4月新番既棒球動畫失憶投捕，嚴重被低估

如果唔識棒球 會唔會睇唔明

一次過睇晒11集，初頭好鳩喺度送AV點知愈嚟愈認真
千早呢集靚到劇場版咁

放心，唔會睇唔明

作者畫呢套作品嘅原意就係想比本身唔識棒球嘅人都可以輕輕鬆咁睇（本身作者都唔識棒球，係佢老公識棒球同負責設計比賽）

漫畫同動畫本身都有簡單講解基本嘅棒球規則

如果睇完之後有興趣，可以再睇多少少棒球常用嘅策略就會更加明白箇中嘅比賽戰略同局勢，但唔睇都唔會影響劇情

係囉 我都好奇智障圭咁多野問但係唔重溫自己d筆記

我覺得漫畫作者前面用搞笑同起頭係有d失敗，後面熱血比賽同描寫棒球世界下唔同人面對ge難關同心理問題，寫得非常精彩


結果，動畫化根本播唔到後面咁精彩ge內容。即使11集作畫真係好神，但有幾多觀眾捱到11集，可惜浪費左呢套佳作

睇完覺得普普通通
頭5集有d悶 想棄
之後開始解角色心結先開始好睇
但人設唔太吸引 太女性向
同埋主角團太屈機 個個一開始已經身懷絕技 只係有d心結

智障圭依家仲未知道有筆記嘅存在，但絕對筆記係推動之後主線劇情好重要嘅道具

作者曾經提及過一開始係想畫輕鬆搞笑嘅漫畫，但隨著故事推進，比賽開始之後，就慢慢變成一套真真正正棒球漫畫，所以都算係轉左型

不過其實作者之後喺描繪比賽嘅過程、角色嘅成長同心理描寫方面一啲都唔手軟，結果變成一套既熱血又有深度嘅作品

只可以話有唔少觀眾都被一開頭嘅搞笑外殼誤導左，錯過左呢套咁優秀嘅作品

後面嘅劇情絕對係賺人熱淚

如果頭5集ge精彩作畫同分鏡都唔足以打動你
可能係呢個題材真係唔太啱你口味

未正式進入比賽之前的確係以輕鬆搞笑嘅劇情為主
但正式比賽之後，就越嚟越熱血
一直到後期都好緊湊，中間穿插角色嘅心理描寫，令到劇情越嚟越豐富

人設方面只可以話現階段只係流於表面，作者埋左唔少伏線，之後慢慢先會揭露，主角嘅人設其實好立體

實力方面主角團主要係葉流火最屈機（不過之後會講到佢嘅限制）
另外仲有千早同藤堂雖然各自擁有與眾不同嘅才能，但亦都被各自面對嘅高牆所限制

而要圭就因為失憶而變成外行人
但之後劇情會講到佢點樣一步一步學返棒球嘅戰略同技巧，佢嘅成長過程好感動
尤其係要圭同某重要角色嘅互動令到佢整個成長過程更加昇華

另外主角團其實仲面對緊人數不足同其他成員實力不足嘅問題，呢啲都大大削弱左佢哋嘅戰力

而且有好多強敵都未登場，佢哋有唔少比主角團更加屈機，所以之後嘅對壘都唔使擔心實力會一面倒

好睇，棒球版銀魂
勁多龍珠元素
好正
睇到第四集，睇埋先再講

聽日係最後一集
希望有第二季

https://youtu.be/YLyyypxc2p8

呢幕真係型到
唔知仲有冇機會見到智將圭呢
P.S. 原畫好流暢

今日睇左頭6集
超悶 D搞笑位完全笑唔出
棒球又唔識規矩 成日都覺得好複雜
熱血唔到
其他運動番都好簡單睇得明

然後直接飛到第11集
就覺得呢集唔錯 雖然都係唔知玩緊乜
但睇到回憶過去果陣就覺得好SAD 完全唔想飛
就算點努力都只係普通人
但又唔想放棄 唯有一直呃自己
以為一直逃避就無事 但現實邊有咁簡單

睇咗2集 悶
搞笑位淨係覺得尷到傻，個金毛完全唔知佢想點。。
完全無動力追落去

無既
唔啱睇都無計
男主本身失憶就係變左智障咁款

建議可以睇多集第七集
呢集講藤堂點樣克服好感人

不過都認同要過左頭幾集先慢慢熱血，之後就漸入佳境

作品開端係以棒球為包裝嘅搞笑日常番，
實則為充滿努力同汗水嘅療傷系熱血番

呢個係原作者喺動畫播放前預計觀眾反應嘅預想圖

作者事前都預計要圭嘅「パイ毛」(奶毛) 會係勸退唔少觀眾嘅重要因素

其實作者有提過自己都覺得要圭嘅搞笑梗同「パイ毛」係唔搞笑，但都仍然選擇用呢個梗

係因為呢個梗係之後主線劇情嘅一個關鍵伏線

之後亦都會提及點解要圭會由一個才華洋溢嘅智將捕手變成無里頭嘅智障圭

所以作者希望覺得搞笑位、無里頭位唔好笑嘅觀眾只要捱過呢部分，就會對作品背後蘊藏嘅感情產生深厚共鳴

雖然我本來就同葉流火一樣覺得奶毛好好笑，不過都預計有唔少人會覺得一開頭嘅劇情好無里頭

但我深信只要睇到講要圭點解會變成咁無里頭嘅原因就一定會大破防

P.S. 希望更多人可以成為「被選中嘅人」

第十二集最後嘅伏線……
即係會唔會有第二季

最後先拋一堆伏筆出來

希望有第2季
呢套真心被低估

第二集以為智障只係為搞笑
話想love & peace 咁生活
作者第十二集有解釋呢句野
好似無見過運動番鋪劇情鋪到咁

12集都未搵夠腳

頂你 last一集先嚟吊人胃口
mappa你最好馬上同我出2期宣告PV

動畫加筆劇中劇好撚正
想同妹G去吉祥寺
有妹G仲打咩棒球吖
但係正太haru chan都好QQ好難揀