間公司本身大股東係英資，後尾大概因為某啲原因，賣哂啲股票俾中資。詳細唔講了。
諗起做多幾年就到退休年齡，上幾任CEO 都有啲大功積幫到母公司，退休就坐咗入董事局（雖然有一個俾公司告返轉頭），我就諗咗條正橋加合約條款，可以幫公司捉返啲走公司數嘅客返嚟，用違反合約條款為由向佢地索賠。
點不知啲公司老散反應好大，又話啲條款太辣，連冇走數正常客都告得，話要喺Annual General Meeting 投票搞我。
董事局召咗我去開會，問我做乜鳩公司上哂報紙A1 。
我腳都震埋，本身諗住搞壇大龍鳳博入board ，家陣偷雞唔成蝕渣米。解唔掂董事局唔好話入board, 會唔會俾人雞都成問題。我唔可以俾呢件事發生，點都要瞞過個board meeting.
“屌班撚屌老散俾外國沽空機構利用想做新聞搞我地股價！成件事完全係外國勢力策劃！我地會動用所有公關擺平件事！”
之後我就動用咗公司好大嘅資金俾公關部門開OT ，日而繼夜反駁，要買咩裝備隨便買。
最後改公司章程，動用咗同股不同權，令到啲老散股份冇得投票，再告哂任何出聲嘅老散誹謗先擺平件事。
董事局最後都唔係好滿意我表現，做夠鐘就自己走人。對外公司定性件事係俾外國大鱷追擊沽空，件事算係告一段落。
不過呢件事之後，機構投資者同外資大股東唔知點解同減持，明明由治及興緊，公司評級不停跌，股價由3萬蚊跌到2萬蚊都冇。
公司傳統業務之一俾中資股東嘅公司搶市佔，盈利大減。為咗減開支，唔少零售業務要縮減店舖規模。
anyway ,我最後都係退咗休，升咗個公關部門Director 做CEO。 聽講公司turn over 好高，但係cut 埋headcount , 所以空缺唔算好多。
間公司應該都仲捱到10年，不過睇怕都係會慢慢俾中資公司打殘啲業務。我手頭上啲公司股票應該都係會放哂佢。
估唔到一間全球市值首屈一指嘅公司，可以轉差得咁快。真係花無百日紅
做貿易起家，我走個陣間野主要做基金管理，貿易比重25% 左右