[泡麵番] ちいかわ chiikawa 吉伊卡哇 討論區 (5)

post 1: https://lih.kg/bsryFkU (by: いなみかん)
post 2: https://lih.kg/3668848 (by: 零肌一觸)
post 3: https://lih.kg/3675751 (by: 零肌一觸)
post 4: https://lih.kg/bJDAHhU (by: 零肌一觸)


第一話
https://youtu.be/pbQQAwSQUX4
第二話
https://youtu.be/i6d3K6ln-d4
第三話
https://youtu.be/a7cwqxmn7rY
第四話
https://youtu.be/l9IAr7WY-Xk
第五話
https://youtu.be/cE8wVmwY7VY

每星期update一集

頭五集無限期任睇
由第六集開始，每個禮拜嘅就會收返埋上一集再出一集。

=================================================================
=================================================================

唔建議幫襯Miniso

miniso官方侮辱chiikawa佢地
叫chiikawa做智障愛哭鼠 hachiware做藍色褲頭貓 usagi做瘋狂亂叫兔 事後道歉


=================================================================

Post 4 大事回顧

Chiikawa in hk侵權整 作者叫人唔好幫襯
https://x.com/chiikawa_in_hk/status/1801619060146508048?s=46&t=apYc9NuUwyCDxCg8tNEQWA
連IG啲相都唔係佢影 都係偷
https://www.threads.net/@luin_pen/post/C8MunQNvmOg/?xmt=AQGzrLgz3SfTKzK4Ner_OHYEpBiGqMFCcXuYhrJBv6RMYA
=================================================================

注意

順便想喺度提下各位香港同好
香港台式夾公仔機出現越嚟越多翻版chiikawa
有啲睇落真係好似日版見到好多人都中伏
各位夾之前最好望清楚或者避免夾了
喺格仔鋪買或者網購都要加倍留意
(by：早川秋筋)

點樣分真假？

低端分辨：
1.睇有無吊牌 （不論係咪景品正常都會有吊牌
2.官方出嘅公仔（細size) 係會有透明袋入住而吊牌係會喺袋頂出面 個吊牌唔會喺袋入面

而家仿真度愈嚟愈高 好多假野都會做齊以上嘅嘢
所以
再進一步就check 吊牌
1. 通常都係made in China
2.平假名片假名同漢字對唔對齊 係咪一致
3.正版tag嘅膠圈係平頭，老翻係尖頭

可以再做confirm 嘅
google相機影相 搵官方圖/日本網做對比
(by:雙腳走走、安心魚)

另外價錢太低假嘅機會好大
盡量喺官方渠道買
絕對唔建議facebook同carousell度買 因為有太多騙案
連信和都有假貨
=================================================================
溫馨提示：切勿用worldshopping
溫馨提示：切勿用worldshopping
溫馨提示：切勿用worldshopping
=================================================================

大家好
見到愈嚟愈多人落坑入Po討論，所以做咗個小整合，希望新fans對於ちいかわ有更深認識，開心討論
如果資料有誤或者需要補充，歡迎指正人物簡介暫時整合咗主角三人組，有時間會再整合其他角色資料。



ちいかわ／なんか小さくてかわいいやつ
中譯：吉伊卡哇/小可愛/那又小又可愛的東西

官方資訊
網站https://www.anime-chiikawa.jp/
官方商店（內有一番賞連結）https://chiikawamarket.jp/
ナガノのクマ官方商店（有少量吉伊卡哇商品，當然白熊都會殺大家一頸血）https://nagano-market.jp/
ナガノ展https://nagano-ten.jp/
Official X account（作者會係度發佈最新漫畫） @ngnchiikawa
作者X account (ナガノのクマ/白熊/Joke bear漫畫發佈） @ngntrtr
官方漫畫instagram （進度較X慢） @ngnchiikawa
官方中譯instagram @chiikawa_tw
動畫播放YouTube めざましテレビ https://youtube.com/@user-ev5le7im3o?si=g4t6DceEXI9jHaXU
第1-6話無限時任睇
往後集數逢星期二、五早上8:00更新，一星期後刪除

