「終於死咗啦！！唔洗再返工返學！！」我本身就咁諗嘅。
但我發現自己好似唔係喺地獄或者天堂，而係喺一粒蛋入面。
加上我feel到自己身上又細又短嘅手手腳腳…頂，即係我又投胎做咗人
唔理咁多，依家喺蛋入面又熱又焗，好撚難受。
我嘗試用自己隻BB手去槌個蛋殼；好彩粒蛋其實幾脆弱，槌咗幾下就碎咗。
破殼而出之後，我差啲跣手跌落地，但係即刻有人扶住咗我。
係一個紅色長頭髮嘅女人。
佢好開心咁攬起咗我，然後又放返低我喺蛋墊住嘅軟墊上面。跟住就好似叫緊另一個人過嚟。
當我擰轉頭望返啱啱困住我嗰粒蛋嗰陣，先發現原來蛋入面仲有另一個BB，同我一樣係轉生者。
話咁快，嗰個女人叫嘅人過咗嚟，係一個外形似原始人、深色皮膚嘅大隻佬。
佢兩個抱起咗我哋介紹自己—女人叫芙蘿拉，男人叫席昂。
以後，佢兩個就係我哋嘅父母。
…
芙蘿拉安頓好我哋之後，佢好似已經知我哋係轉生者；同我哋解釋返呢個世界嘅狀況同埋我哋所在嘅位置。
依家係第三次世界大戰嘅300年後。
100年前，地面上嘅核輻射終於完全消散，人類重返地面建立文明。
依家我哋身處喺卡馬拉格斯部落—人類後來建立嘅族群之一。
而我哋出世嗰粒蛋其實係一粒神蛋嚟，係一個叫「千年鵝」嘅神明委託比芙蘿拉。
仲有好多細節，但因為都成5年前，所以我都唔係好記得…
——————————
背景大概係咁，講返標題嗰件事先，其實尋日先發生。
因為一啲事，我同我細佬需要將部落酋長屋企嘅聖物偷走。
本身我哋已經有個應該都幾完美嘅plan，個聖物亦都已經偷咗比某個人。
但係酋長個仔唔知點樣發現咗我哋就係犯人
依家佢同兩個戰士追緊我哋
部落本身對神明好虔誠，而我哋係神蛋出世嘅天選之人呢件事就個個都知嘅
所以其實我哋全家喺部落一直都比酋長優待緊
既然我哋係天選之人，咁應該想做咩就做咩㗎啦
好似大家玩RPG咁，主角入屋開箱拎錢拎道具，啲NPC冇得怨。
酋長個仔憑咩追我哋
其實酋長個仆街仔之前已經意圖謀殺過我哋㗎喇
佢咁憎我哋，比佢捉到後果真係不堪設想…
———————————————————
故事喺penana同line webtoon連載緊，以後章節開始收費嗰陣會去埋patreon
https://www.penana.com/story/138694/%E5%8E%9F%E7%BD%AA%E4%B9%8B%E5%90%8D
https://www.webtoons.com/zh-hant/canvas/%E5%8E%9F%E7%BD%AA%E4%B9%8B%E5%90%8D/list?title_no=883168
多謝大家
