講笑咁講今時今日喺香港,無返三幾間執吓笠都好難同餐飲零售嘅行家做自己人。 成日聽到光榮結業呢個詞語,其實執笠並不光榮但不一定可恥,最緊要係負責任的執笠,即係唔好欠夥計錢、唔好欠貨客錢,如果可以唔欠業主錢就更加好啦。
我聽管理層報告話決定下個月會關閉四間分店,包括7月15日關閉奧海城的牛角及MMC,7月31日關閉淘大的永華日常及牛角次男坊,都係雖然不光榮但不可恥,一定做到負責任的執笠不欠人錢。
最後,提醒辛苦經營的同業們量力而為,切勿過分死頂輸身家,真係執笠都要負責任。 經營環境改善先開返16間。