【7月新番】擅長逃跑的殿下｜CloverWorks製作

BD 1 封面

睇到尊氏嗰幕就覺得 電鋸人要既演出就係呢種

頭先睇國外reactor片發現原來巴哈有刪剪左唔少足利尊氏斬人d血腥鏡頭

以為之前嗰幾集已經夠曬高水準
點知今集再高上幾個層次

好似話比錯咗未完成版，依家應該改返

玄蕃:

護良親王

日本歷史真係亂到仆街
鬼佬會唔會睇唔明
幕府個將軍架空咗天皇
之後又有個執權架空將軍
足利個將軍又架空天皇
同時又話自己係國王向明朝皇帝稱臣

隻賊原來咁勁
仲好識嘢, 借醉係咁摸巫女屁股

日本 南北朝 其實到而家仲有爭議 天皇係咪正統

下克上真係日本特色
中國會稱帝
日本好多時實權嗰個官職好低

好似日本仲有南朝後人 當住裕仁鬧佢

印象中 咁多代天皇都無無實權同兵權
呢樣又係好奇特

直頭連將軍都無權
天皇好似有啲似教宗

佢似曹操多啲，呂布打親都贏就唔會俾人斬頭啦

其實佢成日輸
根本擅逃過少主
唔知點解死唔去又嚟過
足利家內鬥打到癲都可以全身而退

魔改結局穿越到現代日本鐮倉得唔得
橫掂佢一開始心願都係同班百姓開開心心過下日子
神官神力咁強一定得既

日本天皇應該同古中國叫皇帝做天子一樣有宗教意義上負責祭天既意思？
捧個傀儡天皇有咩天災人禍可以賴天皇失德換左佢

日本原本係天皇主政文官地位遠高於武將，直到白河法皇呢個天皇嗰陣佢手下出現佐個好勁嘅武士平清盛，不但反cup天皇仲打敗對頭武士家族源氏，從此日本天皇失勢，日本進入武士主國嘅年代。但平清盛死後佢家族西軍平氏俾宿敵東軍源氏反cup，亦即係好出名嘅源平合戰，後世日本成日關東關西不和/紅白合戰就源於呢場仗。源氏得天下後源氏大佬源賴朝建立佐日本第一個幕府，並將首都由關西嘅京都搬去關東嘅鐮倉，稱之為鐮倉幕府。源朝賴嘅老婆叫北條政子，就係主角北條時行家族嘅女，佢同源賴朝識於微時+源氏靠北條幫手起家導致源朝賴怕老婆唔係好夠膽立妾，所以最終得三個仔仲要其中一個係妾侍仔一早被逼佐去做和尚，而佢剩低嘅兩個仔又早死（有傳言係俾佢哋外公即係北條政子嘅老竇北條時政殺嘅）然后北條家就又反cup變佐鐮倉幕府啊頭。

不過隨著時間過去北條家越來越廢，變佐傀儡將軍，但就算係傀儡仍然係當時日本嘅統治者，咁一路失去權勢嘅天皇家族就當然想反cup佢所以時不時都打下仗咁。動畫入面故事嘅開頭就係當時嘅天皇後醍醐天皇又出兵打北條氏，而北條氏就派手下權臣足利高氏去反擊（高呢個字就係主角老竇北條高時賜俾佢嘅），點知足利去到天皇面前就改為投誠天皇，然后帶兵滅埋鐮倉幕府。

咁天皇當然好開心啦，又加官晉爵又賜名俾佢叫足利尊氏，但足利最終目的係想自己做皇帝所以無耐之後又造反，後醍醐天皇打唔贏走佐路去南邊建立南朝，而足利就建立佐室町幕府，並搵佐個天皇家族嘅人光嚴上皇做傀儡皇帝為之北朝，日本開始進入南北朝年代。

至於動畫主角北條時行係歷史上就係係足利尊氏打來打去嗰陣偷雞佔返鐮倉，但只佔佐20日就被足利滅佐，後來走去投靠南朝天皇但又因為係北條家嘅人不被信任，最後戰敗被殺。

而南北朝呢邊，南朝基本上係去到足利尊氏晚年滅佐南朝大將楠木正成之後就已經失去反cup嘅本領，去到足利尊氏個孫足利義滿嗰陣正式統一南北朝，同時被明朝封為日本王，天皇家族正式進入完全失勢嘅吉祥物生涯。


而係大政奉還後天皇家族重新上位嘅一二戰期間，由於天皇至上嘅思想，反皇室嘅足利尊氏同想殺埋天皇但最終被手下阻止嘅足利義滿都被視為逆賊之類嘅負面角色，所以期間寫嘅歷史書都基本上將佢地寫做大奸角。相對地同足利尊氏對戰但輸嘅保皇黨楠木正成則被視為軍神，佢嗰句七生報國都變成二戰嘅日軍口號。

足利仲衰一樣嘢
認大明皇帝做天子

講解得好清楚
唔該哂

然後時行去咗隔離江之島玩, 仲遇到孤獨搖滾波奇佢地四個