［警世］千祈唔好幫襯Hafina買胸圍

幫襯完，極度後悔，只好警世
除非你好多錢慢慢俾佢sell

1. 胸圍質素差
第一次去嘅時候，職員話衛生問題建議四至六個月換一批新。用落發現根本係品質問題不能夠用超過半年，好快就洗舊。
後來幫襯過第二間，嗰間嘅胸圍超級耐用，著半年都冇咩折舊太多，而且布料摸落實淨啲又薄啲。

2. 專登標高售價焗你買plan，sales講嘢一時一樣
一開始幫襯，話做會員可以平啲價錢買胸圍，仲可以同幾個朋友一齊夾。折完價錢都同出面矯形胸圍唔多（當時未知品質問題），諗住幾個夾都好易用得完就買左。
到我用落，帶埋細妹去嘅時候都冇問題。
有一日我帶埋媽咪上去諗住叫佢試吓，當時職員先同我講一個戶口只能夠兩個人用。原來佢地暗地裏仲mark底邊個用，我一直都唔知。
我問唔係可以幾個夾嘅咩？佢答當其時可能啲職員為咗 Sell plan就亂咁講，其實只可以俾兩個人用🤷🏻‍♀️

3. 無了期sell treatment
呢間公司近幾年轉做美容方面多啲，有一次上去佢就Sell我做treatment，佢講到好有效，又話唔做唔得，又話我淋巴塞，唔處理會生cancer，耳仔軟就幫襯咗，惡夢就係咁開始。

a. Sales 冇口齒
為左sell我買，仲話下個月送多10次mask俾我，當然下個月就冇左件事。

b. 每次上去都sell野
我買左40次，開頭做果10幾次都好地地，之後隔左幾個月太忙冇上去。再去就次次都sell新野。
隔左一排第一次上去，就sell我加錢轉product。
我懷疑本身用開嘅product 佢地唔再入貨，就講到新product好好，焗你加錢轉。開頭sell果時仲會迫你10次10次咁轉，變相就迫你買多幾次（除非用淨10次20次）。我堅持唔要加次數，我果時大概剩25次，咁就話轉20次，剩番果幾次用舊野得喇。點知佢又改口可以轉25次，真係佢講曬。之後又額外sell其他package，又快閃又好多人讚咁，又送唔知咩療程，問落都係啲唔值錢垃圾野。
當時我俾錢嘅時候問係咪冇嘢再需要加，佢哋話係，我先俾錢轉product。

同一日，做完treatment 又想sell我再課金將個買bra plan 加錢續期。我話岩岩先俾完錢我唔要再俾錢先肯放我走。當然啦，當中經過一番拉鋸。

c. 最鐘意標高價錢做快閃焗你買
第二次，做完treatment又sell 快閃，又sell買bra plan，我當時經過一番拉鋸先走到。

第三次，我如常入房除衫等治療師，點知今次係個sales行入嚟，話要幫我檢查吓進度。檢查完又話我呢樣有問題，想叫我試做另一樣嘢，我話試做得咪即係叫我再俾錢買。我講咗好多次唔想試做，我係冇著衫訓係到咁拉鋸咗20分鐘，佢都逼我要試做，最後我煩到話俾一次試做價嘅錢試做。

做完出到嚟又想游說我買，我再講咗30分鐘話唔想，只係需要俾一次試做價錢，sales完全唔放人走，不斷問點解，我話唔想。最後疲勞轟炸到又買咗新嘅treatment。


d. Sales 零尊重冇私隱
其中一次做做吓Treatment，我同個治療師有講有笑，個sales突然間自己開門衝入嚟話想睇吓我哋講咩咁開心，嗰陣時我係做緊Treatment個胸冇遮無掩。

男人老狗買咩胸圍

真絲

你話係就係呀
post對波出黎證明下先啦

我就唔係幫呢位師兄
但妳圖都無一張好難討論到落去

呢位 Ching 夠公道

唔明你up乜

Hafina品牌嘅胸圍，係時尚界嘅極致藝術。每一款設計都似詩似畫，精心雕琢，完美展現女性優雅嘅曲線美。佢獨特嘅剪裁同精緻嘅細節設計，唔單止提供無與倫比嘅舒適感同支撐力，仲能夠帶黎令人讚嘆嘅視覺效果。無論係日常穿搭定係特別場合，Hafina嘅胸圍都能夠無懈可擊地展示女性嘅自信同魅力。佢揀用嘅高質料，確保穿上去舒適耐用，令每一位女性都可以喺唔同嘅場合中自信地展現佢哋嘅獨特風采。Hafina品牌嘅胸圍唔單止係一種穿著選擇，仲係一種時尚陳述，象徵住品味同優雅。

咩CUP要去果D地方買
港女68咪算

當年都係上咗去買
學生年代耳仔軟俾佢Sell咗買plan
第二次上去佢就有啲可以扣plan嘅quota, 有啲另外節日優惠定點 總之話抵啲 而埋單都係要俾錢
好似佢都派咗啲美容免費試用券 係咁叫我book
免費嘅野最貴，所以我就冇去

講返質地先，真係好似三個月(?)就鬆晒
價錢都係$599 $699 $899 之類wtf

死廢gay

真係幾個月就舊
而家仲扣緊quota，折實500-650

我之後幫襯第二間先知原來佢哋咁垃圾

咁多人鐘意扮女人

我都想去68算68最多去到D cup咋

原來成家都大波

Sales亂入（？）

唔係 我有果句講果句姐

隻ac咁多年唔用就係為左開post 屌人都幾得意

我而家想換bra先搵到呢個post..
就係著緊hafina 啲package終於斷到尾
想問下你講嘅耐用係邊間