出軌食雞 死不足惜
#姜濤 連續兩年擔任慈善跑大使，今日（22日）他到跑馬地馬場主持起步禮，但在烈日下不停爆汗，衣服透出大片汗印，訪問時再次以「好涼」催眠自己，又講笑說今日活動可以去水腫。再次成為活動大使，姜濤指藝人應該有責任去呼籲其他人做慈善，他跟小朋友相處亦好開心，希望下年有機會繼續出席。
他剛與Anson Lo去完巴黎時裝周，其間與Wyman食飯見面，姜濤透露同Anson Lo夾份埋單，與Wyman相處得好愉快。他說：「好難得有機會同佢一齊食飯，冇印象傾咗幾耐，我哋都好多嘢講，冇乜傾工作，傾多啲生活。」
至於隊友 #皮皮 #Frankie 女朋友Christy不斷被人翻出舊ig story，言論過火受到大量負評，甚至有傳令Frankie失去廣告及拍攝工作，姜濤說：「人哋私人嘅事情留返空間畀人哋去處理，我哋都唔方便去講人哋嘅嘢，冇辦法評論，我相信我哋每一位隊員都有關心佢，但依家最好嘅方法就係留空間畀佢哋處理。」他指自己未有另一半，拍拖時會考慮對方意願選擇公開與否。
另一位「主動申請」捲入話題的是經理人 #花姐 ，昨日她在IG貼出 #燒雞圖 ，被網民解讀為暗寸Frankie女朋友，花姐今日罕有受訪，並直接謂：「直接問啦，大家都係想我講雞髀事件啫。」
【「我就咬兩啖算啦」】
她解釋當日跟MIRROR成員到新蒲崗為拉闊綵排：「燒雞係嗰區嘅小食名物，個MIRROR隊員話好好食請我食，所以就買咗啦。但因為我對手濕疹，依家又唔可以派膠手套，咁就要赤條條用隻手食，我就同位隊員講以下說話：『我知道佢好食，但我真係處理唔到佢，我就咬兩啖算啦』。其實大家都未必會信，但係個story就咁樣寫咗出嚟。」
花姐指自己冇心抽水，並說：「我覺得Frankie都咁大個人啦，大家都畀個空間去處理。」又謂事件太私人冇過問，但有關心Frankie心情：「佢好成熟，處理件事中，我諗佢需要啲時間去處理，所以都唔好問太多。」
#娛壹
