今次我自己就行咗好多間，jins 7日拎，owndays 8-10日，zoff 10日，以上都係包含做超薄鏡同埋特別功能鏡片嘅時間，同埋就唔係間間店舖做到海外郵寄，若果時間冇咁許可，應該第一步問咗可唔可以寄海外同埋自己嘅度數佢可唔可以處理到，跟住就可以喺香港等佢寄返嚟。基本上只要唔係做漸進鏡呢啲就問題不大嘅，最好就香港做咗個驗光，然後再喺當地眼鏡舖再做一次咁就make sure俾佢嘅度數係準確，問返店員就漸進鏡嘅話會有焦點問題，普通單視點鏡只要度數準確就冇事的，寄香港之前會同你喺店舖幫你調整好鏡框先，所以收到之後即刻帶都係好舒服。
啱啱係日本配咗兩副
第一副係去咗999.9 同屋企人買完框就走咗去唔同連鎖舖頭睇吓有冇得一個星期內拎到, 最後得jins做到亦都加到日本獨家超級鏡片功能(即係超級防刮)同埋1.76, 冇幫襯佢買框都係21,000 yen就搞得掂, 呢副東海係雙非球面睇嘢超靚, 眼鏡框就香港賣得好貴，當地買返當地名牌價錢平好多。
第二副去咗眼鏡市場買多個屋企電腦用, 買咗個外國名牌框之後喺佢度配埋鏡片之後寄返嚟香港, 不過日本買嘅鏡框都係買日本當地嘅先會平好多, 如果係買外國名牌嘅話有機會香港網購會仲平, 鏡片都係1.74 hoya加埋防刮同埋藍光, 埋單都係1800港紙，鏡框大概價值1500，300係加咗功能落去，香港網購眼鏡店睇返同一個型號大概1200有交易。
我平時喺香港大型 88 $4000先落到樓買一副, 買日本連鎖品牌都要兩三千仲要唔係名牌鏡框, 真係 鍾意日本眼鏡真係去日本買, 比起香港係正好多, 度數鏡片選擇多仲可以加唔同功能, 就算係香港有舖頭嘅日本連鎖品牌鏡片質素都係差幾倍, 不過真係對深度數嘅日本連鎖係會平好多。
下次應該都會再買多副同埋試吓日本tailor made西裝，佢地d西裝全部勁涼爽舒服，同埋價錢都係好平，不過就對材料冇做功課唔知道係用得靚唔靚，如果有巴打知歡迎介紹吓
