另有店舖員工指汆水做法可過關，「過關唔可以帶生食，咁你表面燙一燙，就等如係熟咗。」
港人買肉汆水：海關當佢係熟物嘞 咪畀你過關囉
記者去到蓮塘口岸商業城一間肉檔，向店員查詢生肉是否汆水就可帶過關，店員隨即回覆「汆咗水就可以」，亦表示沒有指明要汆到幾成熟。有買肉的香港巿民表示，平時汆水後就可以帶回香港，問及是否需告知員工要如何汆，她則表示「佢識幫你搞㗎啦！」
港人北上深圳已成日常，除了買一般日常用品，買餸回港已成不少人習慣。（《香港01》記者攝）
一名男士隨即加入話題，「我哋平時試過啲雞都係成隻咁，淥一淥個面就（輕鬆過關）。」他表示未試過被海關欄截，「其實（海關）都唔會太咩嘅⋯⋯我覺得，我住呢邊咁多年，都未試過。」他指各商戶做法如是，「大閘蟹咁過唔到咪幫你蒸一蒸先拎，都係一樣。」
記者去到蓮塘口岸商業城一間肉檔，向店員查詢生肉是否汆水就可帶過關，店員隨即回覆「汆咗水就可以」。（《香港01》記者攝）
在同一店舖購28元人民幣生肉的女子表示，時都是汆水就可以，當場店員也表示「生肉唔可以過關啊嘛」。問及是否「係咁已汆水就得」，她表示認同。記者觀察該女士購買的肉，仍稍見有血水，並手指現場生肉指「如果咁樣唔畀過關，汆過水、熟咗啦，當佢係熟物嘞，咪畀你過關囉。」
她又表示在此買肉較香港便宜，店員附和「38蚊斤，邊度都買唔到㗎！」
記者發現女顧客購買的肉仍見有血水，並手指現場生肉指，「汆過水、熟咗啦，當佢係熟物嘞，咪畀你過關囉。」（《香港01》記者攝）
店舖員工：你表面燙一燙就等如係熟咗
及後記者再往燕南站的商場Walmart視察，店舖同樣可以免費汆水，店員亦指「好多香港人過嚟買，汆咗水之後帶過去就得啦！表面熟，佢唔係話全部熟」，而此做法「過關就無事嘅。過關唔可以帶生食，咁你表面燙一燙，就等如係熟咗。」
店員又指，因品種多及較便宜，加上超市的衛生也較好，故有不少港人會過來買。同場就有兩位港人女士一同光顧購入排骨，又教記者指何類肉適合煲湯或打邊撈、哪個更香有肉味。
北上買肉平三分一 港人稱商場買更有信心
紅衣女士向記者表示，平時不會隨便北上買肉，見是在商場內售賣，相信更衛生。她們指，平時不算太常北上，今日剛好北上做美療按摩，就順道逛商場，見有「靚」就買。問到較香港便宜多少，她們表示「（平）最少三分一。」且香港只有水牛無黃牛，而黃牛較好食。
兩人分別買80多元人民幣及38多元人民幣肉，更指此等價格在香港買不到，紅衣女士表示，38元在此買到「兩舊肉」，「38蚊香港一舊都買唔到。」肉質及味道也較好，惟重申商場買會更有信心。
對於不少港人北上，非頻繁北上得她們表示「其實我哋都好有良心」，只是因為按摩後再順道行商場，並提及曾有人就北上議題責罵本港商戶 ，「人哋（香港商戶）個啲就慘啦！你買你嘅事啊，唔好咁講啊。」
紅衣女士向記者表示，平時不會隨便買肉，見是在商場內售賣，相信更衛生。（《香港01》記者攝）
不擔心被海關欄截：我哋慣㗎啦！
由於香港肉類大部分都是在內地運到香港，藍衣就表示在香港不會買這些肉，「通常我食冰鮮嘅，西班牙、美國。但如果我買煲湯一定買呢啲，因為冰鮮無呢個煲湯，無咁甜。」
問及過關有否被人欄截，她們就表示店員會幫忙淥，「佢咁就淥一淥㗎咋，就睇唔到佢熟與唔熟，表面就睇見佢係熟咗，咁樣就畀你過關。」海關也不會特意取出，「一過機就睇哂」，更表示不會擔心，「我哋慣㗎啦！」、「佢哋（店員）教我哋㗎咋，呢個師傅（話）同你淥一淥就過到關。」她們曾有朋友將一大條鯇魚買回香港，「黑蚊蚊咁帶返去佢又得㗎喎。」但明言自己「緊係唔好博啦，會畀人黑名單㗎！」
藍衣女士更指，「查實照到嘅，佢抽嚟檢查，抽到你你真係唔掂嘅，叉你就叉你㗎啦！」若因而惹上官非就「唔抵」，故「自己衡量啦！」
藍衣女士更指，「查實照到嘅，佢抽嚟檢查，抽到你你真係唔掂嘅，叉你就叉你㗎啦！」若因而惹上官非就「唔抵」，故「自己衡量啦！」（《香港01》記者攝）
加上只是簡單汆水，故肉不會變得太老，回到家會立即放雪櫃急凍。對於回港路上肉類會有有菌，她們表示「查實佢淥咗應該都冇問題嘅。」
記者之後亦實測買肉，店員汆水幾秒後就取出，眼見肉仍見紅，惟店員表示「無所謂，佢睇落去好似熟了。」20分鐘後，記者買的肉稍見血水。
店員汆水幾秒後就取出，眼見肉仍見紅。（《香港01》記者攝）
店員汆水幾秒後就取出，並附上一袋冰。（《香港01》記者攝）
記者實測買肉，店員汆水幾秒後就取出，眼見肉亦見紅，惟店員表示「無所謂，佢睇落去好似熟了。」20分鐘後，記者買的肉稍見血水。 （《香港01》記者攝）
三間店舖同指只需汆表面
記者再到第三間超巿，同樣有汆水服務，店員向記者表示，「唔使汆到好熟，汆表面（就可）。」
記者再到第三間超巿，同樣有汆水服務。（《香港01》記者攝）
