同行一齊圍爐 「發誓以後唔接大單！」
另一位外賣員在回應中分享了自己的經歷，他提到有次接到一個總價值$1,374的大單，包括包括4份扒公司三文治、5份雞翼＋咖喱角＋炒麵、4份西多士及13份餐具。「我頭先左手3袋右手3袋咁行上山，而家隻手痺X咗！」，他描述了送餐時的困難。他在留言中表達了對分單的看法：「首先你呢張係咪分單嚟？如果係唔係都好，真心辛苦晒，如果我見到即刻轉走！」該同行則回應說「係分單，但呢到已經分咗，有另外6袋係派左俾人，我去到先知咁大鑊！發誓以後唔接大單！」
有另一位同行分享：「咁都話辛苦？送嗰幾盒飯又唔洗你送水，KeeTa已經係最輕鬆嗰間！冇超市嘢你拎！」（圖片來源：Threads）
網民插外賣仔：你有潛質做的士佬
對於外賣送餐員的辛勞，網民的反應卻是兩極。一方面，有人批評外賣員的抱怨：「有湯唔送、太重唔送，有潛質做的士佬⋯⋯」、「笑死，叫外賣仲要幫你諗埋，不如幫你送埋比錢你袋，傻X」、「香港連叫外賣都慘過人」、「Keeta咁既份量算少，做其他佢會死的。」、「應該自己去舖頭幫手拎，但照樣計外賣錢畀你好唔好？」。
另一方面，也有網民表示支持和理解：「體諒步兵拎咁多係辛苦，亦都知道呢啲大單對客人嘅風險都大，例如個個送餐員都踢單，等到唔知幾時先有嘢食，甚至啲嘢食倒瀉晒。但係分單有時就會令到客人冇咗優惠（舉例如果佢要消費夠$200先有折)，而且每張單都有平臺費，精打細算嘅香港人真係未必會咁樣分單。」
