全港裝2000部CCTV 有市民憂生活被監控 卓永興笑言「邊得閒watch你呀？我好多嘢做㗎！」

警方今年4月展開「罪案黑點安裝閉路電視計劃」，在全港615個位置安裝閉路電視，並率先在旺角安裝15組鏡頭作技術測試，政府近日表示本年度於全港安裝2000部閉路電視。政務司副司長卓永興接受《星島》專訪時表示，在旺角安裝的15部閉路電視，已成功協助警方破獲數宗罪案，將按計劃於今年內在高風險、人流多的地方安裝2000部。他提到，有市民擔心被監控生活、「Big brother is watching you」，但他指市民不應戴有色眼鏡看待，笑言「邊得閒watch你呀？我好多嘢做㗎！」

卓永興指，安裝閉路電視對撲滅罪行是有一定效果，尤其在防止罪案方面，當有人想做違法事情時會有顧忌，「通街都係CCTV、你走得去邊？」他指外國很普遍，相較其他地區，2000部其實算很少，按比例算，18區每區僅約100部。他指現時有些街道「一部都無」，高危地方如金舖及錶行等附近，一定會安裝。

另外，由卓永興擔任主席的地區治理專組， 亦負責改善市容工作，他舉例已開始在機場往來市區的馬路旁植樹，以「片區模式」種植不同的樹，營造震撼視覺效果，令不論乘坐機鐵或乘車的旅客，看到賞心悅目的風景。

他又舉例，將在城門河種400顆樹，包括櫻花樹，打造成景點，「你想像市民可以去撐吓艇、岸邊行吓」。他說會指示食環署針對性地清洗街道，包括人流高、旅客多的地方，讓市民上班、搭地鐵起碼會「覺得乾淨咗」，「如果心情本身唔係咁好，仲見到成地垃圾、污糟邋遢，就更加影響心情」。

至於2萬元的新生嬰兒獎勵金，卓永興表示，截止6月中已有18,445宗申請，已批出17,678宗，涉款共逾3.53億元。被問到計劃會否延長或金額「加碼」，卓永興說，「從來無諗過兩萬蚊就可以鼓勵到生育」，難對於生育起決定性作用，但相信政策是有突破，能釋出政府「非常緊張」的訊息，認為是否延長計劃或加碼是言之尚早、仍需觀察成效。

他又指人口老化越來越嚴重，生育率已跌至近年新低，新生嬰兒獎勵金只是措施之一，「希望能夠喺谷底入面走出嚟或止跌，就算止唔到跌，都想將跌幅收窄」。他指配套措施亦重要，包括優先選購資助單位、優先上樓等、支援照顧學童等。

咁不如我係卓永興屋企裝cam
我又唔得閒睇既

//卓永興指，安裝閉路電視對撲滅罪行是有一定效果，尤其在防止罪案方面，當有人想做違法事情時會有顧忌，「通街都係CCTV、你走得去邊？」//


原來CCTV咁百利而無一害，咁不如喺全港嘅警局所有角落都裝晒CCTV先

而家啲官全部茶記化
點論點同茶記廢老無分別

唔得閒watch，又要裝嘅原因係乜？錢多得滯？

哎呀 CCTV 唔知點解壞咗

人面識別，洗你睇呀長官

人面識別使鬼watch 咩
㩒個制就知你喺邊

AI watch嘛

湯文亮夠晒料做屍焗腸

咁你冇講錯喎
只不過蛋餅強唔係咁睇
你就真係好忙，但人哋好得閒

溫水煮蛙

裝住係門口先啦

慢慢再向屋入面裝

佢唔得閒啫，佢啲𡃁好得閒喎

我淨係見到成班政府垃圾，拎啲錢黎曬

電腦識別 洗自己watch

收數佬末日

條離地高官跟唔上科技發展仲聲大大出嚟柒

牙超：我煲緊祖國偵探劇同教識校友國安教育，邊得閒睇CCTV？

全港CCTV，保障香港市民，更保障遊客，向外宣報全世界第一安全城市。

英美有健全法制，無罪推定。
但我地香港有國安法，好似香港仲安全喎

裝埋入人型狗屋啦
睇下平時點樣熄燈打人都好

依家所有職級d回應一係好撚小學雞
一係好撚中二病