我想問石硤尾果個大樓盤點解叫自己做長沙灣？咁住石硤尾班公屋仔係咪可以話自己住緊長沙灣？

石硤尾好撚失禮咩依家？

叫好過深水埗少少咁囉

其實長沙灣係毫宅區，點解咁多新樓要冒充長沙灣

太子都話自己長沙灣
明明太子正過佢啦

太子唔係話自己太子道西附近 或者 九龍塘

邏輯問題，明明係石硤尾，長乜撚沙灣？

乜都老翻，連樓盤地點都老翻

賣樓邏輯=/=正常邏輯

石硤尾=長沙灣
深水埗=南昌
土瓜灣=何文田

有冇石硤尾公屋仔講兩句？

長沙灣都豪宅區

咪係囉，做乜鳩石硤尾要冒牌冒牌長沙灣啊啦？

長沙灣 平民版山寨long island

大圍係香港正中心
將軍澳係九龍東
由四小龍到南昌奧運九龍站都叫自己西九

網名黎啫

以為打仗割地
長沙灣入侵石硤尾
睇下最後邊個统一九龍區

認真答，因為有條例規管區域。

來源： https://www.facebook.com/share/p/t1jG6fCSsdP6JUjK/?

恒基巴域街Belgravia Place點解係長沙灣區 唔係石硤尾同深水埗咩?🤔

發展商推售新盤，均要列明項目所在區域，但一個咁簡單嘅資料，不時都會引起市民大眾困惑甚至爭拗！例如恒基地產近日推出市場的九龍巴域街1號項目Belgravia Place，位置上明明接近石硤尾港鐵站，亦有不少人認為該區屬於深水埗，但偏偏發展商就話佢喺長沙灣區，咁究竟點解先？

其實自2013年4月29日一手住宅物業銷售條例生效後，發展商推售新盤時必須根據條例要求去製作樓書、價單及銷售安排等，各項有關樓盤的資料，亦必須依例列明。根據一手住宅物業銷售條例，規定發展項目的區域資料必須根據《城市規劃條例》（第131章）擬備的分區計劃大綱圖或發展審批地區圖，或憑藉《市區重建局條例》（第563章）第25（7）條）而被當作是由城市規劃委員會為施行《城市規劃條例》（第131章）擬備的草圖圖則。售樓說明書內述明該發展項目的所屬區域，不是指區議會分區，亦不是指校網的區域。

正因為分區計劃大綱圖是沒有深水埗分區，由荔枝角、長沙以至深水埗一帶都屬於長沙灣分區計劃大綱圖之內，故此發展商必須根據條例將項目區域列為長沙灣區，並非刻意胡亂將項目分區。

同時，為了讓買家清楚樓盤實際所在位置，條例亦要求發展商必須於樓書展示項目的位置圖、鳥瞰照片及分區計劃大綱圖或發展審批地區圖等資料。

#新盤 #區域 #一手住宅物業銷售條例 #長沙灣 #BelgraviaPlace #深水埗 #石硤尾 #恒基 #樓行睇盤

呢個正路，但只答咗一半。個區同街號個地址可以唔同，所以唔一定要兩個寫晒一樣。

如果將軍澳係九龍東
深井就係九龍西

長沙灣好威咩?

貝沙灣啲fd

長沙D frd 就有佢份

我住牛頭角下邨都同人講係觀塘人

將軍澳酒店真係叫自己做九龍東

石硤尾啲公屋仔都笑鳩緊個盤學人叫長沙灣

是旦啦, 執著呢d 為咩.