莊思敏為人率直,間中都會遇到火爆場面,受委屈都會出聲宣洩一下。日前,她乘搭港鐵時候就遇到不快事,事後在社交平台投訴。近日,她在街上再次遇到欺凌事件,與人有碰撞,並非心口碎大石,而是心口撞心口,疑被人非禮,令她嬲爆 。下次遇到類似情況,記得大聲叫唔好呀!
日前,莊思敏在社交平台出帖文講自己的經歷,她跟普通巿民一樣,乘搭交通工具時,遇到一些自私乘客,令她看不過眼,她寫道:「完全唔明點解啲人坐地鐵唔可以企入啲?」這些情況實在好普遍,不時會有一些乘客,為方便自己,而不願聽廣播,盡量行入車廂中間,以致後來上車乘客擠滿近車門口,十分危險。
隨後,又再有另一則帖文,今次莊思敏遭遇更慘,當街疑被非禮:「今日本來心情好好,做完Treatment 去食Pizza,係(喺)食完飯諗住由跑馬地散步返銅鑼灣嘅時候路上遇到一個外藉人仕(士)大大力咁撞過來,道歉都無聲,我叫住佢,佢仲要頭也不會,嬲爆。佢一定係有心啦,黑(乞)人憎!」
不少網民睇完之後,都覺得對方是刻意撞向莊思敏看不過眼,留言關心,「用手機影低佢嗎」、「嬲嬲豬」、「冇辦法,目標太太了,只怕自己磁場太強吧」、「撞到邊樹」、「最緊要冇受傷?橫蠻無理嘅人周圍都係,自己小心啲啦」、「其實香港有一半嘅男人都想高速撞過嚟你度」、「怪就怪你個胸累事啦」、「最緊要人無事」、「吸引力法則」。