工程師多年來對社會發展有重大嘅貢獻。工程師通常都係 聰明、口齒伶俐、誠實、有責任感、認真同有能力。但三姑六婆就唔係咁睇，覺得工程好沉悶、冇社交、男多女少，而且冇人情味。
不過，仍然有頭腦清醒既人夢想係做工程師，努力追夢。雖然佢哋入行嘅原因各有不同，但大部分都覺得自己可以令香港變得更好，提高我哋嘅生活水平。
如果你係其中之一，就睇埋落去，唔係你就可以出返去。
記得要努力讀書，培養專業技術知識：
雖然有句講法係「工程師因專業知識而聘用，因人際關係唔好被炒，因領導力同管理能力升職」，但技術始終係工程師嘅核心能力。技術知識可以透過唔同方法學到，中學課程入面嘅物理、化學、設計與科技都係基礎知識，而進階知識可以透過大學課程、專家研討會、專業機構嘅文獻同期刊獲得。越早接觸專業知識，對大學學習同職業發展準備得越好。見工一鳴驚人。
培養工程思維，做專業判斷既能力：
除咗技術能力，工程思維都好重要。作為一個負責計劃、執行同監督項目嘅工程師，需要具備創新思維、人際技巧、談判技巧、時間管理能力、自我進修等等嘅個人素質。幾乎所有工程師都認為專業判斷（engineering judgement)對成功實踐工程不可或缺。雖然專業判斷可能係經過多次諮詢、計算同分析嘅結果，但大部分早期既專業判斷都係基於經驗同前例，呢啲係工程思維嘅核心價值。
多謝教育局嘅STEM教育推廣同佢哋嘅「商校合作計劃」，依家有好多機會畀小學生同中學生參與工程相關活動，包括比賽、訓練營、參觀工地甚至海外考察團。香港工程師學會同其他機構每年都會舉辦呢啲活動，大大增加咗學生嘅曝光率同經驗。有啲計劃甚至可以畀學生跟隨現職工程師，觀察佢哋點樣專業而且道德地咁去履行職責。
保持專業，跟上時代：
面對呢個不斷變化嘅世界，註冊專業工程師需要終身學習。佢哋應該喺整個職業生涯中持續專業發展，並且通過返工、讀 master/phd 、閱讀技術文獻、參加專業研討、同 同行交嚟保持自己嘅專業知識。
此外，工程師有必要維護自己嘅尊嚴，時刻提升技術，同時喺技術知識上進步，推動行業向前發展。根據美國國家專業工程師協會嘅說法，工程師應該時刻努力服務公眾利益，並且鼓勵參與社會事務，為青年人提供職業指導，為社區嘅安全、健康同福祉而努力。工程師應該將服務放喺利益之上，將專業榮譽放喺個人利益之上，並且將公眾福祉置於所有其他考量之上。
香港工程師學會前會長蔡教授曾經講過，「...好似其他專業人士一樣，工程師需要終身學習，因為技術變化非常快...當我哋學習自己真正感興趣嘅嘢時，肯定會願意花時間去學，而且會享受學習過程。最後，我哋嘅熱情會自然成為我哋工作嘅動力。」
如果你真係有興趣、有心入行工程界，歡迎你加入。保持謹慎，保持好奇，咁你前途將一片光明！
Source
From a kid to an engineer (By Building Services Division)
(中譯本）
https://hkie.org.hk/en/quali/story_detail/66/
