塔羅占卜練個小手

我呢個懶L呢排終於肯進修下，想搵下有緣人占卜

格式：
名：
性別：
問題：

有機會會會揀嚟答
可以提供背景資料
條問題愈仔細會愈好
希望會有反饋，準唔準都好

名：榚
性別：男
問題： 三個月內有冇女友

我覺得你個人嘅性格都幾鍾意鑽牛角尖
依家嘅你好想突破現況，你會反省自己，反省以前嘅關係。諗吓自己有啲咩係做得唔夠，應該要做得更好。
以前嘅你對於唔同嘅關係其實都唔滿意
我可以話你係要求高（？）想搵到一個真係了解到你嘅人。
我認同你真係想拍拖，但係你嘅行為同你嘅思想係有啲出入，因為你喺現實度反而好少去做一啲嘢去幫到呢件事，可能主動去識人啊，去溝女嗰啲。反而有少少刻意同其他人保持關係嘅感覺 。
未來三個月見到會有桃花，有機會係細過你嘅人
但係你會因為諗太多令到你嘅行動慢咗遲咗而有機會錯過咗段關係

名：S
性別：男
問題：依家依份工適唔適合長遠發展？

我會話呢份工嘅人工都幾好，但係佢比我感覺就係佢比較多規矩同埋好多嘢都要跟足晒上面點樣講。但係佢的確係一份穩定人工唔差嘅工
但係，我估吓嘅啫，你依家份工係咪比較多勾心鬥角？或者可能叫你平時做一啲或者講一啲可能你唔想講嘅嘢或者違背良心嘅野。
我個人就咁睇你而家對呢份工係冇乜太大嘅熱情。但係如果你想穩定或者人工唔差嘅話長遠發展係冇乜問題，只不過你未必做得咁開心啫。相反如果你係想自己開心嘅話你可以做住先再搵其他工。

名：垃圾
性別：男
問題：三個月內出唔出到pool

九月最有機會拍到拖，但係仲係一個啱啱開始嘅感覺未係好穩定，但係至少都一定會有桃花
我幫你睇咗七到九月，我唔知你而家有冇暗戀嘅人又或者想追嘅對象，但係感覺上你七月個人係比較大壓力，可能工作嘅繁忙或者其他kick嘅野，未必會想去諗拍拖嘅事。
八月嗰陣，我都係估吓，你係咪會去旅行？
時間線我諗應該係去完旅行返到嚟 就有段新嘅桃花，但係就唔係一見鍾情或者淨係鍾意對方個樣嗰啲，而係感覺對方好似真係治癒到你，你哋之間有種心靈上面嘅交流。

謝謝樓主先

名：兔
性別：女
問題：想問未來3個月會唔會同到m一齊？或者佢係點諗？
唔知咁樣問o唔ok 謝謝樓主

咁應該唔關交友app事了，反正你七月就點都會有啲kickkick地，唔係咒你
影響就應該唔會既，不過你講到一定唔會同佢一齊，我會期待9月到底係發生咩事

明白
因為我覺得佢煩厭多過會鍾意佢
你咁講，我都好期待個個人係邊個