以前愈窮愈要生,多一個勞動力,屋企先有階級上升既機會(人多可以霸佔多啲資源,兄弟姊妹有個出色又可以提攜其他人)。
仲有生完窮養都可以養得大,養唔大就送畀人,什至死咗就再生下一個。
發達社會既階級流動性低咗好多,富人穩穩佔有社會資源,中產一有不慎(大病/意外/收入跟唔上通脹)就會滑落底層。上升機會比舊時少,生活壓力大咗好多。
另外生仔再唔係好似以前咁養唔大送畀人,佢唔聽話就打到佢聽話。會多啲人諗到畀唔畀到一個好既生活環境佢,畀唔畀到足夠既時間同資源。考慮多咗、要儲多啲資源,又推遲咗生育年齡同推低咁生育率。
最重要係宜家個人主義當道,生仔唔再係一個現代人必須做既決擇。廿年前唔結婚唔生仔既人會被標籤為「剩女/剩男」,好似係佢地有缺陷先會無人要、生唔到仔。宜家大家對呢啲群體都好平常心,會明白呢啲係個人選擇,而唔係有任何不足。呢度又畀多咗空間畀現代人去揀自己想要既生活。