其實溝女第一課就係咪撚kam 溝唔到女嘅入一入嚟

有啲咩明顯signal可否分享下

又或者邊d嘢係好多人誤解既signal，其實根本唔係

Lmlm

講野節奏 時冷時熱
有冇咩例子可以清晰詳細咁講下

範本都無。
番工之後仲難。。。
仲要無親戚無朋友果啲。。。

其實講再多都無用

溝唔到女最大嘅原因就係
將「溝女」呢個過程當咗係結果

第一步永遠唔關任何個人條件事
而係心態上要接受到溝通係一個互相選擇嘅過程

毒撚最大嘅弊病就係「我對你咁好 你唔受溝 你就係臭雞 呃鳩我 收我兵」
同時又覺得只要我再對條女好啲就會感動到佢

仲有一點好好好重要‼️
千祈永遠唔好表白

無論男女 只要係人都係犯賤
一但知道咗有人對自己有意思
就會不經意提高咗自己嘅擇偶條件

一字既之曰：估

周星馳啲戲好睇在你估唔到佢下一步做乜

但又令你唔覺得件事好odd

Kam撚就係令人估唔撚到又odd

佢同你傾計果陣，佢個表情係點先，依樣你自己最清楚。

呢個真係靠估同試探



間唔時flirt一兩句睇下對方咩反應 身體接觸佢有冇好抗拒 但唔好過多 或者 佢flirt你你一定要知同接波 要留心佢講嘅嘢 唔好成舊木咁

同埋有一樣野係 眼神交流好緊要 憎一個人同鐘意一個人嘅眼神都好難掩飾 適當嘅眼神交流有時勝過千言萬言 唔好怕眼神接觸係令人覺得大方得體嘅第一步

點先知佢flirt緊我，而唔係其他正常交流

眼神重要，對方鍾意你既話，你係會發現對方眼睛識笑識發光咁樣啦，不過依樣野要親自領會下。

呢個好睇你自己嘅節奏

一般嚟講 要人想同你傾偈 講嘢嘅起伏絕對係關鍵 唔理你係溝女定日常交流

起伏分長同短

短嘅係你一句說話入面嘅語氣同語速

長嘅就係你內容上嘅鋪排 日常嘅對話有冇自己留低伏線/留意到對方大概鐘意啲咩話題 記住佢 然後突然放出嚟 呢個就係細節同細心

一開始嘅熱情期試探到愈多資訊 就愈多武器去引導話題 控制節奏 同製造驚喜

熱情左段時間 等對面習慣左 就係時候冷一排 觀察對面嘅反應

如果對面係冇乜所謂 就唔好浪費時間

如果對方見你唔主動 自己會主動搵你 就可以試下進一步

呢個講出嚟好似好難 但其實練好左自己嘅談吐 呢種節奏其實係本能 進退有度 保留空間俾對面去估同探索 保持懸念 你個人先唔會悶

唔好死chur 一定要chill住傾 確保對話係對等 甚至你叻仔嘅 條女可以做左下把都唔知 所有嘅反應都係你預判之內 咁就掂晒

呢個就係心理博弈

控制自己嘅投放 盡量引導對方嘅投放同付出 佢付出得愈多心機 時間 情緒係你身上面 就愈唔願意離開

呢個就係沉沒成本

點解有啲人做兵做到冇晒尊嚴都繼續 就係冇控制好自己嘅投放 節奏係晒對方度 放手又唔甘心 咁就碌柒

眼神 肢體動作 講嘢有冇暗示

離唔開都係呢3樣

但具體係唔係要靠自己直覺

如果你覺得佢係 就試下flirt返佢 暗示返佢 睇佢點接

如果佢會接 即係你冇feel錯 如果佢唔接 就維持返正常對話 等下一次機會

呢個真

我唔講具體例子嘅原因就係 溝女真係冇公式 要靠自己feel

對得女人多自然就估得到 一切都係經驗+直覺

毒撚表示冇公式其實先最難

如果溝女都有公式 咁冇咁多人叫春啦

但呢個先係人性同人心嘅吸引力之源

你自己都係冇公式嘅一員 對面都係靠估 憑咩下下都係對方撳住你嚟砌 認真去研究好「做人處世」同「人情世故」其實唔止係溝女 日常生活都好有用

一個節奏好嘅人先會擁有所謂嘅「人格魅力」

有啲人明明各方面都平平無奇 但就從來唔缺女朋友 身邊仲有一大班兄弟圍住 就係咁解 要相信世界冇咁多死好命 好多時「死好命」背後其實係有好合理嘅原因 只係你睇唔到

呢個其實係另一個重點

「對你好」「付出」係對方對你冇好感嘅情況底下 其實好多時都只係唐突同尷尬 你感動到嘅只有你自己

對人好要講資格 3唔識7 或者大家未係咁熟 你對我咁好 企圖心太多 反而令人下意識抗拒 無事獻殷勤 一睇就知你咩料啦

同埋一開始就對人咁好 之後好快就技窮 打機都唔會見面就開大啦 點都要平A試探先啦下話

溫水煮蛙先係王道

溝女邊有範本

我啱用唔等於個個啱

我可以一開始就傾到對方唔願瞓 引到對面主動約我出嚟 出到嚟唔講嘢 用眼神令對方笑+怕醜 第二次出街就出pool 我有啲fd即出即食都試過

但都只適用於嗰一次 冇得copy

因為就算開場有公式 後續都唔會有 同一招對唔同人 效果唔一樣 唔同人用同一招都唔同

你冇我個樣 冇我個談吐 冇我嘅優點 都冇我嘅缺點 更加冇我同樣嘅對方 又點用我啲招

所以你一定要有一套屬於自己嘅節奏 冇人可以手把手教你 因為你都係得一個 要相信自己嘅獨特性 搵到自己嘅發光點 圍繞住佢 去建立一套獨屬於你嘅談吐同節奏 咁先係路

hi，你做咩架？

咩做咩？職業？點解你會覺得我會答你？

Lm

我遇到啲女第一句就咁問。

唔建議 返工都夠辛苦 正常嚟講 同人傾偈唔會想傾自己職業

一來如果行業唔同 你又易冷場 二來人哋未必想傾職業相關嘅話題

傾下興趣 eg 音樂 電影 旅行 乜鳩都好 都唔好傾工作

傾都係輕輕帶過就算

你自己想像下 你係女 有幾個match

Hi 你做咩架？

哇 你幅相好靚喎 係邊度影架

咦 你著衫幾有style喎 我幾鐘意

Hello 你都聽開xxx架 我都好鐘意聽佢 有啲taste喎

你會最想覆邊個？

我敢肯定 第一個一定係最唔想覆嘅查家宅式開場白

係啲女第一句就咁問我。
唔係我問。