男朋友大十年 你問我答

與其話解決不如話磨合咗
過咗去嘅嘢改變唔到 唯有改變自己嘅觀點
係㗎 有啲位我曾經覺得跨唔過去
但原來換咗個觀點睇 其實冇咩大不了

同大自己咁多嘅男朋友一齊有啲似踩咗上Mario嗰條彩虹帶咁急速成長(我自己覺得係😂）

所以如果要追個大自己十年有多嘅男人都係要由女方主動會大機會啲？
你地當時係傾咩多？

都冇得佢男朋友唔接受架啦 可能佢男朋友自己岀面都仲有件

我只係其中一個case啫~

大唔大機 要睇佢本身係咩人 我男朋友本身就係啲內斂小小嘅男仔 要主動啲佢先敢表達自己

而我本身就係啲會主動表達自己嗰啲 同佢傾偈都係抱住朋友心態傾 冇好在意得失 對互flirt呢件事不停remind 自己 可能佢係撚9我 唔好太上心(當然會忍唔住爽咗下 但小心為上 一個唔覺意 撞着個渣男都冇咁痛)

但都有啲係大男人啲 太主動又未必歡喜

傾咩多就都係分享日常生活 因為鍾意呢個人 所以對住佢有分享慾 佢都有回應我 又俾啲位佢引導下佢講下自己野 跟住flirt下佢咁 去到後面嗰一仲月(未一齊) 會每晚傾下電話 講下大家嘅過去咁上下

我同佢同公司所以好少會dead air~ 唔會冇野講
同埋佢個人冇乜雷位唔傾得 所以都幾smooth幾容易傾

其實所有有情緒嘅事 學識自己理順咗一次
知自己因為邊部份有情緒
係因為佢呢個行為背後嘅諗法 定係行為嘅本身？
因為個人定因為件事 自己搞清咗先

再諗下呢件事 如果你係佢你會點安撫自己 換句話說即係你希望佢點做 會令自己感覺好啲

諗到點做 就開聲溝通 表達自己因為邊樣野所以有情緒
: 我因為咁 所以唔開心 我希望你可以分享俾我聽你點諗/我希望你咁做
(當然要make sense 唔make sense 嗰啲就嗲到佢就範)

一盤我理順完 再同佢溝通 好多時都係誤會
淨低一啲已經發生過 改變唔到亦安撫唔到嘅事
我會問自己 呢件事重要啲 定眼前呢個愛你嘅人重要啲

有陣時嗰刻可能覺得好重要 但時間真係可以沖淡好多嘢 亦都可以證明好多嘢
只要問自己係咪真係愛呢個人 同有幾愛 so far 我大部份嘅情緒都喺呢個過程消化咗 或者溝通後解決咗~

磨合到之前有好多個emo 嘅夜晚
但換咗個觀點之後個人真係會開心好多

中間當然要男朋友都好有耐性 每次emo 都不厭其煩咁同我講佢愛我 亦都多次用行動表達佢只愛我一個

去到有個位你都冇辦法再去質疑佢嘅愛嗰時
我先學識溝通同相處