當年第一次睇《鎗火》係咩感受?

而家都算happy ending

而家啲社團好公道㗎
獎罰分明
阿哥唔知㗎
得你同我知咋

咁即係見唔到佢㗎喇喎
一定

任達華真係好正
行出嚟個外型明明係型棍
但一做戲佢做咩角色都做得
鳩屎又做到 市井阿叔又做到 ptu 又做到 蔣天生又做到 變態偷窺狂又做到 狗仔隊又得 大追捕個隻差佬又得
同時明明佢係大明星 但佢又好唔大明星

個音樂好經典

點解任達華會知信仔食左阿嫂？

應該自信過度,以為自己型仔阿嫂先搞佢
其他人無佢咁靚仔阿嫂唔會有性趣

重點係佢知道 然後個劇情
而唔係點解佢會知

佢後尾攞錢係為左供班殺手，都幾諷刺，殺大佬班人但收緊大佬的錢

用手鎗可以同天台個長鎗狙擊手對射

呢樣野吳鎮宇當時有同杜sir講過好似

同任達華枝煙有火花有冇關係

唔太同意
因為如果你睇返全片 高雄其實係經歷咗三次背叛 而依三次個case 都唔同 處理方法都完全唔一樣

第一次 個細嘅淆底走佬 但因為佢根本冇出賣過高雄 而任達華就算捉咗佢都"只係"閉佢氣十分鐘冇殺到佢 高雄如果真係要殺佢又點會冇俾order 任達華？而且依到佢冇必要做戲俾任何人睇

第二次 王天林想殺高雄奪位 仲要係拎佢啲錢搵殺手 嗰下明明已經證據確鑿 但因為王天林元老叔父嘅身份 高雄都冇第一時間殺佢 反而係叫任達華帶佢返嚟問話 只係王天林寧死不屈先焗住當場搞掂佢

第三次 大嫂出軌 同第二次一樣 好明顯已經肯定有發生 但因為係功臣 都俾足時間黃秋生做嘢 相反大嫂依啲不忠嘅就當場搞掂咗 冇任何情面

可以明顯睇得出高雄個角色就係任達華入面講嘅咁 「獎罰分明」
淆底走佬嘅要罰 但冇出賣大佬 罪不至死
社團元老造反要罰 念在身份冇即時處置 但你唔服就一定要死
大嫂同呂頌賢不忠就要一定要死

獎就仲明顯啦唔駛我多講

杜其鋒呢啲人自信心爆棚唔會聽人講，利申工作接觸過一次，真人好串擺架子

其實商場嗰度睇唔明個殺手推架車出嚟對佢有咩好處

重點係大龍鳳，Mike其實有心做信仔，一早可以係送信仔上船果下係背後開槍。

奈可學Mike話，四條連自己在內的命都跟信仔連繫左，情義兩難存。

門口雄哥連靚都唔會係弱智仔，所以呢場大龍鳳要呃得過門口條友的同時，同時要說服埋Mike，從此 無人會懷疑信仔在槍聲過後係生存到。

任達華應該係拍最多港產片嘅人
大片細片埠片都有佢份,客串佢又唔介意
個市講到幾死咁多年點都會見到佢身形

紅左啦，而家入埋Mirror 添

佢真係咩都肯接咁
早幾年有套恐怖片根本睇完都唔記得個種又唔係大製作
佢都接仲要只係一個單元 做偷骨灰威脅要錢既住劏房既窮撚
我諗佢真係好純粹好鍾意做戲

奇幻夜
佢自己導演埋添

百老匯可摸耳係荃灣廣場戲院搞場重映

當年睇vcd仲係度

最可惜係鎗火3 請唔到阿倫迪狄龍拍，攪到冇咩人提復仇

呀來檔野唔好再搞啦

部戲開頭佢已經叫啲𡃁睇住阿嫂，似知佢係食開仔
網上仲有分析話估任達華都食過阿嫂
所以從阿嫂身上拎到信仔嗰種古惑的煙