【遊記】東京美食純玩團

樓豬呢

仲未到日本？
屌你入咗黑洞未出返嚟

日版MH370

樓主過去果幾日有嘢搞，未得閒寫遊記。明天繼續

之前有增坐過一次JAL
而家好貴

樓主回歸，多謝大家關心同繼續支持。

原本以為搭晏晝機可以快啲入到境，但係我錯曬。入境果度打曬蛇餅，排咗成個鐘先去到行李帶攞行李。

攞完行李就搭Skyliner出上野。今次揀住上野都係貪Skyliner 43分鐘直達，慳返唔少時間。以前都住過新宿站同東京站八重洲附近。雖然N’EX都直達，但係兜路兜到傻，相比之下都係上野最方便。



樓主今次住嘅Tosei Hotel Cocone Ueno Okachimachi 距離京成上野站7分鐘步程，JR 御徒町站2分鐘步程。由於單人房每晚都係六百幾蚊，樓主決定豪啲：book四間單人房，等有多啲地方擺嘢。

房間佈局係日本典型商務酒店佈局。我會話麻雀雖小，五臟俱全，而且清潔做得非常好。要注意房間入面並冇日用品，要自己喺大堂攞。值得一讚嘅係大堂有免費咖啡機，完咗每日嘅行程可以攞返杯差差電。



酒店地址：3 Chome-23-9 Ueno, Taito City, Tokyo 110-0005
推薦指數：5星（地理位置優越，價錢唔貴）

你之前買機票幾錢？

好耐啦 應該16年到
果時咁啱見到特價
23xx 來回北海道(轉機）

live

咁真係好平自從疫情過後真係冇見過傳統航空公司飛日本可以做到2xxx

港航計唔計傳統 計嘅話我都買過2100HKD

依家好難定義廚叉係咪傳統航空公司。雖然包30kg寄艙行李，但係個飛機餐真係不了

唔經唔覺Check in完，返房放低行李同簡單整理下就已經7點幾，又係時候食夜晚。

第一晚安排咗去上野一間百年蕎麥麵店（藪蕎麥）食飯。睇其他人嘅遊記，如果喺中午時間嚟應該要排長龍。可能因為咁啱果晚落大雨，而且過曬繁忙時間，所以我地好好彩可以直入。

Tabelog：3.66分
網址：https://tabelog.com/tokyo/A1311/A131101/13003594/

大家都叫咗季節限定嘅昆布帶子蕎麥麵。食落去好鮮，唯一係份量比較少。





係到分享一件小趣事：樓主聽到坐喺隔離檯嘅幾位老人家用廣東話傾緊計。最初以為佢哋都係旅客就冇乜點留意，點知佢哋聽到我哋都用廣東話傾計就突然搭訕。傾落先知原來佢地197X年已經過咗嚟東京打工，依家已經退咗休喺日本享清福。如果你哋都有上連登嘅不妨留言相認下。

鑑於樓主食唔飽，所以決定去麥當勞買宵夜食。我order咗個香港冇嘅照燒雞飯堡返酒店慢慢享用。

第一日，完。

樓主呢？

失咗蹤

爛尾了

樓主明天會再更新

第二朝安排咗去上野好出名嘅USAGIYA Café食紅豆熱香餅。哩間café最特別嘅地方就係只有每朝嘅九點到九點十分會供應啱啱出爐嘅熱香餅。其餘時間食到嘅都係已經整咗一段時間嘅熱香餅。

為咗唔會miss咗熱辣辣嘅熱香餅，小弟特登早啲過去間鋪到排隊。估唔到八點四十五分去到已經有一個日本人排緊，睇嚟間café都相當有口碑。

鋪頭準時九點開門，而我地亦順利食到。

紅豆醬係用十勝紅豆做，食落去幾有口感，而且唔係死甜。配埋牛油同熱辣辣嘅熱香餅，滋味就係咁簡單。



Tabelog：3.69分
網址：https://tabelog.com/tokyo/A1311/A131101/13184732/

其實仲有冇人睇緊

仲我有

25d 咁撚耐

睇緊
你出得好慢

見冇乜人覆我以為已經冇人睇緊原來仲有人支持緊，會出快返少少

G持樓主

在線等樓主