澳洲生活討論區(11)

你講既我全部認同
我就係成日聽佢地講post tension slab
香港做左幾年都未聽過， 做開既slab都係穿陣過，簡單好多
所以我初初做完全唔知乜黎 真係要學過

不過講擺陣一定係香港複雜同重料好多 正係柱頭都要好大力既人先做到
呢到唔會有香港見到既重野 除非真係做union既大盤 可能要累積多幾年經驗先入

唔該晒Ching🙏🏻🙏🏻 你而家都係澳洲做番本行？

係好毒 唔搽防曬好易生cancer
做室外工作 一定要一日茶2次防曬

講起防曬
過到嚟澳洲三個月
已經俾人話黑咗勁多
但我日日出街都有用SPF 50嘅防曬

想知有邊個牌子嘅防曬推介

我用cancer council同埋biore
不過搽左都一樣會曬黑 除非你戴闊邊帽

吓
防曬唔係用嚟防止曬黑嘅咩？

唔會完全唔黑 只係冇咁黑
你曬多啲就知

睇嚟我要搽厚啲

香港建築例個live load 同wind load大過澳洲，同埋Melbourne 冇打風，所以香港要重料好多。加埋你唔係造大樓，唔會見到成抽T32 喺柱頭同陣。做高樓先有機會見到。

我過左黎十幾年，以前喺香港做過乾收銀，大判同十仔，而家喺度做番乾收銀都做左成十年。基本上除左天橋，我所有瓣數都做過曬，由大樓，佛沙幕牆預製件，地基打𢰦，隧道，road and drain, 斜坡泥釘，乜都玩過，我都差不多退休。而家咪睇晒成過department教D細既做野，我自己都會落手落腳做。

嘩 師兄好勁
仲有一樣係呢度無紮鐵佬抄則 紮鐵佬係直接睇engineer份則黎做 遲下我有圖則唔明可以問你

咁你過左黎澳洲生活得開心嗎？ 工作方面同香港分別大唔大？
我紮鐵個分別都好大下 啲人好有禮貌 唔會屌黎屌去 同埋好多都有學識 暫時感覺幾好

香港係博命 呢度係生活

過左黎生活慣左係番唔到轉頭。香港係勁chur, 呢邊係work life balance。office 6點後唔會有人，香港冇人早過7點走，除左老闆。地盤就更加做足安全，香港好多揸流攤


香港唯一好處係搵多D錢

呢排個市係靜啲，尤其vic , 洲政府好似破咗產咁
好多乾收銀都炒人

經濟衰退丫麻
樓上仲有人話想經濟再差d可以買平樓
可能真係未經歷過百業蕭條係幾咁難捱

的確係，我做地盤都番唔到轉頭落少少雨就可以停手，試過坐左4個鐘 糧照出。

同埋呢度啲人對地盤佬好尊重，我地可以着工衣坐tram/train都得， 完全感受到職業無分貴賤，亦都無人會care你搵幾錢，無咁多比較，大家都係求開心。

雖然香港係搵多啲錢，不過係真係要條命換番黎

講得出一係銀行有幾百幾千萬現金等掃貨
一係仲讀緊書未畢業