![](https://cdn.hk01.com/di/media/images/dw/20240704/885583975270060032670298.jpeg/nssGXfbhteIRWmcXC853VmE78T_tnUauSFZTG2JWUxs?v=w1920)
陳太指,曾勸大仔轉讀細仔有興趣入讀的男女校小學,但因其稱「死都唔去」才打消此念頭。
位於筲箕灣的小學慈幼學校昨宣布,獲教育局批准在2025/26學年由男校轉為男女校。有不少學生表示更愛讀男校,更有學生直接表示「唔開心,唔想有女仔,我慣咗得男仔。」
家長則學校決定持正面態度,認為現時香港出生率低,改為男女校能幫助收生,亦有信心兒子可適應有女生的讀書環境,男女校的學習環境,或可讓兒子學習與異性相處,「第日出嚟社會都會有,冇可能永遠都對住男仔」。
家長引述兒子稱更愛讀男校 「話女仔太容易喊,唔啱玩」
家長周太的兒子現時讀小五,在慈幼轉男女校之時兒子就會升中,相信新安排不會影響兒子在慈幼的學習。她認為,轉男女校需要時間準備,「一路咁多年都係男校,突然轉男女校,洗手間、課程各項都要轉」
她表示,兒子愛讀男校,更希望升讀同是男校的直屬中學慈幼英文學校,「佢唔鍾意同女仔一齊讀書,佢話女仔太容易喊,唔啱玩」,又指兒子性格文靜,向其訴說「同女仔玩唔可以太大聲講嘢,要溫柔,唔可以太惡。」
學生:唔想有女仔,我慣咗得男仔
至於陳太的大仔正讀小三,之前在九龍區曾就讀男女校小學,他對慈幼學校轉男女校的決定表示「唔開心,唔想有女仔,我慣咗得男仔」,陳太指,兒子讀慈幼之後好開心,亦喜歡男校,「佢覺得周圍全部男仔會好玩啲」,昨晚收到消息後回家都對其表示,「覺得男校好啲。」
不過,她表示,「一直希望佢入男女校,男仔女仔溝埋一齊好玩啲」,但因家中老一輩喜歡慈幼校名,搬屋轉校時才為兒子報讀男校,她認為未來慈幼變為男女校可更互補。