2024年塞耳仔/耳鼻去邊度睇?

前幾日耳仔入面損咗流血，啲血定耳屎塞住聽唔到嘢
去啲普通科又係比支耳藥水HEA鳩我
而家滴咗4日懷疑耳屎同啲結痂血塊溝埋一齊出唔到嚟，耳仔仲係塞住
翻舊POST睇耳/清耳專科全部都係旺角黃XX，而家仲係唔係1000樓下有找
定係有邊度好推薦，有無師兄呢排都塞過耳仔

我真係搵過旺角黃XX
果時睇都係收400$ （十年前左右）
有機幫你吸耳屎

唔想畀大錢
叫醫生寫張紙過你排油麻地耳鼻喉專科
起碼至少等你幾個月

btw 𠵱家仲興唔興滴耳油
以前耳仔入水耳屎發漲塞咗
之後喺藥房買咗支耳油
瞓之前滴 瞓嗰陣耳仔傾埋一邊
滴幾晚之後等啲耳屎流出啲
之後小心啲撩佢出嚟
盡量唔好用棉花棉愈推愈入
試過通一通又推返入去
最尾都係要去吸耳仔

之前中耳炎 一邊耳仔好似塞住咗聽唔到嘢
第一次去睇私家普通科 俾咗支藥水我滴
滴咗三四日都冇好過就去咗政府門診
佢話中耳炎通常都要一星期左右先好
所以俾多支藥水我 話如果滴多三日都冇好先再返去睇
真係滴多三日就好返
你不妨滴足一個星期先再睇醫生?

醫生比支耳水(油)我又係叫我滴返一個禮拜先
但我上網睇返我呢啲油耳仔用呢啲水成效不大
塞咗4~5日 做乜都無心機 聽人講嘢又要盡量另一邊耳仔
我都驚自己會推入返 所以都唔夠搞佢 但FEEL到舊耳血屎唔出嚟 我都無計

好 我計埋今日應該第4.5日
FEEL到耳仔有舊嘢 結咗痂但又唔出嚟個種感覺

就係旺角黃XX
唔使諗

求其搵間就近診所
有啲會幫你洗耳
如果佢哋唔幫你攞封轉介信
佢嗰啲醫務所專科睇

我樓下啲診所無呢啲，應該唔係間間都有沖/洗耳

去任何私家醫院入面嘅耳鼻喉專科

最後都係去咗洗耳
都係因為油耳仔啲屎出唔到嚟，6舊水走人
如果同我一樣都係油屎仔嘅就真係去洗/吸耳算啦 啲油耳係比啲乾耳用