分享同床蝨摶鬥3個星期成果

5月中被咬的情況越黎越嚴重
頂唔順開始爬文搵解決方法
用過既野唔算多，但我1000蚊左右解決左

先講結論：
最有用係抽濕機(本身有)同熱風槍
所謂滅蝨3寶係有d用，但唔治本
一般殺蟲水對住隻野噴其實係殺到，唔係完全無用
我房屬於初期輕微，所以比較易解決，我係用最簡易方法唔想用太多時間去搞衛生，所以床褥係無用de粉
另外仲有用既係沙薑同吸塵機

中途我老豆間房搵到個巢穴，加上唔勤力搞所以未斷尾，等老母慢慢搞，反正係我房對角
我自己新床唔夠一年，新床褥唔夠5個月，會經常打開床架拎野放野，床同衣櫃有放抽濕，但舊抽濕機壞左半個月無抽濕


沙薑：好好的驅趕能力，而且唔臭幾好聞。
揀大粒既放床褥底(我放左20粒左右)，細既用舊襪裝住放床4角，用剩既粉狀可以幾個細袋裝住放係床架同衣櫃入面
第一晚d蝨會極度活躍，肯定訓唔撚到
受潮既沙薑用熱風槍或放係電腦主機上面整乾

DE粉：我只係放床邊地下同衣櫃地下既邊邊
配沙薑用係幾有效
注意唔吸得入肺，最好載口罩
最後用剩好多，100g都用唔到

天鹽清：效用最低但最方便用既野，要配熱風槍用，用係床單/被/窗簾/衣服，然後用風筒/熱風槍吹乾，用係電腦椅無乜用
注意佢乾左之後會凝固好似老泥咁既野，痴係塑膠上完全抹唔甩，要用熱水，但係織物上好似無事

苦煉油：要全身都搽先叫有用，我唔覺得好臭但絕對唔算好聞，同沙薑一樣有驅趕效果，但都係有機會被咬，後來我用黎搽係床邊同電腦枱d木邊都叫有效果
電腦椅係我第二大重災區而且一直解決唔到，直接用依隻油倒5-10ml左右係電腦椅上等乾一日解決左
用係衣服上會有個洗唔甩既印

熱風槍：床褥+你見到既所有縫都可以吹，要勤力d
小心使用，隔半尺以上+避免吹同一位置多過半秒

吸塵機：每星期用係床褥/床單

本身唔太識用熱風槍+果排唔算好潮濕少左抽濕
第二星期發現斷唔到尾又見到外國係用熱風解決，就開始勤力d用熱風槍同抽濕機
抽濕機較30%，番工出門前就開，暖風機效果應該更好，但無人係度驚意外
夜晚人係度就開冷氣
抽左2星期之後停左1星期無再抽咁密，依家既天氣都唔濕，已2星期無被咬

爬文果陣唔知點解唔見有人講抽濕，理論上無水乜都死



另外係治療方面中左好多伏
好多野都有用但好多野都唔好用
部分有油性的產品，如青草藥膏/萬金油，係依家吃既天氣反而嚴重左，晚上係屋但開冷氣就有效，出門就gg，出汗痕到爆

使立停Ultramine-H cream綜合最好，但有d貴，而且得個別藥房有買
效果：使立停>強力無比膏>青草藥膏>萬金油(白)>萬金油(紅)

除左前2個其他都有油性，熱就gg
使立停除左止痕差少少之外都係最好
無比膏/無比滴止痕一流，消腫都ok，但用得好快
青草藥膏係消腫後見到咬痕中間仲有血果陣有效
萬金油初期消腫ok，肩酸又被咬可以用，但除左白色涼涼地之外，無乜其他用途
娥羅納英事後去疤ok
曼秀雷敦薄荷膏同凡士林無用又唔好用

strongest post

搞衛生
返大陸搞啦

大陸仔

邊度奶返來

唔知，除左半年內都好似只係老母好似番過一次大陸，老豆去過一次澳門，我幾年無離開過香港

上次去大陸仲係讀緊中學...十幾年前

咁要保持幾多濕度先可以安全？

去賣園藝野既鋪一支農藥噴兩次就搞掂
唔洗煩

點解唔搵人搞