漫畫單行本
日文版第1-6期https://kc.kodansha.co.jp/product?item=0000349299
中譯版第1-4期https://www.books.com.tw/products/0010958050
當地土產資訊 x account @gtchiikawa
精品資訊 x account @chiikawa_kouhou @chiikawa_goods
京都ちいかわモグモグ本鋪 x account @chiikawamgmg

非官方網站/資訊
B站 吉哈烏村 （應該係最快最齊動畫及漫畫翻譯，請自行斟酌食用）
部分有翻譯ちいかわ/ナガノのクマ/もぐらコロッケ漫畫嘅instagram
@minacatch
@osabeigiro

【小簡介】
ちいかわ及うさぎ早期曾經現身喺joke bear漫畫，於2020年1月開始獨立連載，故事除咗描述主角日常吃喝玩樂、打工生活外，亦有獵奇情節，側面反映現實生活唏噓無奈，偏偏作者刻意留白，引人遐想。雖然不時被評為黑暗童話，但主角可愛外型，加上笑中有淚情節，引發追棒風潮，人氣更直捲日本國外

【人物介紹】


ちいかわ/吉伊卡哇/chiikawa
聲優：青木遙
出生日期：2017年5月1日
手持武品：粉紅色叉叉
愛用物品：粉紅熊仔斜孭袋
最早見於作者單頁漫畫【我想這樣生活】，作者雖然用小白鼠🐁emoji作為caption配上其登場，但未有明確定義ちいかわ係邊種生物
作為故事中主人公，個性膽小，係一個大喊包，但有一顆體諒他人又溫柔嘅心，熱心幫助朋友同其他人。隨住劇情發展，變得越嚟越勇敢（雖然都係喊住頂硬上），好幾次一個救全家避開冚家全滅局面
雖然仲未考到入門基本級（5級）除草証明，但堅毅不屈嘅佢屢敗屢戰（希望佢快啲考到啦）。值得一提嘅係ちいかわ係luck buff 200%，除咗不時會抽獎抽中好味美食，連佢住緊嘅屋企都係中頭獎得返嚟，作者有係ナガノ展提到佢屋企有廁所，不過無畫到出嚟


ハチワレ/小八貓/hachiware
聲優：田中誠人
出生日期：2020年5月1日
手持武器：藍色叉叉
愛用物品：相機
主角三人組中其中之一，外型特徵酷似賓士貓，有記述佢嘔毛裂唇嗅反應等貓嘅特性但作者就反高潮咁話佢唔完全係一隻貓，所以小八可以食洋蔥同朱古力
小八係小可愛一族入面少有會講說話嘅角色，平時都會充當其他唔識講說話角色嘅翻譯。性格係一個大暖男，非常關心ちいかわ同其他人感受，見到朋友有麻煩一定出手相助，又鍾意入廚煮美食同朋友分享。小八生活環境似乎頗為窮困住係山窿入面，用嘅餐具都有裂紋，但小八什為知足，覺得住係山窿可以每晚睇到美麗星空。
小八陪ちいかわ考5級除草，一擊即中，可惜ちいかわ唔合格，首次體會同朋友之間心情唔同嘅時候苦澀，但亦都因為咁成為與ちいかわ友誼更進一步嘅契機。


うさぎ/兔兔/usagi
聲優：小澤亞李
出生日期：2019年1月22日
手持武器：黃色謎之爆炸棍（兔兔用箱頭筆係上面畫咗個自畫像）
最早出現係白熊漫畫嘅【暫存口罩服務】篇，亦係主人公三人組之一。兔兔可以話係ちいかわ謎一般嘅存在，無人知佢住係邊，說話只有「うら」、「ヤハ」、「ハ？」之類不過身手不凡，可以單人擊退あの子pyjama party 嘅舞蹈更係一秒上手而且頭腦靈活，已經考到3級除草試資格，更加用佢嘅知識係山姥篇用毒菇毒暈山姥令主角團甩身。相信係四海為家嘅關係，經常會搵到一啲免費午餐，但從不獨食，一定會同ちいかわ同小八分享。兔兔個性我行我素，大膽以為，但又有少少離經叛道，除咗無視モモンガ無理要求，係鎧さん面前都有奇特又不明嘅表現，早期有比較多欺負ちいかわ嘅表現，但較似朋友間嘅小趣味
兔兔有時會做咗啲真心膠事令到主角團爭啲團滅，例如（係二手商店？）買咗枝有求必應魔鬼棒搞到自己同小八都爭啲變怪獸、又係拾魔篇爭啲搞到全體變咗水晶雕像。總而言之，兔兔就係一個令人開心嘅存在，亦因為咁人氣相當高企


