![](https://na.cx/i/8zGs64w.jpg)
《奇葩戲精》講嘢講到黐脷根咁 但氣場異常強大嘅好演員。
張耀揚最廣為人知嘅角色肯定係古惑仔入面嘅烏鴉。呢個角色好多嘅場面都被年輕人反覆loop,例如難做嘅嘢⋯反檯 、劈友期間劈西瓜黎食⋯個人認為最挑戰性嘅演出係張耀揚本身有宗教信仰 為飾演烏鴉 居然踢爛關公神像 瘋狂踐踏。
呢場戲將呢個角色嘅殘暴程度表露無遺。難得在於張耀揚肯照做 又做得好。
至於我點解選擇 學校風雲嘅喇叭 而唔係監獄風雲嘅「食屎狗」
其實兩個角色都極惡 惡就大家都惡,但係學校風雲更令人震撼。畢竟 監獄風雲入面嘅監躉本身都唔係咩善男信女 同有權嘅獄警爆發衝突 實際上係 惡人大戰惡人系列,但係喇叭@學校風雲係擺明踩爆 弱勢人士嘅 自尊/人生/生命,視弱智勢人士猶如草芥,無良到極致。
另外 喺妖獸都市入面嘅惡 更加帶有一種邪惡 喺人皮燈籠入面嘅惡被賦予埋茅山之術。所以 惡嘅呈現效果都好唔同。
至於情聖入面嘅惡 更多嘅帶有一種無厘頭喜劇味道。令人得啖笑嘅惡人,最終亦自食其果。
另外張耀揚飾演嘅 恐龍@ 去吧旺角渣fit人 龍@快樂的小雞 一個係19古惑仔 周圍r撈博上位 一個係平凡馬伕 有啲雷氣咁解。估唔到氣場霸王張耀揚做呢啲角色都做得幾好。有咁兜踎得咁兜踎 有咁無奈得咁無奈。
無間道2嘅羅繼其實好好 可惜出鏡唔多。反而我欣賞同款靜態嘅Mike@槍火,此子世界仔得黎又有啲雷氣,係幾出彩嘅一個角色。
最後 我哋黐黐脷根嘅張耀揚 係比較少唔用配音。唯獨某套戲入面 用佢自己把聲 一如既往黐脷跟 對白唔多
卻講出一句令人破防 炙熱嘅對白。
話說久哥(梁家輝飾演)俾人追殺 貼身保鑣君愉(張耀揚飾演)可能都覺得自己即將殉職,把握到最後嘅時候講咗句
「久哥 其實我一直以黎我都好愛你 我驚冇機會講」
然後就衝出去同殺手駁回火 中槍應聲倒地
估唔到冇死到 鏡頭一轉久哥去醫院探君愉
君愉話 :「本來我鍾意女人,自此跟咗你 我服你 我覺得冇嘢比你更加重要⋯」
顛覆你對張耀揚所有所有角色嘅印象😆深情 中途轉基 忠心
千面戲精 原來真係可以讀對白讀得麻麻哋 卻完全唔影響佢嘅演出😆出原聲都好有個人風格
其實現實中好多黑色力量 咪都係講嘢都唔知講緊乜 只係比起一般人自帶江湖氣質咋嘛