【七月新番】【動畫】《義妹生活》討論區

一個你好鍾意既人，日日見但又一定無可能一齊既感覺，真係好辛苦

有希其實都唔太好睇啦，集集都好似無進展咁

咁又唔係一定冇可能既
只係主角要探討下點樣做到有可能即

我記得有新聞，又係帶住仔同女再婚，然後仔女結婚。日本果邊冇血娽既義兄妹結婚，其實冇違法。法律係咁，但道德、觀感上係另一個問題
男女主最主要面對既煩惱係，好驚會因為佢地之間既戀情而影響到父母既婚姻。

題材睇落好舊但感覺真係好新鮮, 又唔會失實

兩個都因為細個父母離異所以比其他人早熟同自立
高中仲讀緊書已經識得同居互相立契約
兩個互立契約, 但兩個都會不停反省對方帶俾自己既價值同自己付出既對唔對等
兩個都唔知咁樣並唔係正常既兄妹關係
而咁既認知又係有跡可尋, 因為兩個本身都係出自獨生單親家庭, 習慣咗同單親相依為命而唔鐘意單方面受益於單親既付出
自然唔知正常既兄妹關係係點, 同時都追求一種互助、而唔係親情常見既施與受既關係

同埋不得不提作者不停強調義兄妹只係外人呢個講法
呢句完完全全係成個故事既起點
明明一開始只係作為雙方唔對義兄妹關係有所期待既藉口
但正正就係因為兩個都互當大家係外人, 同時唔想大家利害不平等
透過互立契約同不斷既反省, 反而意義上造就咗一對關係理想既情侶
成個過程好自然咁演繹曬出黎

原本見到叫義妹生活, 仲以為係嗰啲一見鐘情既展開
但呢個作者邏輯脈絡清晰, 好似睇緊心理學咁
從來未試過睇得咁舒服

淨係想買膠但又唔想買bd

https://x.com/anitrendz/status/1835310097213362521?s=46&t=97yKhUYPjxQdCPyxTFkXpg
連續2星期#1

睇小說個陣以為呢套係文學小說嚟
完全無輕小說啲奇幻 離地
全部都寫得好現實

https://x.com/mikawaghost/status/1835359727926362397?t=6wIhvab9xJsmukCUmeCDtw&s=19
未見過一個作者咁上心

啲千字文睇下睇下慣左，可以直接入手小說啦

咁樣算唔算另類拉入坑嘅方式

啲人諗住補充返動畫內容，點知發現原來咁多野講唔到，仲要唔係小說黨話你知，而係個作者親自講出來。都真係幾推坑

不過講返轉頭，呢套作品（youtube有聲小說版）本身係作者為咗推廣俾中小學生讀輕小說而作，所以作者會咁樣做其實都好符合作者嘅初衷

youtube 片最緊要睇前輩第一次見悠太個集

我反而唔鍾意作者下下出黎解畫
感覺就好似動畫做得唔好唔夠咁

總體嚟講睇得好舒服

因為cut左唔少野
尤其內心戲動畫好多時表達唔到
作者都有講過唔想下下要角色獨白，咁樣觀感仲差

因為真係動畫做唔到咁多內容
所以我都係用「講唔到」咁多野，本身載體唔同，係要有取捨架啦
作者係小說花左咁多心思，但因為載體變動畫既關係，要捨棄咁啲，既然係咁，咪作者解畫返

剩係第2定第3話，沙季上男主床，如果唔睇作者解畫，其實對沙季個觀感同小說會差好遠。咁呢part動畫有冇得做到小說個效果？基本上做唔到，邊有咁多位會鋪沙季心理變化

明白載體唔同要有取捨
但係用受限制嘅載體去表達小說嘅內容係製作組必須克服嘅題目
其實做得好嘅製作組係唔會有觀眾睇唔出女主角動機嘅問題
而且係頭3集最高潮最重要嘅位
呢點係製作組嘅問題
個人覺得好嘅動畫改篇作品 即使唔進行任何補充 佢都應該係好睇 係完滿
無必要做每集補充 始終你都識講動畫還動畫 小說還小說
當作者每集都補充嘅時候係咪即係製作組覺得做得唔夠好 講得唔夠多
但係其實正路劇本應該原作者自己都過過一次架喎
咁係咪即係原作者自己自打嘴巴自己都覺得佢認可嘅劇本有問題?

咁取捨完，即係有野捨棄左，咁想補充返完整版本咪補充返
冇問大衝突即三河佢滿意套動畫，都係因應返動畫既載體既標準，再完美都唔會做到小說原著果種效果
好睇，唔等於完美，即係動畫獨立咁睇係好睇冇問題，但對比返原著小說，點都會漏野(影像VS文字)
你又唔洗講到有漏野就好似動畫唔得咁，但凡改編作品都有呢個情況架啦，一定有野可以補充
何況義妹呢本野特別有難度，三河都有講過唔易動畫化到，係最後動畫監督做到野，GET到個核心思想。之旦係，核心思想即，但周邊既野唔會全部寫曬，咪有野可以補充

說到這裡，雖然這篇文章主要是關於動畫的解說和感想，但我提到這些背景是有原因的。或許有人會覺得我說了些無關緊要的話，但這些對於理解動畫的改編過程是必要的，希望大家能夠理解。
基於這樣的創作意圖，我一開始就認為將這部作品改編成動畫會非常困難。在《義妹生活》的第三次廣播中，上野監督也提到過感受到了這份難度，這讓我一方面感到有些抱歉，但另一方面也慶幸能有這樣理解作品核心的導演。感受到難度，意味著導演完美地理解了我在《義妹生活》中所珍視的元素。畢竟，僅從劇情概要來看，這部作品似乎只是一部普通的戀愛喜劇，可能會被輕易處理成「不那麼有趣的戀愛喜劇」。但導演並沒有這麼做，而是深入挖掘了作品的核心魅力，正面迎接了挑戰。對此，我真的非常感謝。

睇動畫就應該係完整嘅動畫體驗
如果你想追求有小說嘅故事體驗我覺得就應該去睇小說
而唔係睇動畫然後去睇原作者補充
可能大部分人覺得無分別
但係我覺得兩者係唔同

咁即係睇唔睇作者補充都係個人選擇啦
可以close topic啦嘛

根本假9黎

巴打真係有耐性講咁多

本身載體唔同 側重點自然就會有唔同㗎啦
一句話好嘅動畫唔需要補充就話製作組有問題
咁使傾落去咩
我真係無見過有輕改動畫係可以完全做曬小說描述嘅嘢

「和其他有魅力的人交流之後
　如果你的感情沒有變化
　到那時
　一定要珍惜這份真正的感情」
氣氛好沉重，但實質已經預示一切，我地再次頒獎俾工藤英葉