BY：中華肝吸蟲

【動畫資源update】
1）喜迎日本Netflix上載咗頭四十幾集嘅動畫，有subscribe 嘅巴絲用vpn轉去日本server就有得睇喇。
2）instagram 有香港ちい友幫動畫配上廣東話字幕
@zakkazoku.chiikawa (配合目前動畫進度出熟肉）
@Katie_Chiikawa_Japan (非常快手補完舊嘅動畫）

【人物介紹2️⃣】

栗まんじゅう先輩（栗饅頭前輩）
誕生日：2020年1月29日
聲優：淺井孝行

栗まんじゅう先輩之所以被稱為前輩，係因為對比其他小可愛族，佢飲食喜好都偏向成年人口味，例如係微甜咖啡、啤酒、梳打等等。幾乎每次都以美食家姿態出場，各式佳餚配美酒，再配以「呀～！」一聲表達其享受爽快感覺。就連ちいかわ同小八見到都好想試下，所以會模仿佢整梳打水或者飲完蜜桃梳打好爽咁「呀～！」一聲

係小可愛世界係需要有牌先可以飲酒，栗まんじゅう先輩暫時係主角團中唯一有飲酒資格許可證嘅，不過有牌照似乎唔等於酒量好，栗まんじゅう經常都會飲酒飲到宿醉；亦試過被一隻小蜥蜴偷走佢嘅牌照而被禁酒一段時間，有趣嘅係禁酒期間，栗まんじゅう表現出少女bling bling一面，相信好多人fans都估唔到佢有咁嘅一面。

栗まんじゅう先輩係非常之保護後輩嘅，例如見到兔哥吱緊ちいかわ吱到停唔到手，就用鮭魚條出手教訓兔哥（眼利嘅各位巴絲唔知有無留意到，栗まんじゅう先輩係超魔法少女嘅造型拎住嘅武器都係鮭魚條）；有一集風獅被一隻紫色嘅怪物追擊，栗まんじゅう先輩即刻趕嚟用一條竹輪捲擊退怪物，前輩之名可以話係當之無愧。

雖然佢個名叫栗まんじゅう，但有日本網民差測栗まんじゅう先輩嘅原形係蜜獾，唔知各位巴綠又覺得似唔似呢？

特別介紹栗まんじゅう先輩嘅聲優淺井孝行（X @taka_yuki_asai），粗獷麻甩外形真係會令人覺得佢就係栗まんじゅう先輩真人版，而且淺井先生仲相當識玩，配合漫畫連載栗まんじゅう先輩禁酒期間，自己仲印埋個「禁」字係額頭度出post，相信佢真係非常之鍾意栗まんじゅう先輩呢個角色。


シーサー（獅薩）
誕生日：2021年8月24日
聲優：島袋美由利

シーサー係郎拉麵嘅小助手，相比除草、討伐同埋採收嘅炒散性質，佢係郎拉麵嘅工作係一份全職，而全職工作係需要得到超級打工者証照，經郎鎧い認證，超級打工者資格係非常難考取；而シーサー想係郎拉麵打工嘅原因，係因為單純鍾意郎嘅拉麵，睇得出シーサー係一個頭腦靈活又堅毅嘅小可愛。シーサー非常看重係郎拉麵嘅工作，曾經發生有超級打工者係工作期間突然キメラ化嘅事件，誤傳所有超級打工者証照會註消，令シーサー擔心到係師傅面前喊咗出嚟。

