玩耳機，不如玩埋台機喇叭系統

電腦枱長1.5m 深0.75m 應該會放個32mon同打直27mon 左右就放對喇叭 仲有1.3m係放電腦椅同比人行

示意圖 中間係電腦枱 右邊個位係放電視

書檯而家用緊soulnote d-3 + Sony ta-a1es + Sonus Faber concertino，source MacBook Air

長遠+退燒組合 z3+d3+p3+ psi a25

你間房夠大可以試吓ge，不過要注意番位聆聽距離...

Btw所謂近場聆聽喇叭，其實個聆聽距離都建議1m以上（香港房間好難跟到），所以大部分香港人要玩喇叭都唔可以參考外國經驗，玩完喇叭先發現香港居住環境真係唔夠

你個位算幾好，左右離牆距離足夠，已經煩少好多野，我覺得可以玩5吋

Btw 如果玩開dac的話，可以考慮埋合併式擴音機(Integrated Amplifier) + 被動式喇叭的組合，一般而言amp + 被動喇叭的組合的上限高啲。主動式喇叭的內置amp多數好雞，要就尺寸放入喇叭到，好打極都有限。

仲有，純屬個人意見，主動式喇叭的音量係左右分開調較，有啲歌本身左右聲道的音量唔同，我會成日疑神疑鬼左右聲唔平衡，會迫死強迫症

受教了
擴音機係咪就係平時講嘅推部機要嘅 推力 ?

amp同被動喇叭有冇咩入門牌子推介？

之前上網睇啲音場點set 好多都話放房嘅短邊 想問一下應唔應該轉位？

(原本個枱同電視櫃個放置係掉轉 但喇叭限制好似多啲所以電腦枱放中間 右邊電視櫃有套5.1.2 sound bar (lg s880qr) 見佢有個ai校正 所以先放最右)

睇下你用邊啲主動式喇叭，一般studio monitor裡面個amp係專俾嗰個喇叭用，道理上就夾
至於音量，自己建議係解碼/Streamer之後攝隻前級（加多一套訊號線），咁就可以統一地控制音量

Amp(擴音機）的輸出功率可以當係推喇叭的推力，但同時唔可以單純睇帳面數字，呢部分有啲爭議，我唔深入探究。

關於amp同被動喇叭，我退燒好耐，留番俾其他人推薦啦！

雖然理論上放短邊比較好，但你間房的短邊得2m左右，要注意左右離牆距離（駐波）的問題，建議試左而家個擺位先，調整吓toe-in角度，覺得有問題再轉位。

依家個moon左右兩側都唔夠位放喇叭 一定要放喺moon後面
請問係咪最好買sound bar放喺moon前？

收到 唔該哂

得星期六日得閒係屋企裝修間房
到時有問題再問

目前最簡單係咁 我見外國啲人整個上牆喇叭支架再向下射落耳

空間唔夠雜物多係玩喇叭死症..間房真係唔可以太細.同一對垃圾桌上speaker 只要放係四正大廳d 聲原來已經唔差

搞唔到😂不過我想試吓編曲 但係我又係木耳😂

整set q990d 咪得

可以考慮大耳牛，離耳較近，可以容易啲聽到細節，尤其是係靜電耳機。

喇叭係聲場自然又舒服，但環境因素的影響太大，似乎用大耳牛比較簡單。

我間房得2.2x2.1m ，張枱闊100深80cm
咁樣ok嗎？
聽歌時再坐返後啲？
唔該晒師兄

只要唔好太大貪用大尺寸喇叭&用後氣孔喇叭，調較吓toe-in 角度就玩到。

不過都係建議至少有4吋低頻喇叭，否則低頻十之八九係殘廢

收到你
Thanks

好同意
可以 6 吋就盡量 6 吋
5 吋真係仲差少少
但 6 吋就開始大一圈了
一般 mon 加對喇叭，5 吋 size 體積係 sweet point
聲就真係 6 吋

講就係咁講，香港好難有完善的條件玩，5吋喇叭已經又大舊又需要好大空間去發揮，一般香港人應該要放廳先夠玩6吋...

我聽開的講法係「4-5吋書架喇叭聽人聲就得，6-7吋有啲高不成低不就，玩就8吋三分頻起跳，同兩分頻係兩個世界」。

其實都係為左聽歌姐，我覺得有乜條件咪玩乜lo

台機系統，加個 subwoofer 仲易過擺對 7/8 吋

7-8 吋所需空間玩座地唔好 ？

應該未必關事, 我之前房部電腦都係咁
usb駁pma a110, 加左jitterbug, 換埋hd power拖板, 換哂燒踢線都係有
一邊輕微電流聲, 就算phones駁耳機都聽到

反覆測試, 最後解決要換塊靚啲老帽板

問題個源頭就係個底板
要揀塊做功好既電腦底板，無從入手

但好彩我換左DAC無左

睇咸片點算