可愛貓仔大冒險 Cat quest(喵咪鬥惡龍)

第3集係咪都可以雙打?
雙打好正

是3都有co-op

Plateup - 我覺得係最正嘅煮食類遊戲，單人/多人玩都好有挑戰性，煮食同設計廚房兩部份都各有各好玩 （我以前玩 game 最討厭要設計擺位，呢隻玩到半夜都唔捨得瞓去改善廚房嘅設計 )

Let's Cook Together - 比 Overcooked 少一點混亂，多一點合作。最初睇screenshot 以為係細路仔遊戲（我諗好多人都係因為咁直接飛咗唔睇），見sales 80% off 十幾蚊買返黎試，點知又幾好玩。

玩家會被分隔響兩個唔同嘅廚房，要將啲食物拋俾隊友去合作煮食，要同隊友溝通好，否則隊友做緊其他嘢冇空手接嘅話啲食物會掉咗落地下。食物大約半秒左右飛到過去，初玩時大家企定定響度等齊兩個都準備好先拋，一心急就拋晒落地下，慢慢建立起默契，唔使講咁多都自動配合到對方，有時錯手撳錯制拋咗過去，對方又眼明手快咁幫你補救到，好有 coop 合拍嘅滿足感，鐘意呢隻多過Overcooked

Full Metal Furies - 唔同職業嘅有唔同類型嘅攻擊，最多支援4人。兩個人玩可以隨時試唔同職業配搭，我覺得好玩過４人每人用一個職業 。唔知點解隻game冇乜人提，網上介紹俾過俾幾個人佢哋都話好玩。

遊戲隱藏咗唔少解謎元素，淨係鐘意打嘅話即使留意唔到都可以玩得好爽快，鐘意探索解謎嘅就可以留意下字裡行間嘅線索，我同朋友鐘意呢類嘅覺得隻game好正。

Spelunky 1 & 2 - classic roguelike 好好好好好好難玩，千奇百怪嘅死法令人哭笑不得，但唔怕狂死重玩嘅話隻 game 雙打好歡樂

TowerFall Ascension - 好耐之前玩唔係太記得詳細 gameplay，淨係記得係用弓箭攻擊，支箭受地心吸力影響（但我技術不足，成日見支箭 miss 咗，好似睇住玩 worms 支火箭炮miss 咗嘅感覺），得幾支箭射失咗要去執返黎用，有時俾隊友執咗要去第二度執返啲箭...好好玩好好笑。

見到 steam 壓倒性好評但好似冇乜人提過覺得有啲可惜，隻 game 本身有啲難度，唔知啱唔啱一般人口味，我唔特別喜好/擅長動作類遊戲但都覺得呢隻幾好玩（利申我有隊友技術搭救，我係拖累隊友嗰個），唔肯定如果兩個都唔擅長動作類嘅話會唔會覺得唔好玩。舊 game steam sale 時都應該可以幾平下，有興趣可以一試。

Pode - 平台解謎小品遊戲，操作簡單，解謎方面唔算好難但都要動下腦筋唔會悶，有一個溫馨小故事，特別推薦俾情侶玩，就算女仔冇打開機都啱玩

兩個可愛嘅角色各有唔同能力，可以拖手仔去強化能力 (雖然好似冇乜地方需要用到，但好 cute )
女性休閒玩家角度黎睇呢隻 game 100分

下面呢啲都好玩但應該好多人都聽過，唔特別介紹
Portal 2
Moving Out
Diner Bros
Unrailed!
Biped
Unravel 1/2
Shift Happens
ibb & obb
Toodee and Topdee
Death Squared
Monaco: What's Yours Is Mine
Magicka
Dungeon Defenders (first person tower defense，唔知 local coop split screen 玩畫面會唔會太細)

屌掂啊巴打!

有無試過用steam deck 駁電視再split screen

Cat quest 2 出埋 ios，
係 ipad 都有得玩，駁兩個藍牙手掣就玩得

希望遲啲係 ios 出埋 cat quest 3