨咩料
冇學識但有遠見/諗法嘅人都知回歸世界會大變
有錢嘅籌備下準備移民
冇乜揸拿嘅正常都會選擇靜觀其變
而我哋老豆老母
完全冇諗過
層樓未供完 回歸之後有乜事就會負資產
而家生 你個仔嘅教育就唔係你當年嘅教育
冇人會知十年之後嘅學校係點教
十年之後仲係唔係用港幣
會唔會一街解放軍
全部冇人知
佢哋竟然選擇原地生仔

冇危機意識嘅老豆老母
啲仔女好多時好細個就會發現老豆老母唔係好妥
要為自己諗多步
再誇張啲嘅
甚至會從好細個就parent 自己嘅parent 而不自知

我自己嚟講
好細個就想自己入名校（係自己想 唔係人逼）
所以小學開始好搏命（有時仲會有少少旁門左道，例如上forum識下啲未來師兄師姐問佢當年點入）
我老豆老母就話
做咩要逼到自己咁
讀名校好辛苦㗎
衰到我籌備左兩三年
小六臨門一腳話唔比我報我想讀嗰堆學校
自己砌到勁靚嘅CV
拎去報屋村19中學
啲老師又廢又狗眼看人低
考DSE 人哋正常老師仲緊張過個學生
我啲19老師仲好意思上堂講9嘢講是非
一落堂人都唔見埋
好彩自己生生性性
靠自己放學之後狂讀都叫入到個大學
當年勁大怨氣
但仲未諗到我到底係想怨邊個

到而家到左當年老豆老母生我個年紀
我由一開始完全諗唔明點解佢哋會生
唔明點解97有舊錢喺手都唔走
好多好多唔明加埋
到最後答案只有一個
就係我哋根本係完全唔一樣性格嘅人

遇到不公義/未知嘅事
不安底嘅我哋選擇企岀嚟/未雨綢繆/行多步/plan b
佢哋選擇坐喺度 有飯食有工開 未驚過
遇到好似瀑布咁嘅衝擊
我哋一係頂硬上 同佢死過
一係揾路走
佢哋選擇浮喺度比個瀑布沖走

呢幾年世界又再加速嘅時候
呢啲本色又展現晒岀嚟
2019屋企嘈到要搬走唔再講
而家
我哋呢代積極爭取緊英國澳洲加拿大PR
佢哋就1. 路都舖埋比佢都唔肯走
2. 情緒勒索話養到咁大一走了之乜乜乜

我哋永遠都唔會明佢哋
佢哋都永遠唔會明我哋
但我哋做仔女嘅
最多都係勸下佢哋 氹下佢走
而佢哋對我哋
郁啲就屌落嚟
又情緒勒索又人身攻擊

其實佢哋有乜資格
世界係屬於下一代嘅
唔好因為呢啲人而放棄自己
大家都要加油

冇你老豆老母你會存在係尼個世上？ 忘因負義既賤種

唔係鼓勵去怪/改變佢哋
只係講緊唔好因為佢哋而改變自己本身想行嘅路
因為好多時候 如果你問佢你個plan好唔好
佢哋一定係話左唔好先
就算佢覺得你plan得好
下一句又話你個人能力實行唔到個plan

唔好比佢左右自己先係最重要

笑死
講到好似單純存在喺呢個世上好美好咁
就算真係過得好 都係因為我有為自己打算

再講
我冇逼佢無套內射
當年我呢個bb 為佢哋帶嚟幾多快樂
因為成就佢呢啲快樂 我長大之後受左幾多辛苦
呢啲又點計

原來到2024都仲有人用忘恩負義形容
都真係幾好笑

生左你出黎咁辛苦你 你老母直頭要跪低向你叩頭認錯啦 賤種諗野既思維真係

多謝你示範
典型情緒勒索

睇落樓主用交換做諗法，
有無諗過正正係呢種父母，
先養/教得出自己咁既性格同態度？
無冒犯意思。

其實你幾明白父母，
但相唔相處到係另一個層面既事。

俾我實做得好啲，
如果係我一定唔會咁做，
每個人對唔同事情都會有類似諗法，
其實自己在乎，先會拎黎煩。

你悟到，放低咗，
可能係你開始失去咗嗰份在乎，
開始客觀咁理解事情既正反面。

老實講，好多野無咩所謂，
你想移民咪走，父母唔想咪留低，
彼此都係獨立個體，互相尊重咪得，
你話BB仔帶俾佢地開心，
相對佢地都有執屎執尿，打和啦。

反而覺得父母最有資格批評自己，
我係用相處時間同基因咁諗，
佢地最起碼試過呢款基因既其中一條路，
而又同自己相處最耐嗰個，
如果佢地都無資格，
唔通中學教得自己幾年，
定或者出黎做野郁啲就罵人，
呢啲人有資格批評我？

