![](https://na.cx/i/jhDBwX6.jpg)
我仲好記得我地一大清早就已經守侯喺樂園門口等開門。開門之後,我哋手拖手漫游充滿維多利亞風格嘅美國小鎮大街。
![](https://na.cx/i/58kz241.jpg)
![](https://na.cx/i/Pr3qqin.webp)
街道兩側有市政大廳、消防局、戲院等等,令我聯想起美國西部片中的城鎮,滿滿嘅懷舊色彩,古典得嚟又帶有優雅。美國小鎮大街除咗有餐廳,仲有唔少嘅紀念品店。
咁佢通常都會第一時間買個迪士尼卡通人物頭箍 用嚟一陣打卡影相用 試嚟試去 又問你呢個好唔好睇?嗰個靚唔靚? 但係往往佢都係揀返最經典嘅米妮頭箍。
![](https://na.cx/i/YvD9SKH.jpg)
好啦,比完錢之後呢。唔知點解佢次次都要我親自幫佢戴上,佢個人靠向你,慢慢咁樣低頭。幫佢帶完之後佢會顎高頭用一種含情脈脈嘅眼神去望住你,笑晒口咁樣同你講我哋行得。
雖然迪士尼門票貴撚到黐孖筋 但係見到佢嗰種情意綿綿嘅眼神望住我,令人怦然心動嘅感覺,我就知道一切都係值得嘅。