(金田一集中討論) 嚴選五大金田一事件

因為金田一剩係睇漫畫 而家先睇電腦山莊
兇手扮阿嘉莎 再利誘史賓塞同佢調身份
嚟爭取殺人時間同不在場證明
睇到拍晒手 好精彩

專登寫信畀其他人, 等大家互相懷疑
然後等亂步俾人懷疑時, 大夥打電話畀自己
再同大家承認, 當時同亂步曖昧緊
繼而得到不在場證明

樓主係睇小說？見你話寫信
動畫係打電話
Btw阿嘉莎本人係黑肉學生妹屌
仲有一班受社會壓逼嘅人發揮自以為是嘅正義感
害死一個好老師慘

仲有搞到亂步自己都迷撚埋
遺言屈錯派翠西亞

1.遠野(失憶但有真愛)
2.廢老(偷研究偷老婆精神虐待大美女)
3.老母復仇大計totally fail
4.on9兇手(滅自己門，嬲錯老母)
5.蝴蝶專家阿叔(本斥但真)

1.墓場島 檜山(全村被燒死)
2.歌二 能条光三郎(至愛俾班契弟輪完大米，仲要拍片，之後自殺，又要同殺妻仇人訂婚扮衰人，千夫所指左兩三年)
3.小丑人偶 安岡真奈美(俾人先姦後婚，冇哂事業一度以為搵到真愛點知，最後俾高遠起尾注毒殺)

4. 和泉 櫻 慘到傻 本身都傻 死喺阿一懷中算了左個小心願

5. 周龍道 十二年不見天日

細個就俾屋企人拖累搞到社死
大個咗一次又一次整容加改名換姓 靠自己東山再起
但就係有幾個人點都唔肯放過佢
最後仲要陰差陽錯走上殺人犯之路
不過最後罕有地走甩咗

不破鳴美（北見蓮子）

七歲死晒老豆老母，同細妹分離。養父母打到佢仆街，因此離家出走識咗個男人，個男人水佢吸毒，吸吸下直頭戒唔到，搞到走去自殺。最後整容用不破鳴美身份開始第二人生，戒毒過程極痛苦。

終於俾佢搵到賣毒嘅男人「紅鬍子聖誕老人」，諗住覆桌點知對方死埋。搵到幕後嘅元兇，點知告發點知又俾人威脅返轉頭，一怒之下索性殺晒佢哋。

一直以為自己個妹背叛自己，所以殺埋個妹。點知個妹其實冇做過，咁多年嚟日頭返工，夜晚做時裝設計，為嘅就係有朝一日可以整衫畀家姐上舞台度着，點知俾家姐殺咗

楊麗俐


原本係日本人，親眼睇住老豆俾人開車撞死分埋屍。之後淪落到中國俾殺父仇人收留咗，要扮失憶等其他人唔知，最慘係要認個殺父仇人做老豆。

大個咗以為自己開始唔記得單嘢，點知有次去日本演出突然醒返起，想着草之際發現殺死老豆嘅真兇，索性返返中國報仇。

最後發現原來自己一直有個家姐喺身邊，話等佢一齊返日本。不過其實中國有死刑，都唔知出唔出得返嚟。

神小路陸


細個成班同學仔去旅行，有人俾蛇咬傷，金田一提議大家拎自己鞋帶出嚟做救生衣。只有神小路陸唔肯拎，俾班同學串佢冇義氣。原來神小路陸細個屋企好窮，對鞋係老母死慳死抵買畀佢，當然唔肯拎條鞋帶出嚟，自此神小路就俾同學仔杯葛。

有日返到屋企發現以前俾胡蜂針過嘅老母，再次俾神小路陸個水樽入面嘅胡蜂針到。佢老母有過敏症，只要俾胡蜂針過，再針一次就好易冇命。最後老母死咗，老豆呃自己話老母係死於心臟病。

後來神小路陸發現，原來當年就係幾個同學仔放隻胡蜂入佢水樽諗，住玩鳩佢，點知針到老母死埋。老母死咗，阿老豆仲要原來一直怪自己個仔害死老母，仲好似自殺埋（唔sure，好似係）。

金田一最後回想，如果當時冇提出拎鞋帶，又或者班同學仔冇搞惡作劇，又或者後來問起時班同學肯道歉的話，可能就唔會發生呢次慘案。但一切都已經太遲，邊有咁多如果。

小野寺將之



為咗幫老豆報仇，潛入偷走老豆研究嘅仇人屋企，誓要殺晒陷家。點知殺完一輪，殺完仇人再殺埋佢兩個女，到最後先發現原來仇人個老婆就係自己個老母，仇人嗰幾個女亦唔係仇人親生，係自己老豆當年同老母搞埋一碟生出嚟。換言之，佢殺咗自己兩個親生阿妹。

最後小野寺講咗句「我不是人」，衝去拎把劍自殺。正當全世界想幫小野寺叫白車時，老母走出嚟叫大家死開，話咁多年嚟都冇盡過做老母嘅責任，今次想幫個仔完成心願。

說時遲那時快，已經打爛晒啲油燈，全屋着火。最後兩母子攬住葬身火海。

5) 歌劇院新殺人事件 — 能條光三郎
4) 狐火漂流殺人事件 — 神小路陸
3) 上海漁人傳說殺人事件 — 楊麗俐
2) 黑色蝶殺人事件 — 小野寺將之
1) 異人館旅館殺人事件 — 不破鳴美（北見蓮子）

究竟破咗處未