我係新東寶
到底佢喺AV業界有咩目標同憧憬，喺到訪香港嘅時候又想同FANS做啲咩？透過呢個獨家專訪，希望能夠令你更加了解星乃莉子
＝新東寶＝星乃莉子
：星乃小姐你好，非常多謝你今日接受我嘅訪問，請你先向香港嘅各位簡單介紹一下你自己。：大家好！我係SOD Star專屬嘅女優，星乃莉子！請大家多多指教！：喺嚟緊嘅7月，星乃小姐會蒞臨香港出席見會面活動，想請問今次係第一次嚟香港嗎？一直以嚟對香港嘅印象係？：係！今次係我第一次嚟香港，印象中香港有好多好嘢食！同埋由於未去過海外！所以而家已經好期待！
：今次嘅活動喺炎熱嘅夏天舉行，香港嘅夏天咁熱，對於喺北海道出身嘅星乃小姐會唔會覺得唔習慣，又或者有冇一啲應付炎熱天氣嘅準備？：香港夏天好熱㗎
？嗯...不過其實我係鐘意熱嘅天氣，好似之前我去過沖繩影寫真集，喺咁熱嘅天氣之下我個人反而會精神啲。我鐘意一啲熱嘅地方！所以應該唔駛點樣特別準備到時可能揀啲薄啲嘅衫！輕裝上場！：頭先都有提到星乃小姐係北海道出身，香港人最鐘意就係去日本玩，可以請星乃小姐推介一啲北海道必試嘅美食，又或者一定要去嘅景點嗎？：我好鐘意焗桑拿！所以我想推薦十勝呢個地方，有好多桑拿焗，最特別嘅係有唔少地方焗完桑拿之後，可以上去天台度一邊望住北海道嘅平原一邊休息，用全身嚟感受北海道嘅大自然！
：至於食嘢呢...喺北海道嘅中心地帶札幌，拉麵同成吉斯汗（鐵板羊肉）都好出名！如果係去札幌薄野嗰邊嘅話，基本上咩都係好好食！：喺星乃小姐嘅Twitter度，經常會睇到你分享你平時一啲健身同跳舞嘅短片，俾人一種好注重健康，好有活力嘅感覺可以請你分享一下你喺運動方面嘅習慣，同埋日常嘅練習規律嗎？：我習慣每日都要拉筋，唔係嘅話好快成個人都會硬繃繃
所以我通常一早起身同沖完涼就會拉下筋，另外就係臨瞓嗰陣，會飲蛋白粉同埋食啲營養補充品，仲有食EAA幫助增肌！每日仲會做帶氧運動！：星乃小姐嘅運動規律相當充實，如果有機會嘅話，相信香港好多男士都會想同星乃小姐做運動
：好呀好呀！我都好鐘意同大家一齊做運動，一齊活動下！希望到時喺香港有呢個機會！
：所以星乃小姐嘅擇偶條件都會係運動型嘅男士嗎？：係呀！做開運動嘅男仔特別有型！：要啲大隻仔嘅類型？：大隻嘅男仔，仲有跑得快嘅男仔，我都鐘意！只要係全力以赴嘅男仔我都會覺得佢好有型！：所以無關國籍，只要係運動型嘅男仔就有機會！香港嘅大家都一樣得！：（笑）冇錯！
：跟住落嚟係AV方面嘅問題，星乃小姐已經出道兩年，同初出道嘅時候相比，有冇一啲心理上嘅變化？：第一年嘅時候因為好多嘢都係新接觸，所以有好多唔習慣嘅地方，第二年就開始熟習咗個環境，例如去返之前拍攝去過嘅studio，見返相熟嘅工作人員，個人就會安心啲，所以由第二年開始，已經可以用「星乃莉子World」全開嘅方式去拍攝作品。：當初點解會揀SOD作為出道嘅片商？：當時我一直都同事務所講想喺SOD出道，因為當講起AV嘅時候，我最先諗到嘅女優就係紗倉まな（紗倉真菜），所以我想同佢一樣喺SOD出道。：所以對於星乃小姐嚟講，喺AV業界最憧憬嘅前輩就係紗倉まな。：係，我嘅目標都係想成為好似佢咁樣嘅一位AV女優！
