當初係有一日我約左frd食飯去嘅途中等緊燈
然後就有個sales拎住啲卡仔話佢地gym club新開張blablabla我已經不斷話唔得閒唔需要啦
然後佢就塞張卡埋黎話下次拎埋張卡黎就可以帶埋frd黎免費玩下架啦 然後扮哂可憐咁話佢今日派唔哂冇得收工咁
我就見佢咁煩就求其拎左張卡就算啦（which is個紅綠燈真係好耐）
點知一拎左佢就話咩張卡未chop印叫我同一同佢上去chop過印就得好快 未等我say no已經當左我上去咁which is我又社恐唔知再點話唔好就諗住真係chop個印就快啲走
點知一上去就變左第二條友serve我 就係個gary 就無啦啦帶我參觀個場又介紹下話之後得閒上黎玩又話咩比我試下拉返啲筋骨（類似gym physio個類野）然後講完就突然拉我埋張檯到傾計問我有冇做開運動個啲 我話有就突然叫我join plan？？？？
我不斷話唔洗佢都繼續當我冇到 我講到話自己冇錢銀行得幾錢仲要冇收入 都仲要繼續講 繼續減低個價錢減到同我有嘅錢差唔多 話我有錢比啦ok啦 然後仲話真係到時候試左三個月真係唔鍾意就可以退返錢blablabla 我不斷say no佢地都唔得 總之你唔擺低錢都唔走得 不斷話咩健康好緊要 我冇信用卡佢地都死都要我比 我又衰在社恐真係唔識拒絕 真係搞左成粒鐘搞到我電話都冇電搵唔到我個frd求救
然後最後真係求其擺低左我差唔多成副身家比佢先肯放我走仲已經約埋第一堂
好啦咁都約左唔通唔上咩 但係同我上堂又係第二個呀sir 個gary只係個啲幫你拉筋嘅gym佬only唔係健身教練🙂 但係成堂都係得我一個上 上堂係ok嘅真係出汗嘅（雖然我自己平時落gym room做都得）但係重點來了 一落堂又黎料 又話佢地老細不滿佢地比discount比得太勁 叫我幫幫手比多一堂錢等佢老細滿意啲 不斷情緒勒索我 又話計過我上次講我自己有幾多錢 應該都仲夠比多一堂blablabla 我已經話 我已經準備去旅行真係冇錢架啦 佢地就不斷要我比 我又廢 我又推唔到 又比左🙂好憎自己
但係好彩嘅係 我上完個堂就真係同屋企人去旅行 所以冇約到第二堂 但係中途都會繼續keep住send自己diet比呀gary哥睇（話哂都比左錢） 但係其實佢都覆得幾hea下 「幾好呀」「哇食咁好」「哇唔好再send啲好西比我睇啦」類似依啲🙂所以我慢慢都冇send 佢都冇搵我
好自然我熬到過左三個月終於可以同佢講 係咪過左三個月唔滿意可以退錢 然後佢就不斷話要上去傾 （大佬我今次真係唔會再on9上黎比你地成班搶錢架啦大佬） 然後又叫我send返張單比佢睇（可能佢本身諗住我冇keep就可以扮話唔得）which is 張單白紙黑字寫到明可以退錢
然後佢就話幫我處理 又不斷話要我上去搞 我都一直企硬我唔上 有咩嘢要簽要點就電子檔搞掂 張合約都冇話要我上去先可以解決
然後
就冇然後啦🙂
唔再覆我機🙂🙂🙂
想問下大家我可以點解決🙂
我搵埋佢地間野個ig dm都冇人覆我
另外個教練好似仲block埋我🙂