シーサー依家努力溫習緊飲酒資格牌照嘅內容，希望考到之後，可以同佢嘅師傅郎鎧い收工一齊飲返杯；亦因為準備呢個考試，請教栗まんじゅう先輩繼而成為好友（係請教過程當中，呢個考試內容似乎會考究酒同食物嘅配搭，以及解決宿醉方法）。不過身為超級打工者嘅シーサー，放工過後仲要努力溫書，因為咁而捱病咗發高燒，好彩遇到路過嘅ちいかわ同小八，帶咗佢返屋企休息先好返咋（シーサー真係一個令人心疼嘅小可愛）。

シーサー嘅原形係沖繩石獅子，有時會講沖繩方言，又會食沖繩嘅土產；係沖繩parco 曾經開過以シーサー 做主角嘅pop-up store，絕對係沖繩推廣大使。漫畫入面シーサー嘅名字經常配合劇情以出現食字gag，例如ウレシーサー，今後係動畫會點樣展現同埋シーサー嘅再登場都係非常令人期待哦。


ラッコ（海瀨師傅）
誕生日：2020年1月24號
聲優：內田雄馬

ラッコ嘅原形係一隻海瀨，身披斗篷，孭住一把劍，額頭有個傷疤，單睇外表就知道ラッコ係身經白戰。初登場就以靈活身手，幫ちいかわ打低一隻巨型嘅キチキチ，令ちいかわ免於受傷。ラッコ係討伐排行榜第一名，係一眾小可愛祟拜嘅英雄；當然ちいかわ同小八都係佢嘅小fans，曾經怕怕醜醜咁問ラッコ可唔可以睇下劍上嘅頭像銘刻（討伐榜頭4名嘅認証）。ラッコ似乎有住一段辛酸嘅過去，佢曾經揸車帶住呢兩位小fans去到記念公園，係紀念公園君嘅雕像前面講出「其實我都唔係咁強啫」，可惜兩位小fans瞓著咗，ラッコ無再講落去，我哋都無辦法得知ラッコ一路走來成為強者嘅故事喇。

兩位小fans因為見到シーサー稱呼郎鎧い做師傅，於是乎佢哋就有樣學樣叫ラッコ做師傅，一次生兩次熟，叫叫下就收咗兩個做徒弟喇（不過ちいかわ想考到除草5級先再入隊訓練）。係訓練過程中，ラッコ曾經稱讚小八視線範圍廣闊，又幫佢分析小八嘅近攻形武器應該要點樣用，又帶小八去大規模討伐，增強實戰經驗，絕對係稱職又不可多得嘅師傅呀。

雖然有住強桿外形，但ラッコ非常鍾意食甜品，每次食完都會露出一副少女食到甜品就滿足嘅表情；又因為收到超巿甜品特賣嘅傳單，就飛車去掃掃掃，真係充滿反差萌。係小島篇入面，亦都見到佢為咗士多啤梨芭菲而耐心排隊守候，排隊期間更加傳授小八心無雜念嘅心法，成為日後小八解困契機！


モモンガ（飛鼠）
誕生日：2020年7月22日
配音員：井口裕香

擁有一對水汪汪嘅大眼睛，加上毛絨絨嘅外型，粉藍色配色，以外型嚟講飛鼠就係一個標準かわいい嘅小可愛，不過各位巴絲都知道佢內在嘅靈魂係てかつよ！故事並無詳細解釋飛鼠同てかつよ係點樣交換靈魂，只有飛鼠係初登場期間講過：「我以後要盡情扮可愛！」、打爛可以交換靈魂嘅老虎機、以及てかつよ喊住咁向流星許願、同あの子講自己係不情願嘅情況下被交換，得到一啲端倪。有日本網民曾經評論，飛鼠交換靈魂事件，有可能係ナガノ籍此諷刺社會上只著重外表嘅風氣。

雖然元てかつよ得到可愛嘅飛鼠外型，不過性格仍賤賤格格，不曾社會化。以為有著可愛外型，就可以隨意得到人稱讚，被人鬧又可以扮可憐甩身，隨意搶人嘅嘢食，將污水潑去其他小可愛身上，ちいかわ更加因為佢食咗唔少苦頭，所以ちいかわ嘅觀眾亦因為咁有住兩極嘅睇法：一係好鍾意，一係就好討厭。不過ちいかわ同小八似乎唔太抗拒同飛鼠相處，係食物短缺期間，佢哋就帶餓到肚都凹埋嘅飛鼠去採收同食早餐，飛鼠亦好似有啲啲明白，係小可愛嘅世界無可能不勞而獲嘅。

