除了影視工作,Pinky亦經常穿州過省四出登台,期間遇過不少驚險事件,令她猶有餘悸。「有年生日喺夜場登台,唱唱吓歌老闆推個蛋糕出嚟,全場同我慶祝,握手期間我畀人扯咗落台,當時着咗一條低胸露背裙,一仆向前就跌咗落人海裡面,好多隻手兜住我,托返我上去,你諗吓畀幾多人摸過我個身?」漢陽笑稱:「個場面好香艷!」Pinky續說:「我都唔知喊唔喊好,但人哋又唔係特登,只係好羞辱嘅感覺,最後都硬住頭皮唱埋落去,一半驚險又一半開心。」
![](https://cdn.hk01.com/di/media/images/dw/20240619/880078769023356928032478.jpeg/LbV2SPZo1DEbvCm59kE8ZLjbWWR-GaNyDGk2nQxpNp0?v=w640)
![](https://cdn.hk01.com/di/media/images/dw/20240619/880078771359715328532179.jpeg/MM1S1xzyVgFY2vqghCd_GOmZwod9wyHMALSPeQC0j3k?v=w640)
另外一次驚險事件發生在多年前,Pinky乘坐的車停泊在路邊,一輛車突然打橫阻檔她的車,「原來架車跟蹤我哋,好彩有兩個交通警咁啱坐咗喺路邊,嗰架車見到兩個警察,即刻開車走,如果唔係嗰兩個警察,我可能已經畀人捉走咗。」
Pinky亦被漢陽追問感情事,但她強調自己的感情生活5隻手指數得晒,「入咗行後都係2、3個,我以前好執着架,好介意同好驚畀報紙寫,好驚有唔好影響,但依家咁大個冇乜所謂;信咗主後,唔會再為拍拖而拍拖,呢個年紀想搵個伴多啲,心態好隨緣。」Pinky更大爆早年曾雪卵,「以前細個好恨結婚生B,但依家唔會,我都唔細啦,搵男友搵老公條件同後生唔同,曾經有想過要小朋友,仲雪咗卵,但都好多年前,依家都唔怕講,唔可以為咗結婚夾硬搵個人去生,依家已經放棄呢個念頭,一切交畀主,因為上帝早有預備。」
![](https://cdn.hk01.com/di/media/images/dw/20240619/880082091134554112107846.jpeg/BpwWEiW1sXTc0A_02tR-4Ru7DXzlDziJiup9M4rqfTM?v=w640)