批評自己既資格係自己俾唔俾對方，
你唔俾，邊個講咩你都可以當發噏風，
你俾，唔識字既老人家你都可以虛心學習。

屋企人既野，相處到咪相處，
相處唔到咪做親戚，間唔中先見，
至於你話怪返轉頭，
彼此彼此啦，大家都實有野怨，
有一日你唔在乎，佢在乎，
你咪贏家囉，反正都係鬥長命。

你都講左世界係下一代既

咁你2019年搬左出去就應該知道，你同你兩老價值觀根本唔夾

應該自2019年就同佢地斷絕父母子關係啦理撚得佢地死吖

仲勸乜撚野吖，你個腦忽撚左？

咁撚得閒打咁大片文
幾歲呀大佬，仲係到怨屋企人

你所謂識得諗，其實只係好多嘢都係網上睇到

你試吓將你網上學到嘅知識全部唔計

你仲會諗到咁多嘢？

唔好話移民
你哋點樣移民都未識

你嘅年代係因為資訊流通
佢哋資訊唔流通

認同批評資格喺自己決定
但始終就算關係再差
我相信血緣父母嘅說話自自然然就係有個份量
好似你話齋
可能同一個基因/佢哋的確睇住你大之類
我只係覺得有時呢個份量太大
有個無形壓力
好似做好多野都無意中想佢地認同
冇左自己
所以佢地批評批落嚟特別應

只係有一下突然覺得
其實真係佢哋還佢哋
我還我
大家個背景好唔同
互相尊重就好
唔洗下下想改變/迎合
（就算佢哋冇乜點尊重過我）

環境基因性格際遇, 資訊唔流通
局限左每個人當下嘅智慧同眼界
只可以做到當時嘅決定
一步錯步步錯

我比較有興趣知你2024年戒唔戒到丁？

成篇野勁中二
其實你呢個情況有咩好怨
你一路怨父母唔識諗智力低
但跟本佢地對你唔差
只係佢地係你心目中好蠢
蠢都唔係罪黎架大佬

你有無諗過 有爛賭老豆 又家暴 又吸毒 果啲點算

就算冇網絡
會追求知識/眼界嘅人都係會追求
只係方式唔同
好多嗰個年代嘅人鍾意睇報紙睇書睇紀錄片
睇完會自己吸收+反省先係重點
如果唔明/有懷疑會自然揾到駁論嘅嘢嚟睇
尤其當年香港
有紅到發黑嘅書
亦都有講文革講黨內鬥嘅書
當年好多中國人/台灣人都會特登嚟香港揾呢啲嘢嚟睇
根本唔會因為所謂有冇網絡而限制一個人嘅眼界

如果個人本來係人哋講乜你就信
自然就會變得資訊來源單一
就算有網絡 個人都唔見得有見地
只係睇人講咩就跟住講
人哋話咩叫成功你就跟住去

果d咩帶唔帶黎世界論嘅人唔該醒醒

佢地係用我去滿足左佢要生育下一代嘅意義
去滿足佢地chechlist家庭完整度嘅一個角色
呢樣野已經係一開始佢地嘅一種自我滿足
家長係現今嘅社會價值論上面
係有義務為左佢呢種滿足感負上責任
我都會咁樣要求自己
所以我係唔會生

至於應唔應該原諒佢
我同意以前果個年代
好多家長未知有個環境認知到
個生育責任同思想準備
所以怪唔怪佢我認為有討論空間

但係呢度有得account嘅人
你地嘅生活已經同 internet 係共生關係
唔存在你地都無呢d責任思想嘅籍口
更唔應該係你地把口講得出呢番說話

你點知我老豆冇家暴我

其實我成篇野都冇責怪成分
只係指出佢哋當年一連串嘅決定顯示出我同佢哋係唔一樣嘅人
永遠唔會明對方
我嘅立場係 唔明就行遠幾步互相尊重
佢哋就成日想改變我哋所以不斷批評

結論係
其實佢哋啲批評聽下就好
唔洗討好佢地
因為我哋對成功嘅定義本來就唔一樣

即然過得好係自己為自己打算，過得唔好又怪人？ 哩種人有一個專有名詞：忘恩負義

識分討好同尊重先。
你父母有無將你o既衰野放上網公審？定你係完美，無衰野比人講？

廢老上乜撚野連登

你老母養到你咁大 比你叫佢做廢老