雖然飛鼠鍾意蝦蝦霸霸，不過佢唔係無天敵㗎—就係大家都好鍾意嘅兔哥！當飛鼠想搶食兔哥辛苦整嘅多士，兔哥就叫佢攞其他好西嚟交換先；當飛鼠想獨享無限飯煲嗰陣，兔哥又一於少理整埋個飯團🍙先走人，仲吹雞叫ちいかわ同小八一齊嚟食

隨住古本屋嘅登場，同飛鼠成為朋友（？），飛鼠似乎有一點點微妙嘅改變，究竟飛鼠之後有點樣嘅發展都令人相當期待。

BY：中華肝吸蟲

古本屋ちゃん(古本屋）
誕生日：2020年8月29號
聲優：從缺

雖然古本屋仲未係動畫正式登場，但係佢比更多角色以グレの子嘅姿態更早出現！初登場係小八備戰除草檢訂試嘅時候，小八係佢嘅二手書攤檔度買到除草參考書，後來小八又再一次係佢攤檔度買食譜。

古本屋愛書如命，漫畫曾經描述古本屋係一次辛苦討伐過後，即使人工唔多都拎曬去買書；而佢嘅屋企（都係一個山窿）仲佈滿書櫃，就好似一個小型圖書館咁。

古本屋點解會正式登場，可以話係歸功於飛鼠！有次飛鼠漫無目的咁去到古本屋嘅攤檔，隨手攞起一本書就想搶走，好在古本屋截得住叫佢畀錢。就係咁，飛鼠用佢僅有嘅零錢（從唯一一次跟ちいかわ同小八去採收得到嘅人工），買咗一本書，命令古本屋讀畀佢聽。咁霸度嘅客仔，古本屋緊係認到佢啦，不過起初飛鼠係認唔到佢㗎，但係古本屋都係好熱情咁邀請飛鼠去忌廉山，浸風呂，到後來飛鼠被菇菇寄生搵古本屋求助（雖然比較似係要show off 自己被寄生都係咁可愛）古本屋先至唔使做單機朋友仔咋。某一日，ポシェットの鎧い送咗兩個蟹鉗頭箍畀飛鼠，飛鼠覺得戴住兩個頭箍夾住個頭好唔舒服，就隨手送咗一個頭箍畀飛鼠，古本屋就因為咁，感動到現出真身喇

古本屋嘅個性可以話係小可愛族入面數一數二最溫柔又友善，連飛鼠呢種屁孩都願意做朋友，加上係小島篇，見到ラッコ師傅被人魚捉走，仲會估起勇氣同主角三人組一齊拯救師傅。相信係動畫登場後能夠收獲更多fans呢！


あの子（那孩子）
聲優：青山吉能

あの子係ちいかわ入面另一個由グレの子變成有形象嘅角色。最初佢係檸檬工場入面，坐喺ちいかわ隔離嘅同事。係休息時間，あの子熟練咁用office gulico買零食，ちいかわ見到就跟隊試下，あの子見到就同ちいかわ一齊交換零食喇。隨後某日，ちいかわ見到あの子著住粉紅色睡衣返工，仲開心咁傾計佢都有一件㖭。關於呢件睡衣，可以追溯到あの子可能係更早嘅時間就已經登場！曾經有一個グレの子寫咗封信畀シェットの鎧い感謝佢造嘅睡衣好舒適，同埋佢好鍾意著（真係一個好有禮貌嘅客人呀）。

後來有一日，主角三人組參加大規模討伐遇到あの子，三人幾乎團滅之際，有一隻青蛙🐸跳出嚟，あの子指住青蛙示意畀ちいかわ佢就係檸檬工場嘅同事，不過ちいかわ已經認唔出眼前嘅佢喇；後來ちいかわ再次返到去工廠亦都再見唔返呢位有講有笑嘅同事喇。

あの子回想起做小可族時艱難嘅生活，對比キメラ化後嘅力量，似乎相當滿足現時嘅狀況，雖然漫畫有暗示あの子曾經食咗嚟討伐嘅小可愛族人，不過本人頃向認為，あの子嘅心態係人不犯我，我不犯人嘅，亦唔會真係以小可愛族人做主食，因為都有好多佢食果實嘅寫照。


