一人幾個交友app識人嘅經歷 (16)

要點認證

今日收到apt test
Interview god please
Offer god please

依家仲有冇人用tinder

應該少左好多，掃親都大陸人

bumble 應該正常d, 不過極少match 到

畢業出黎做嘢後斷斷續續玩過10年左右交友app，斷續咁玩係因為拍到拖就會del app。依家已婚，講一下自己用過嘅app同埋睇法，睇法純粹只代表個人意見，始終唔同人有唔同體驗，不喜勿插。

性別：男
玩app年份：2012-2021，有時會同時用幾個app
玩App次序：Sayhi ，Tinder，Uwants討論區（戀愛交友版），SweetRing，Heymandi，CMB

Sayhi：一個好古老交友app，人氣應該算低，雖然話免費但傾計要扣點數，點數只可以每日抽中少量或課金。以前環境比較好，依家好多膠樣假相大陸詐騙集團。但都會間中match到一兩個正常或高質女仔，有朋友識到護士出pool；而自己識過一個唔錯嘅女仔，但同時另一個app識到更好選擇，所以就冇一齊。 呢個app出pool機率低，建議每日抽下點數就好，等點數多再搵人傾，唔洗課金。

Tinder：以前玩覺得呢個app每日可以like好多人，但大部分都係冇回音，同時好多就算match到都唔會有回覆，所以玩咗幾個月就del咗app。

Uwants（戀愛交友）：討論區其實少人玩，但勝在免費。自己開post自介等人pm，或者PM人留聯絡方法都可以。依家好少人會上討論區交友，但正因為人少配對少，個人感覺match到嘅女仔係比較認真傾。自己就係度識過兩任女友。想提一提上得討論區交友都普遍未必好young，可能至少都25打後或30起。 有興趣可以玩下，但有心理準備唔會match到好多人，因為用家基數小。

SweetRing: 以前比較多人玩，都成功拍過2次拖，但呢個app基本男仔玩一定要收費。依家佢收費制度比之前更加差咗，估計應該少咗人玩，如果唔介意俾少少錢課金做會員，係可以試下。

HMD: 隨時隨地match到人，一日可以有大量對話，但由於太容易加到人，所以好多時對方都係傾幾句就突然quit，又或者極度無禮貌 ，真係好傾嘅比例唔高。感覺上用家低質同伏嘅比例較高，我自己就約見過幾個算正常，同其中一個有拍過拖。

CMB：老婆係呢度識，初時其實唔係好識用，後尾有朋友提醒話最好用英文自介，我試過又好似真係match數多咗。同埋當年呢個app如果你inactive佢一排，再active返就會推到你比較容易match到人，依家就唔知仲有冇。 感覺玩呢個app嘅女仔係普遍自己有啲學歷亦偏向match高學歷。
以前呢個app好似無咁多限制，聽朋友講依家一啲以前基本嘅野都變咗要課金。


個人就冇推薦邊個app更好。了解自己不足，然後增值自己，可能係出pool更有效方法。祝願各位2025新一年成功出pool。

識咗個女仔半年，聖誕約完ghost咗一個禮拜，最後畀人拒絕咗，勁sad