山本五十六
2024-07-03 11:42:30
水手自從6月國際比賽周之後就keep住連續幾個禮拜一周雙賽,喺球員狀態唔好兼疲勞度不斷提升之下,成績自然唔會好得去邊,於是近兩場接連以1:2不敵硬淨嘅福岡同綠茵,目前喺聯賽榜以26分排第12位,就算今晚一戰贏波都只係上升到1位,對爭取三甲位置幾乎冇幫助。而且水手近兩季聯賽對鳥栖成績唔出眾,只得1勝3和。
鳥栖今季完全失去之前幾季嘅韌力,上半季只係間中好一兩場,然後一直搶唔到分,例如早排主場以3:0大破京都,但只係最近6場聯賽唯一一次攞到分,上周末更喺領先柏市1球之下連失4球慘敗。而且鳥栖已經喺聯賽6年冇贏過水手,加上佢哋亦係連續兩個禮拜一周雙賽,對於陣容薄弱嘅護級球隊嚟講相當輸蝕,尤其體能係鳥栖最大本錢。所以鳥栖如果今場作客搶到分,已經算係非常成功。