てかつよ
聲優：山下タイキ

てかつよ係一隻好早期就已經登場嘅怪獸，係【我想這樣生活】一篇，元てかつよ就有講過想一手撳扁啲可愛又弱小嘅傢伙（呢個小傢伙嘅灰色剪影係元飛鼠）！到後來再出場嗰陣てかつよ（元飛鼠）已經被交換身體，想追返翻嚟，可惜追甩咗喇。

てかつよ可以話係一個可憐嘅存在，ナガノ並無描寫太多佢被交換靈魂後一個人係野外嘅生活。到後來あの子都キメラ化後，兩個人玩得好開心，仲一齊交流點解會變成怪物，似乎成為一對朋友，不過見到あの子玩弄嚟討伏嘅小可愛族，てかつよ都會表現得驚慌同埋會勸あの子唔好咁做，可見元飛鼠都係一個善良嘅小可愛。

BY：中華肝吸蟲

分辨真假測試

因為假貨嚴重流入市面，為左提升大家危機意識同分辨真假嘅能力，所以呢個測試就咁誕生左 (圖片全部轉自網上來源)

歡迎重溫

Post 2 測試題目 [ https://lih.kg/bHMRzhU ]
第一題：#176 , 答案：#209
第二題：#217 , 答案：#240
第三題：#259 , 答案：#304
第四題：#327 , 答案：#428
第五題：#483 , 答案：#585
第六題：#643 , 答案：#686
第七題：#751 , 答案：#847
---------------------------------------------------------------------------------------
post 3 測試題目 [ https://lih.kg/bJenOaU ]
第八題：#32 , 答案：#132
第九題：#159, 答案：#264
第十題：#448, 答案：#556
第十一題：#907, 答案：#954

再次提提大家請喺官方渠道或可靠/信譽良好嘅地方買

推爆左上個post 先 THX

請問點解唔好用worldshopping
上星期喺官店買嘢用咗
今日先睇到post頭

又貴又搶唔到嘢

Post 4 大事回顧

IG：Chiikawa in hk 侵權 作者叫人唔好幫襯
https://x.com/chiikawa_in_hk/status/1801619060146508048?s=46&t=apYc9NuUwyCDxCg8tNEQWA

連IG啲相都唔係佢影 都係偷
https://www.threads.net/@luin_pen/post/C8MunQNvmOg/?xmt=AQGzrLgz3SfTKzK4Ner_OHYEpBiGqMFCcXuYhrJBv6RMYA

852男朋友同老友mina依家喺threads死雞撐飯蓋ing
(私人聚會用星星老翻)
https://www.threads.net/@kelvinsin/post/C8N8M7YyCA1

然後到而家Chiikawa in hk都仲繼續post 相

(持續更新) 6月搶錢整合(景品/再販):

溫馨提示：切勿用worldshopping

景品資訊

6月13日
收納盒 (朱古力主題)
3ボックス付き収納ケース

●製造商：Eiko
●種類、尺寸：1種、約50 x 52 x 27cm

6月27日
七夕主題
七夕ぬいぐるみ

●類型與尺寸：3種(chiikawa, hachiware, usagi)，約16cm

6月28日
天使主題
てんしなBIGぬいぐるみ
プライズ

てんしな大きめマスコット
プライズ

================================================
販售/預售等資訊：

6月14日
うきうきマスコット全3種類 各1,760円

切ない顔のモモンガぬいぐるみ

フロッキー前髪クリップ


6月22日
ちいかわいっぱい2wayルーム


6月24日
カードコレクショングミ第５弾
1パック1枚入り（全30種）







ちいかわウルリスコラボ
うるサラ髪:ハッピーフルーティーの香り
サラツヤ髪:リラックスベールの香り


================================================
【再販整合】

預計6月13或14日晚上開搶*

ちいかわのくまぬいぐるみ


ぷちミニマスコット全4種類 各1,430円


ポシェット全3種類 各1,430円


あのこ マスコット1,870円


オデのぬいぐるみ 5,500円


おやすみベッドとマスコットセット3,300円


日子待定* (6月中)
飛び立つモモンガマスコット


しっぽふんわりモモンガ


寄生されちゃったモモンガマスコット


パジャマパーティーな プチミニマスコット(全7種)


