[有圖]原來澳洲每年會屠殺過百萬隻袋鼠！

未絕種可能又到個啲泛濫？

篇幅有限冇可能將所有野寫得咁仔細
台灣嘅媒體肯比咁多位我寫一個澳洲故事已經好好
主要係想比大家知有呢一件事
同埋我相信中文媒體 拍攝袋鼠獵人 我應該係第一個
更多嘅係留比讀者自己去思考同研究

討厭袋鼠嘅主要原因除咗係喺公路阻住曬
更重要係覺得佢哋同牛羊爭牧草同埋破壞農地
袋鼠獵人我一啲都唔覺得佢哋做緊嘅嘢有問題
大部分獵人都唔係抱住「我要殺曬啲袋鼠」個種心態開工
而係真誠咁樣尊重生命 認真對待自己工作 就算開槍都唔係亂開槍
但係講真個句佢哋嘅為人 或者平均教育水平 真係比較差
好多都係有吸毒（講緊crack cocaine）或者係有各種問題
（我接觸過超過十個獵人 真係一齊飲酒吹水相處咗好幾日）
篇文都冇特別去mention呢啲費時以偏概全抹黑產業
但都冇必要偏激到覺得殺曬啲袋鼠就等於係啱

至於救援動物嘅人係咪左膠？冇意見
我只係覺得佢哋有呢個愛心 自掏腰包做呢件事本身係幾值得人佩服
如果連登仔有機會親眼見到奄奄一息嘅袋鼠訓喺路邊比人救起
可能都會產生呢種敬佩嘅感覺

連登好多人覺得袋鼠好黑人憎 造成交通意外
我自己影呢個項目喺內陸最多袋鼠出沒嘅地區揸咗6000幾公里車
我點會唔明白佢哋有幾危險
但係我唔覺得咁樣就代表啲袋鼠有做錯
佢哋係本土原生嘅野生動物 唔通要同佢哋溝通叫佢哋唔好四圍跳咩

補充一個資訊
上個世紀其實澳洲政府對樹熊進行過大規模嘅獵殺
有近一百萬隻被殺 拎啲皮毛加工去賣
後來覺得佢哋可愛（同各種其他原因）
所以先停止呢個policy
如果冇停嘅話 以而家保育咗咁多年都係易危物種嘅情況睇
可能真係絕咗種

影獵人嗰陣我其實最大嘅感想就係
其實佢哋做緊嘅嘢同屠夫冇乜分別
只不過對象由牛羊豬雞變咗袋鼠 我自己全部都會食
我相信屠夫唔會殺牛嗰陣覺得好high
同樣地 我都唔覺得獵人殺袋鼠會覺得好high好爽
唔係要幫袋鼠講說話 雖然網絡上好多袋鼠好大隻又襲擊人/狗嘅片
但係嗰啲真係少數特別例子
我自己親身走近過無論係野生或者係被收養嘅袋鼠
其實係冇攻擊性 更多嘅驚驚青青 一見到你走近就想跳走
嗰啲好大隻嘅通常係個"mob"嘅alpha male
覺得你要襲擊佢哋先會還擊
親身接觸過袋鼠嘅人（我帶過兩個朋友去野外近距離搵袋鼠）
都會認同 其實佢哋冇啲刻板印象形容得咁兇殘同aggressive

ching係記者？
篇文章同相好撚高質
不過我唔同意你偏站響動物權益既立場
（可能我會錯意）
物種是否能合法地獵殺
都應該要從數據同生態去決定

https://youtu.be/hpYOT8lyeas?si=_pleCIg_OKbudkma
無耐之前再睇完一個youtuber
講餵養流浪/社區動物既爭議

業餘攝記 多謝
其實我冇偏動物權益立場（起碼我自己個人覺得）
寫文嗰陣我甚至有同編輯明確溝通過
我自己係冇立場 覺得兩邊都冇做錯（呢一點喺篇文都有明確強調）
我唔想啲人睇完篇文覺得獵殺袋鼠係錯（好容易唔小心令人產生呢種感覺）
所以文字圖片上其實我哋都斟酌咗好耐先出文
但係見連登大家都冇咩人反對殺袋鼠
咁我諗其實我應該唔係寫得好偏頗

