有冇人知馬偉豪點解好似收左山冇再拍戲？

《百分百感覺》﹑《玉女添丁》﹑《新紮師妹》﹑《我家有一隻河東獅》﹑《地下鐵》呢堆全部分都算係港產愛情片經典，而家就好似少左呢個版圖咁，得返旺角活地亞倫個種濫情片......

允其是地下鐵真心拍得好，再仔細睇係將當年中港台關係包裝成一套愛情片，男女主角偉仔同千嬅唔使講，成個背景﹑人設都做得好高汁

想知加一

睇左馬浚偉

如果睇WIKI，可能係最後個1,2套蝕左錢，但論蝕錢排行榜又應該有排唔論到佢

佢拍過最正係初戀無限Touch

最後幾套合拍片票房口碑都仆直, 明顯無貨派,
有啲90, 00年代輝煌過嘅導演好多都係咁, 尤其是喜劇導演 (e.g. 谷德昭, 劉鎮偉), 好易睇得出係無橋, 回塘, 食老本, 自然就收山做吓監製算,
馬偉豪而家個位都當交棒比陳詠燊,
飯戲1同逆流大叔係幾好, 飯戲2係差, 不過我估陳詠燊都知, 應該會檢討吓

陳詠燊算繼承左佢架啦

擺明師父徒弟一脈
但輕喜劇類係好難做
只要誇張多左就變胡閙
仲要係好容易俾人鬧唔好笑，悶

飯戲貪心左，舞台劇格局黎，可以叫試新野但唔應該同一招玩兩次

唔止佢啦

不嬲舞台劇要引編做電影係有一定難度，就算外國想將boradway改做電影都係一場賭博黎，多數都係賺掌聲輸票房，原來係正常人根本唔會去睇

好多導演都咁啦，之前好多拎左首部基金個班導演連第二部都好難開得成，拍完有票房先會比你拍落去你估真係無限水喉咩

佢其實好早出道，90年代尾定千禧初，係一直都做緊編劇而家呢幾年先轉導演
總有人係做編劇好過做導演，導演要處理埋畫面節奏演員同聲音，一係成個工業已經成熟到隨手都砌到可以直接出街既野，一係要等有料導演開戲統籌晒所有元素去砌靚部戲，香港擺明係後者

陳早期咪又係跟佢拍新紮師妹個堆，劇本係突圍而出喎，佢個問題就係太過編劇主導變左套戲出後8個陣，係得劇本可以，其他就出事，特別係節奏

正義回廊都算有舞台劇成份
the birdman更加係
lalaland直頭係musical搬埋入去
係睇導演功力

其實佢點出事都冇問題，票房夠數就自然有下一部

年紀唔細，2012年最後一套，都50幾歲，搵夠退休唔出奇，唔使下下做到70先收山

睇餸食飯，荷里活因為人地市場大，拍戲budget 多過港產片，香港拍完又冇得套套出國，好難比較

國外都係一樣，韓國其實都冇大家想像中咁好景，十套都係得2,3套真係搵到錢，都係養住個工業等大家開左飯先

講開係呢種戲直頭係香港消失埋

輕喜劇而家國內同台灣都發展緊，香港好似唔多見，4444算唔算係？定已經係喜劇？

拍得首部就係因為冇能力R到大舊錢拍...你點會expect佢地拍完首部之後可以有辦法拎人幾千萬開套戲....

50邊到大導演呢行50真係中年黎

冇料咪收山囉

唔怪得都係有浸除