垂れ耳なうさぎマスコット


生え変わりなハチワレマスコット


ムン顔ハチワレマスコット


スポーツ刈りなハチワレマスコット


喜びがない～・・ハチワレぬいぐるみ


雨の日！ぷちミニマスコット 全3種

================================================
預訂

※受注生産📣『キュッ おくるみぷちミニマスコット』
（#ちいかわ／#ハチワレ／#うさぎ）

✅ご予約受付：6/14(金)18時～6/19(水)正午12時

新扭蛋：預計7月22日發售
共有 16 種類型，其中包括一種特殊秘密類型。

預訂網站：


アニメ『ちいかわ』Blu-ray＆DVD“第2弾”発売決定！
11月8日（金）に発売される [現接受預訂!!!!]





ちいかわ Blu-ray＆DVD第3弾！
発売日は2025年1月8日 [現接受預訂!!!!]




ちいま受注生産6/18〜7/11 12:00
================================================
預告

一番くじ ちいかわ ～みんなでラーメン～
発売日：2024年09月下旬発売予定
1回750円(税10％込)



○ A 獎 計時器
○ B 獎 Chiikawa手辦
○ C 獎 Hachiware手辦
○ D 獎 Usagi手辦
○ E 獎 玻璃杯
○ F 獎 毛巾
○ G 獎 橡膠系列
○ H 獎 文具
○Last one 獎 紙巾盒

準備好消費未

因為佢唔係即時買~

留名

可惜依個系列冇14pro max ,其實都多款冇14pro max

日本殼好多都唔出max，我哋依啲max機用家得個望字

唉 有冇14pro max靚款介紹

無恥

15 pro max揮個手
可能日本人都唔多用大機？所以pro max都係少款

Post 4 大事回顧

IG：Chiikawa in hk 侵權 作者叫人唔好幫襯
https://x.com/chiikawa_in_hk/status/1801619060146508048?s=46&t=apYc9NuUwyCDxCg8tNEQWA

連IG啲相都唔係佢影 都係偷
https://www.threads.net/@luin_pen/post/C8MunQNvmOg/?xmt=AQGzrLgz3SfTKzK4Ner_OHYEpBiGqMFCcXuYhrJBv6RMYA

852男朋友同老友mina依家喺threads死雞撐飯蓋ing
(私人聚會用星星老翻)
https://www.threads.net/@kelvinsin/post/C8N8M7YyCA1

然後到而家Chiikawa in hk都仲繼續post 相

同埋其實個聚會都唔係真係非常私人，揀新都會廣場小點角落個舖位勁開放，又喺餐廳門口擺兩塊人咁大嘅Chiikawa紙版，點知啲人路過會唔會誤會係有乜合作

大半日無追post咁快爆咗，感謝樓主每次搬運同敗家整合

我本人早幾年就鍾意白熊同Chiikawa ，因為唔識日文，開始見到有啲Page會翻譯都好開心，但係又私心唔想佢哋係香港好紅，因為一紅就會有人玩爛

天水圍件事本來都係食下花生，始終人不在現場；代購價錢係咪合理都係一買一賣，你情我願。
不過帶住打擊騙案同炒賣旗號但又一面賣postcard 呢樣嘢真係感覺到佢哋雙重標準⋯⋯。

Chiikawa in HK原來仲有Keep住喺人哋Twitter留言
但全雞腸

依家做起咗有心搵個識日文幫佢點會搵唔到
理虧到咁仲懶係嘢提出Option同人Deal咁
有少少良心唔使問都自己識Del啦
依啲死港女真係核突到傻

仲有侵權嗰啲
印象中展示侵權作品都係侵權行為
有冇熟例巴絲識

仲要畀人周到幫人宣傳用角色整嘅甜品
852, in HK, minacatch依班洗地洗得勁撚柒
特別個minacatch

真係過份

應該喺埋自己ig聲明埋

自己圍內梗係幫返自己