涉及動物權益嘅嘢 本身就好有爭議性
我只係將我自己經歷過嘅嘢 真實咁呈現翻出黎
冇諗過寫一個「好人壞人」嘅故仔
如果睇完文字令你知多少少 或者啲相令你feel something
我嘅任務已經成功

我有咁既感覺係因為兩個對立當中
救袋鼠既群體似乎有更強而有力既理由
（當然都可以係事實）
獵/厭袋鼠一邊就更多關乎自身利益/便利
大愛/動物權益>>>賺錢/利益
如果係有更立體獵鼠人既故事
或者有關於鼠害既數據/案例
我諗會更加平衡到兩邊
Anyway well done

樹熊都殺好多連自理能力都冇，繁殖數應該唔多？
同埋點解樹熊會殺到絕種但袋鼠殺極都咁多

我認同你嘅講法 都明白點解你有咁嘅感覺
我自己認為救袋鼠呢個行為本身就係企咗喺道德高地
佢唔需要啲咩好實際嘅理由就可以講得通 最大嘅出發點就係所謂大愛
反而如果要你去殺動物 你的確需要一個理由去令件事講得通
所以自然地 觀感上好似 大愛>利益
但呢個唔係我嘅立場 只不過係件事本質會帶比讀者呢種觀感

至於鼠害數據同案例
如果你講公路交通意外 其實99%時間呢啲case都唔會報警
尤其係喺內陸地區 鎮與鎮之間相隔一二百公里
而且通常一個鎮得一兩個警察
好多時候都係車死就算 唔會有人停低報案 除非撞到架車total loss
但係咁樣就變到嗰數據反映唔到現實
如果你講同牛羊爭搶牧草
我冇機會採訪啲農民
但係就連袋鼠獵人 肉廠老闆都覺得佢哋係吹水
事實上袋鼠係唔會泛濫到同牛羊爭嘢食（當然呢個係佢哋片面之詞）

我本身係想拍攝多幾個袋鼠獵人 on camera錄埋audio收集多啲資料
但係畢竟呢個行業爭議性太大
佢哋願意私底下同我傾計 但唔願意上鏡 所以可以用到嘅資料唔多
盡咗力

Thank you ching

篇幅有限文章冇提及一點
雖然每年都有狩獵配額 但係每年都打唔足
好多時候打唔夠一半數 所以殺極都仲有
不過同時都要講返
有啲人係無牌獵殺袋鼠 有啲袋鼠比車撞死
嗰啲數字同時都唔會紀錄在案
所以袋鼠每年其實「殺」咗幾多隻嘅真實數字係無人知
每年都會重新做調查 一般認為現存係有大概4-5000萬隻

食過駝鳥 袋鼠 駱駝
全部又酥又韌到仆街

無天敵
數量仲多過人
一路生俾曬你養好無

我都認同咁樣係對所有「持份者」最優嘅選項
獵人可以有份工 農民可以保護自己領地
普通人買到商品 袋鼠可以繼續生活 政府有多份收入
冇必要偏激到殺曬每一隻跟住將淨低嗰幾十隻丟入動物園保育

假膠定左膠

冇講過唔應該殺

又未去到車毀人亡既 你響安多數會走 同埋好多你開高燈都會望到佢地企係路邊 咁你見到佢地潛意識都會慢啲同小心啲 但都會有機撞到
之後架車都基本唔洗揸 揸得都唔會行得耐😂

利申撞過

呢度提一點
開高燈啲袋鼠有時會企喺度 其實係盲咗暈咗
因為夜晚太黑 對佢哋黎講突然咁光佢哋會致盲呆企原地
啲袋鼠獵人都係用呢個方法將佢哋定喺原地先開槍
我覺得最好就係夜晚揸車慢啲小心啲
無論有冇袋鼠 咁樣都係對自己最安全

專登訪問個智障？
澳洲每個人一人殺一隻袋鼠，都仲有幾千萬隻剩
又無天敵，點同樹熊戇鳩鳩咁俾d貓捉去食

最好係如非必要天黑係remote area唔好揸車 架車有bullbar 都係咁話😂

點解？袋鼠咁硬淨？

邊有咁撚誇張
Supermarket大把袋鼠賣
煎焗未去到well done已經好好食

原來係樓主自己寫 支持