：可以請你同大家分享一下兩年前拍攝出道作嘅時候，當時嘅心情係點樣？有冇一啲好難忘嘅事？：拍出道作嗰時真係好緊張好緊張！因為我入行之前嘅工作係甜品師，完全唔知拍攝嘅工作係點，一邊拍一邊學到好多嘢，工作人員同埋製作人都對我好nice，所以成個過程都好愉快，亦都因為咁我先至可以努力到今時今日。：請向大家推介一兩套你個人最滿意嘅作品！：揀邊套好呢...如果要揀一套大家一定唔可以錯過嘅作品嘅話，一定係我嘅出道作（STARS-716）！
：出道作始終都係最多人睇過嘅作品，所以想請大家一定要睇呢一套封面笑得咁燦爛嘅出道作！：除咗出道作之外，仲有一套以南方SPA做主題嘅作品（STARS-872），我當時睇到個封面就留低好深刻嘅印象，呢套係小弟嘅個人心水推介，希望大家都會去睇下！
：海外嘅觀眾都鐘意睇一啲劇情片嘅AV，如果可以俾星乃小姐決定嘅話，會想出演一個點樣設定嘅角色同埋劇情企劃？：入行之後嘅第一年感覺上多數都唔係劇情片嘅作品，最近開始多返啲，直到現時為止我出演過學生、鄰居呢啲角色，但係仲未試過一啲姊系嘅角色，所以希望嚟緊有機會可以試下！：即係嗰啲對細佬出手嘅家姐？：係！可以照顧下男仔嗰種！想挑戰一下嗰類劇情，我自己都會好心動！
：暫時都仲未見到星乃小姐有共演作推出，如果將來有拍攝共演作嘅機會，會最想同邊一位同屬SOD嘅女優合作？係咪都係紗倉まな？：如果有呢個機會可以紗倉小姐合作嘅話，咁就實在係太幸福喇
佢係我十分專敬嘅AV女優，所以好想喺現場見識下佢嘅演出，同埋對演技嘅態度！：希望未來會有機會見到兩位女優嘅共演作
！
搵日，J下先：關於今次喺香港舉行嘅活動，星乃小姐有冇準備一啲秘密武器，令到到時參加嘅FANS可以留低深刻嘅印象？：我好鐘意做運動保持身型，其中一個原因就係為咗想喺著普通衫同著水著嘅時候，會展現到明顯嘅分別，著水著嗰陣身體線條會更加靚同緊緻，所以今次我喺出發之前會繼續努力修身，希望大家到時嚟到現場會睇到我呢一個反差！：今次嘅活動除咗見面會之外，仲包括晚餐聚會同攝影會，呢種型式嘅活動對於香港FANS嚟講都係相當難得，今次星乃小姐嚟到香港，有冇啲咩想同香港FANS一齊做嘅嘢？：頭先都有提過，我喺出道之前係一個甜品師，所以有機會嘅話想同香港嘅FANS一齊整下甜品！又或者一齊試下香港嘅甜品同埋茶！到時希望大家可以介紹一啲香港出名嘅甜品俾我，因為我真係唔知香港有咩甜品出名，到時就麻煩大家了！：最後想請星乃小姐同香港嘅FANS講幾句說話。：今次係我第一次出國，以前有學過英文，為咗今次嘅活動最近都努力咁溫習緊英文，希望今次可以派上用場，到時大家嚟到現場可以睇到我努力嘅成果；另外為咗今次嘅香港見面會同攝影會，我會繼續努力鍛練，希望俾大家欣賞到我努力操返嚟嘅SEXY BODY！請大家到時多多指教！我係星乃莉子！到時見！
祝福佢喺香港嘅活動順順利利！
不過可惜嘅係上唔到去平時拍女子社員系列嗰層，好想去睇下現場環境
大家想見識下星乃莉子真人嘅話，7月嘅香港活動就唔好錯過喇
