![](https://cdn.lihkg.com/assets/faces/dog/no.gif)
![](https://cdn.lihkg.com/assets/faces/dog/no.gif)
不了
熱刺前鋒李察利臣被視為今季英超最大「水貨」,唔單止被球迷嘲笑,就連紐卡素前鋒哥林威爾遜同韋斯咸前鋒米查利安東尼奧,近日都喺網上節目抽佢水,結果李察利臣忍唔住大反擊,直接反問兩人:「你哋世盃入幾球?」
李察利臣今季英超只入過1球,表現令人失望,哥林威爾遜同米查利安東尼奧早前喺網上節目一唱一和,笑呢位巴西前鋒「黃牌多過入波」、「食詐胡食到幾乎停賽」。由於內容夠晒抵死刻薄,片段亦喺網上被球迷瘋傳。
不甘受辱嘅李察利臣,日前喺TikTok進行大反擊,佢反問一句:「你哋世盃入幾球?」並且加上一個「面紅emoji」,寸爆兩人喺世盃冇作為。代表牙買加嘅米查利安東尼奧從未踢過世盃決賽周,而哥林威爾遜喺卡塔爾世盃,只係2次後備上陣兼冇波入,相反李察利臣喺上屆世盃入3球,包括一個精彩倒掛金勾入波。