長沙灣懷疑發生虐兒案。網上今日（7日）瘋傳一段影片，可見保安道公共圖書館內，一名女子疑因教導功課問題大動肝火，對一名年幼女童又打又罵，期間怒極「爆粗」、「搣耳仔」及「兜巴星」，最後更一手將其扯起推走，帶至後樓梯繼續打。警方事後到圖書館調查。消息稱，警方已拘捕涉案女子，據悉她為女童母親。
相關片段長約3分25秒，可見一名女子、一名女童及一名男童，坐於保安道圖書館一張矮枱溫習功課。當時女子面帶怒氣斥責女童，「已經3點鐘，十個字都未溫完？出去啦！出去打妳呀我同妳講！我忍唔到㗎喇！」其後女子喃喃自語繼續暗罵，突然大大力搣向女童耳朵，「完全唔識嘅！你上咗堂呀？咩問題呀？咁都數唔到？妳係咪有病呀？」
女子怒氣未消，激動地粗口橫飛辱罵女童，「唔識串呀？點樣讀呀？」繼而反手「兜巴星」掌摑，女童被大力打中後，立即擰頭閃避。女子然後望實女童近20秒，即一手扯起女童將其推走。其後片段轉至後樓梯位置，可見女子多次大力手打女童，片段至此結束。女童由始至終均未有駁嘴，只是默默擦眼及抹面。
